Danasagara 14: atha dānavidhiḥ
Dānasāgara 14
- Language
- Sanskrit
atha dānavidhiḥ
14.1
manuḥ (4|235)—
yo'rcitaṃ pratigṛhṇāti dadātyarcitameva ca
tāvubhau gacchataḥ svargaṃ narakantu viparyaye
14.2
vyāsaḥgobhūmitalahiraṇyāśvavāsodhṛtādi nyāyāgataṃ deyaṃ dravyaṃ śraddhāsamanvitaḥ śaktito dayātapaḥśīlādisampannāya' brāhmaṇāyānupakāriṇe daridrāya mālyādibhirarcitāya svastivācyodakapūrvakaṃ
dadyāt | grahoparāgādinimitteṣu viśeṣataḥ
14.3
hārītaḥdevatāḥ pitaraścaiva tapoyajñadānānāmīśate | ahardevānāṃ rātriḥ pitṝṇām | rātrāvetāḥ
svāpahetoḥ saṃviśanti | devā rātistasmānnaktaṃ śuklā ahaṃ kṛṣṇā iti śrutiḥ | atha
yadivā'ṅgiryajati dadāti tapasyati vā naktambhūtābhiradbhiraharbhūtebhyo devebhyo gamayati | atha
yannaktamadbhiyajati dadāti tapasyati vā'harbhūtābhiradbhinaktambhūtebhyaḥ pitṛbhyo gamayati | tadapyetādṛgevoktaṃ phalam - 'ye rājyahobhyāṃ vijñāyaivaṃ devān pitṝn yajanti bhūyaḥ purāṇāḥ | śraddhāśritā
dhārayanti yajñabhūtāstā no devīrupatiṣṭhantyāpaḥ' iti | varuṇagṛhapatayo devā, dakṣiṇāyanaṃ
tasmād vāruṇaṃ sarvatrānuyātīti | mantrā mantravatsarvakāryasādhakānāmartibhayopasargebhyo rakṣitāro
bhavanti | mantrā devatāstad ya evaṃ vidvān mantravat karoti, devatābhireva tat karoti,
yadadāti, devatābhireva taddadāti ; yat pratigṛhṇāti, devatābhireva tat pratigṛhṇāti | tasmānnāmantravat pratigṛhṇīyāt | yattu mantraḥ pratipādayet, pratipāditā hi devatāstūṣṇīṃ pratigrahīturhiṃsikā bhavanti | tasmādapyadbhiravokṣya dadyādālabhya ca
14.4
āpastambaḥ (āpa. dha. sū., 2|4|6|8-6)—
sarvāṇyudakapūrvāṇi dānāni | yathāśruti vihāre¹
14.5
gotamaḥ (gau. dha. sū. 1|5|16-17)—
svastivācya bhikṣādāna [ma²pūrvvam | dadātiṣu] caivaṃ dharmmyeṣu
14.6
viṣṇudharmottare—
dravyasya nāma gṛhṇīyād dadānīti tato³ vadet
toyaṃ dadyāttathā dātā dāne vidhirayaṃ smṛtaḥ
14.7
(3|301|10ka)
etena dānavākye dadānītipadaṃ niveśya⁴ dātavyamiti pratipāditam
tathā kṛṣṇājinadāne pulastyaḥ—
sarvaguṇaviśiṣṭaṃ kṛṣṇājinaṃ dadānīti
Linked texts (2)
- Kumārikākhaṇḍa — Sanskrit
- Dānavākyāvali (Vidyāpati) — Vidyāpati, Sanskrit