Danasagara 17
Dānasāgara 17
- Language
- Sanskrit
17.1
atha pramādakartṛdharmāḥ¹
tatra chandogapariśiṣṭe kātyāyanaḥ—
pitryamantrānuharaṇe hyātmāālambhe hyavekṣaṇe²
adhovāyuvisargaṃ ca³ prahāse'nṛtabhāṣaṇe
17.2
anuharaṇe pāṭhe⁴| ātmāālambhe ātmahanane ātmapraśaṃsāyāñca⁵
mārjāramūṣikasparśaṃ ākṛṣṭe krodhasambhave
nimitteṣvepu sarvatra karma kurvannapaḥ spṛśet⁶
17.3
tathā—
pravṛttamanyathā kuryād yadi mohāt kathañcana
yatastadanyathā bhūtaṃ⁷ tata eva samāpayet
17.4
pravṛttamanuṣṭhīyamānaṃ pradhānāṅgabhūtaṃ karma
samāpte yadi jānīyānmamaitadanyathā⁸ kṛtam
tāvadeva⁹ punaḥ kuryānnāpattiḥ sarvakarmaṇaḥ
17.5
pradhānasyākriyāyāntu sāṅgaṃ tat kriyate punaḥ
tadaṅgasyākriyāyāntu nāvṛttirna ca tatkriyā
17.6
tadaṅgasya aṅgāṅgasyopavītitvādeḥ
atra ca prāyaścittaviśeṣāśruterviṣṇusmaraṇameva kāryam | evañca ¹⁰kartṛdharmādiṣu ajñānamohābhyāmajñānanuṣṭhāne anuktaprāyaścitte viṣṇusmaraṇameva kāryam
tathā ca ¹¹yājñavalkyaḥ—
yadi vāṅyamalopaḥ syājjapādiṣu kathañcana
vyāharedvaiṣṇavaṃ mantraṃ smaredvā viṣṇumavyayam
17.7
ajñānād [yadi vā]¹ mohāt pracyavetādhvareṣu yat
smaraṇādeva tadviṣṇoḥ sampūrṇaṃ syāditi śrutiḥ
17.8
pāṣaṇḍino vikarmasthān nālapeccaiva nāstikān
sambhāṣaitān śucipadaṃ cintayedacyutaṃ budhaḥ
idañcodāharet samyak kṛtvā tatpravaṇaṃ manaḥ²
17.6-2
śarīramantaḥkaraṇaṃ tathākṣo vācaśca viṣṇurbhagavānaśeṣam
śamaṃ nayatvastu³ mameha śarma pāpādanante hṛdi sanniviṣṭe
17.10
antaḥśuddhiṃ bahiḥśuddhiṃ śuddhāntarmānaso⁴'cyutaḥ
karotu vimale tasmin śuddha evāsmi sarvadā
17.11
bāhyopaghātamanagho buddheśca⁵ bhagavānajaḥ
śuddhiṃ nayatyanantātmā viṣṇuścetasi saṃsthitaḥ
17.12
etat sambhāṣya japtavyaṃ pāṣaṇḍyā⁶dīnupoṣitaiḥ
17.13
upaviṣṭo japan snātaḥ kṣutapraskhalitādiṣu⁷
pūjāyāṃ nāma kṛṣṇasya sapta vārān prakīrtayet
Linked texts (2)
- Nityācārapaddhati (Vidyākara vājapeyin) — Vidyākara vājapeyin, Sanskrit
- Ekādaśītattva — Raghunandana, Sanskrit