Danasagara 19
Dānasāgara 19
- Language
- Sanskrit
19.1
upavāsāt paraṃ bhaikṣyaṃ bhaikṣyāt paramayācitam
ayācitāt paraṃ naktaṃ tasmānnaktena vartayet
19.2
tathā—
nakṣatradarśanānnaktaṃ kecidicchanti mānavāḥ
muhūrttonaṃ dinaṃ kecit pravadanti manīṣiṇaḥ
nakṣatradarśanānnaktamahaṃ manye gaṇādhipa
19.3
tathā—
haviṣyabhojanaṃ snānaṃ satyamāhāralāghavam
agnikāryyamadhaḥśayyāṃ naktabhojī ṣaḍācaret
19.1-2
atha homaparibhāṣā
tatra chandogapariśiṣṭe kātyāyanaḥ—
[ājyaṃ gavyamanādeśe]¹ [juhotiṣu vidhīyate]²
mantrasya devatāyāśca prajāpatiriti sthitiḥ
19.2-2
[pāṇyāhutirdvādaśaparvapūrikā
rasādinā ca sruvamātapūrikā]³
daivena tīrthena ca hūyate haviḥ
svaṅgāriṇi svarciṣi tacca pāvake
19.3-2
ādityapurāṇe⁴—
kṣuttṛṭkrodhatvarāyukto hīnamantrairjuhoti yaḥ
apravṛddhe sadhūme vā so'ndhaḥ syādanyajanmani
19.4
svalpe ruṣṭe⁸ sasphuliṅge vāmāvartta bhayānaka
ārdrakāṣṭhaiḥ susampūrṇe phutkāravati pāvake
19.5
kṛṣṇārciṣi su⁹durgandhe tathā lihati medinīm
āhutīrjuhuyād yastu tasya nāśo bhaved dhruvam
19.6
chandogapariśiṣṭe kātyāyanaḥyo'narciṣi juhotyagnau vyaṅgāriṇi ca mānavaḥ
mandāgniromayāvī¹ ca daridraścopajāyate
19.7
tasmāt samiddhe hotavyaṃ nāsamiddhe kadācana
ārogyamicchatāyuśca śriyamātyantikīṃ tathā
19.8
juhuṣaṃśca hute² caiva pāṇi-sūpa-sphya-dārubhiḥ
na kuryādagnigamanaṃ [ na kuryād ]³vyajanādinā
19.6-2
tathānāṅguṣṭhādadhikā grāhyā samit sthūlatayā kvacit
na vimuktatvacā caiva na sakīṭā na pāṭitā
19.10
prādeśānnādhikā nonā na saśākhā⁴ viśākhikā
viśākhikā śuciśākhāvinirgataśākhāprabhavā
na savarṇā na nirvīryā homeṣu ca vijānatā
19.11
marīciḥprāgagrāḥ samidho deyāstāśca kāmyeṣvapāṃṭitāḥ
śāntyartheṣu saśalkārdrā viparītau jighāṃsataḥ
19.12
viśīrṇā vidalā hrasvā vakrāḥ saśuṣirāḥ kṛśāḥ
dīrghāḥ sthūlā ghuṇairjuṣṭāḥ karmasiddhivināṃśikāḥ
19.13
ādipurāṇepalāśaśvatthanyagrodha-plakṣavaiṅkatodbhavāḥ
aśvatthodumbarau10 vilvaścandanaḥ saralastathā
aśvatthanyagrodhaḥ aśvatthasaṃyukto vaṭaḥ, aśvatthasya¹¹ punarupādānāt
śālaśca devadāruśca khadiraśceti yajñiyāḥ¹²
19.14
hārītaḥnāśucikṣiptapūtibhirdārubhiragnimindhet
19.15
āpastambaḥ (āpa. dha. sū. 1|5|15|12) -
nāprokṣitamindhanamagnāvādadhyāt
19.16
viṣṇudharmottare (3|287|8-11) :dūrvāhomaḥ paraḥ proktastena svarge mahīyate
tasmāddaśaguṇaṃ puṇyamidhmabhiḥ prāpnuyāt kṛte
19.17
tasmāddaśaguṇaṃ śasyairvrīhibhirdviguṇaṃ tataḥ
tāvadeva tathā puṇyaṃ home siddhārthakaiḥ smṛtam
19.18
yavaiścaturguṇaṃ tasmāt tilairdaśaguṇaṃ smṛtam
tāvadeva phalairjñeyaṃ bilvairdaśaguṇaṃ tataḥ
19.66
padmaiśca2 tāvadevoktaṃ daghnā kṣīreṇa ca dvijāḥ
paramānnena dharmajñā ghṛtenāṣṭaguṇaṃ tataḥ
19.20
mantreṇoṅkārapūtena svāhāntena vicakṣaṇaḥ
svāhāvasāne juhuyāddhyāyan vai6 mantradevatām
Linked texts (6)
- Mantrakaumudī — Sanskrit
- Marīcismṛti (fragments) — Sanskrit
- Nityācārapaddhati (Vidyākara vājapeyin) — Vidyākara vājapeyin, Sanskrit
- Cakranārāyaṇīyanibandha — Viśvambharatrivedin 1600, Sanskrit
- Dānamayūkha — Nīlakaṇṭha Dīkṣita 1600, Sanskrit
- Ekādaśītattva — Raghunandana, Sanskrit