Pramāṇa · Search · About · API

Danasagara 20

Dānasāgara 20

Language
Sanskrit

Contents

20.1

(3|287|12)
atha japaparibhāṣā
narasiṃhapurāṇetrividho japayajñaḥ syāt tasya bhedān nibodhata7
vācikaśca upāṃśuśca mānasaśca tridhā mataḥ
trayāṇāṃ japayajñānāṃ śreyān syāduttarottaraḥ

20.2

yaduccanīcasvaritaiḥ spaṣṭaśabdavadakṣaraiḥ
mantramuccārayedvyaktaṃ japayajñaḥ sa vācikaḥ

20.3

śanairuccārayenmantramīṣadoṣṭhau pracālayet
kiñcicchabdaṃ svayaṃ vidyāt sa upāṃśuriti smṛtaḥ

20.4

dhiyā yadakṣaraśreṇyā varṇārdūvarṇa padāt padam
śabdārthacintanābhyāsaḥ sa ukto mānaso japaḥ

20.5

yogīyājñavalkyaḥ—
upāṃśujapayuktasya [śaṃsthācchataguṇaṃ bhavet
sāhasro mānasaḥ prokto yasmāddhyānasamo hi saḥ

20.5.p1

[na caṃkramanna ca hasanna pārśvamavalokayan |]

20.6

[nāpāśrito na jalpaṃśca] na prāvṛtaśirāstathā

20.7

na padā pādamākramya na caivaṃ hi tathā karau
na cāsamāhitamanā na ca saṃśrāvayan japet

20.8

prākūleṣu kuśoṣvevamāsīnaścāsane śubhe
nātyucchrite nātinīce darbhapāṇiḥ susaṃyataḥ

20.6-2

sphāṭikendrākṣaradrākṣaiḥ putrajīvasamudbhavaiḥ
akṣamālā tu kartavyā uttamā "hyuttarottarā

20.10

koṭyadhikā bhaved vṛddhirpakṣamālā viśeṣataḥ
japasya kriyamāṇasya tasmācchreṣṭhaḥ paraḥ paraḥ

20.12

[abhāve tvakṣamālāyāḥ kuśagranthyā'tha pāṇinā
japa eva hi kartavya ekāgramanasaiva hi ||11||]
kovyadhika bhedadviriti [sphaṭikamālāyā indrākṣamālayā] jape koṭiguṇamatiriktaṃ
phalam, evamuttarottarāyāḥ pūrvapūrvāpekṣayā [koṭiguṇa phalādhikyam]
kūrmapurāṇe (2|18|76-80) -
japakāle na bhāṣeta [na cānyat] prekṣayedbudhaḥ
na kampayecchirogrīva" dantānnaiva prakāśayet

20.3-2

guhyakā rākṣasāḥ siddhā haranti prasamaṃ bhayāt
[ekānte suśubhe] deśe tasmājjapyaṃ samācaret

20.14

aṅgirāḥvinā daṃbhaiśca yat snānaṃ yacca dānaṃ vinoḍakam
asaṃkhyātaśca [yajjapyaṃ tat sarvaṃ] niṣphalaṃ bhavet

Linked texts (2)