Danasagara 28
Dānasāgara 28
- Language
- Sanskrit
28.1
athātaḥ saṃpravakṣyāmi hiraṇyāśvavidhiṃ param
yasya prasādād bhubane anantaṃ³ phalamaśnute
28.2
puṇyāṃ tithimathāsādya kṛtvā brāhmaṇavācanam
lokeśāvāhanaṃ kuryāt tulāpuruṣadānavat
28.3
ṛtviṅmaṇḍapa⁴-sambhārabhūṣaṇācchādanādikam
svalpeṣve-⁵[kānnrivat kuryāddhema]-vājimakhaṃ budhaḥ
28.4
sthāpayedvedimadhye tu kṛṣṇājinaṃ⁶ tilopari
kauṣeyavastrasaṃvītaṃ kārayeddhemavājinam
28.5
śaktitastripalādūrddhamāsahasrapalād budhaḥ
pādukopānahacchatracāmarāsana⁷-bhājanaiḥ
28.6
pūrṇakumbhāṣṭa ⁸[koṣetaṃ mālyaistu]-phalasaṃyutam
śayyāṃ sopaskarāṃ tadvaddhemamārtaṇḍasaṃyutām
28.7
tataḥ savauṣadhisnānasnāpito vedapuṅgavaiḥ
imamuccārayenmantraṃ¹² gṛhītakusumāñjaliḥ
28.8
namaste sarvadeveśa vedaharaṇalampaṭa
vājirūpeṇa māmasmāt pāhi saṃsārasāgarāt
28.6-2
tvameva saptadhā bhūtvā chandorūpeṇa bhāskaram¹
yasmād bhrāmayase² lokānataḥ pāhi sanātana³
28.10
evamuccārya gurave tamaśvaṃ pratipādayet
dattvā pāpakṣayādbhānorlokama|proti śāśvatam
28.11
gobhirvibhavataḥ sarvā-⁴nṛtvijaścāpi pūjayet
sarvaśvā⁵-śyopakaraṇaṃ gurave vinivedayet
28.12
sarvaṃ śayyādikaṃ ⁸dattvā bhuñjītātailameva hi
purāṇaśravaṇaṃ tadvat kārayeddmojanādikam
28.13
imaṃ hiraṇyāśvavidhiṃ karoti yaḥ
puṇyaṃ samāsādya dinaṃ narendra¹⁰
vimuktapāpaḥ sa puraṃ surāreḥ¹¹
prāpnoti siddhai¹²-rabhipūjitaḥ san
28.14
iti paṭhati ya itthaṃ hemavājipradānaṃ
sakalakaluṣamuktaḥ ¹³[so'śvayuktena bhūyaḥ
kanakamayavi] mānenārkalokaṃ ¹⁴[prayātastridaśa]-pativadhūbhiḥ pūjyate yo'tha paśyet
Linked texts (8)
- Matsyapurāṇa — Vyāsa, Sanskrit
- Bhaviṣyapurāṇa — Vyāsa, Sanskrit
- Matsya — Sanskrit
- Kṛtyakalpataru — Lakṣmīdhara Bhaṭṭa, Sanskrit
- Caturvargacintāmaṇi — Hemādri, Sanskrit
- Dānakhaṇḍa — Hemādri, Sanskrit
- Dānakalpataru — Lakṣmīdhara, Sanskrit
- Dānamayūkha — Nīlakaṇṭha Dīkṣita 1600, Sanskrit