Pramāṇa · Search · About · API

Danasagara 43

Dānasāgara 43

Language
Sanskrit

43.1

prayogaḥ
atra viṃśatyā daśabhiḥ pañcabhirvā kārpāsabhārairaśaktau tvekabhāreṇa meruṃ taccaturthabhāgena
caturo viṣkambhagirīn nirmāya teṣu dhānyācalavat sarvamupakaraṇamāropayet | tatra ca dānadinapūrvataradine nivedanopavāsasaṅkalpavākyayoraparadine ca saṅkalpapuṇyāhādivācanavaraṇavākyeṣu
dhānyācalapadasthāne kārpāsācalapadanniveśādvākyāni kṛtvā rātrijāgaraṇāntaṃ dhānyācaloktaṃ
karma vidheyam | tataḥ kṛtanityebhyo gurvṛtvigbhya'stvamevāvaraṇa'mityādimantreṇābhimantrya kārpāsācalaṃ dadyāt | tatra ca dhānyācalavākye yavamaya-godhūmamaya-māṣamayapadasthāneṣu kārpāsamayapadaṃ
dhānyācalapadasthāne kārpāsācalapadaṃ dattvā dānavākyaṃ kuryyāt | tataḥ svastyādibrāhmaṇagṛhaprasthāpanārantaṃ karma dhānyācalagranthenaiva kāryyam
iti kārpāsācaladānam
atha ghṛtācaladānam | ( matsyapurāṇam-86 aḥ )
athātaḥ saṃpravakṣyāmi ghṛtācalamanuttamam
'tejo'mṛtamayaṃ divyaṃ mahāpātakanāśanam

43.2

viṃśatyā ghṛtakumbhānāmuttamaḥ parikīrtitaḥ
daśabhirmadhyamaḥ proktaḥ pañcabhistvadhamaḥ smṛtaḥ

43.3

alpavitto'pi kurvīta dvābhyāmiha vidhānataḥ
viṣkambhaparvatāṃstadvat caturthāṃśena kalpayeta

43.4

'kumbhaparimāṇaṃ paribhāṣoktamanusandheyam
śālitaṇḍulapātrāṇi kumbhopari niveśayet
kārayet saṃhatānukṣān yathāśobhaṃ vidhānataḥ

43.5

"veṣṭayecchuklavāsobhirikṣudaṇḍaphalādikaiḥ
dhānyaparvatavaccheṣaṃ vidhānamiha paṭhyate

43.6

adhivāsanapūrventu "tadvaddhomasurārcanam
prabhātāyāntu śarvaryyāṃ gurave vinivedayeta
viṣkambhaparvatāṃstadvadṛtvigbhyaḥ śāntamānasaḥ

43.7

saṃyogād ghṛtamutpannaṃ yasmādamṛtatejasoḥ
tasmād ghṛtārcirviśvātmā prīyatāmatra śaṅkaraḥ

43.8

yasmāttejomayaṃ brahma ghṛte tacca vyavasthitam
ghṛtaparvatarūpeṇa [tasmānnaḥ pāhi bhūdhara]

43.6-2

anena vidhinā dadyād ghṛtācalamanuttamam
mahāpātakayukto'pi sa lokaṃ yāti śāṅkaram

43.10

haṃsasārasayuktena kiṅkiṇījālamālinā
vimānenāpsarobhiśca siddhavidyādharairvṛtaḥ
viharet pitṛbhiḥ sārddhaṃ yāvadā-bhūtasaṃplavam

Linked texts (8)