Danasagara 46
Dānasāgara 46
- Language
- Sanskrit
46.1
prayogaḥ
atra ^4rajatapalānāṃ daśabhiḥ pañcabhirvā sahasraiḥ sārddhapalasahasradvayena vā aśaktau tu palānāṃ
viṃśaterūrddhvaṃ śaktyanurūpaparimāṇarajatena ^5[meruṃ taccaturthabhāgena] caturo viṣkambhagirīn nirmāya
teṣu ^6dhānyācale yadrājatamupakaraṇaṃ tat sarvaṃ kāñcanamayaṃ mandārādivṛkṣa^7-pañcakañca
rājatamanyacca dhānyācaloktaṃ^8 sarvamupakaraṇaṃ tathaivāropayet | tatra ca dānadinapūrvataradine
nivedanopavāsasaṅkalpavākyayoraparadine ca dānasaṅkalpa-puṇyāhādivācana-varaṇavākyeṣu dhānyācalapadasthāne raupyācalapadanniveśādvākyāni kṛtvā ^9rātrijāgaraṇāntaṃ dhānyācaloktaṃ karma
vidheyam | tataḥ prātaḥ kṛtanityaḥ kuśahastaḥ śāntacetāḥ 'pitṝṇāṃ vallabha' ityādimantreṇābhimantrya kṛtanityebhyo gurvṛtvigbhyo yathecchavastra-sauvarṇapuṣpādibhirarcitaṃ raupyācala'
dadyāt | tatra ^10ca dhānyācaladāna-^11vākye haimavṛkṣapañcakapadasthāne rājatavṛkṣapañcakapada'
yatra yatra rājatapadaṃ tatra tatra haimapadaṃ yavamaya-godhūmamaya-tilamaya-^12māṣamayapadasthāneṣu ^13[rajatamayapadaṃ dhānyācalapadasthāne raupyācalapadañca] dattvā dānavākyaṃ kuryāt | tataḥ svastyādibrāhmaṇagṛhaprasthāpanantaṃ karma dhānyācalagranthenaiva kartavyam
iti ^14raupyācaladānam
¹[atha śarkarācaladānam | ] ( matsyapurāṇam-62 aḥ 1-16, 34-35 )
athātaḥ saṃpravakṣyāmi śarkarāśailamuttamam
yasya pradānādviṣṇvarkarudrā-²stuṣyanti sarvadā
46.2
aṣṭābhiḥ śarkarābhārairuttamaḥ syānmahācalaḥ
caturbhirmadhyamaḥ prokto bhārābhyāmavaraḥ³ smṛtaḥ
46.3
bhāreṇa ⁴vārddhabhāreṇa kuryād yadyalpavittavān
viṣkambhaparvatān kuryāt turīyāṃśena mānavaḥ
46.4
dhānyaparvatavat sarvamāpādyāmarasaṃyutam⁵
merorupari tadvacca ⁶sthāpyaṃ ⁷hematarudvayam
46.5
mandāraḥ pārijātaśca ⁸tṛtīyaḥ kalpapādapaḥ
⁹etadvṛkṣattrayaṃ mūrdhni ¹⁰sarveṣvapi niveśayet
46.6
haricandanasantānau pūrvapaścimabhāgayoḥ
¹¹niveśyau sarvaśaileṣu viśeṣāccharkarācale
46.7
¹²mandāre kāmadevastu ¹³pratyaṅmukhaḥ sadā bhavet
gandhamādanaśṛṅge tu dhanadaḥ syādudaṅmukhaḥ
46.8
prāṅmukho vedamūrtistu¹⁴ haṃsaḥ¹⁵ syād vipulācale
haimī ¹⁶supārśve ¹⁷surabhirdakṣiṇābhimukhī bhavet
46.6-2
dhānyaparvatavat sarvamāvāhanamakhādikam¹⁸
kṛtvātha gurave dadyānmadhyamaṃ parvatottamam
ṛtvigbhyaścaturaḥ 1śailānemān 2mantrānudīrayan
46.10
3[saubhāgyāmṛtasāro'yaṃ paramaḥ śarkarācalaḥ | ]
tasmādānandakārī 4tvaṃ bhava śailendra sarvadā
46.11
amṛtaṃ pibatāṃ ye tu nipeturbhuvi 5śokarāḥ
devānāṃ 6tatsamutthastvaṃ pāhi naḥ 7śarkarācala
46.12
8[manobhavadhanurmadhyādudbhūtā śarkarā yataḥ | ]
9tanmayo'si mahāśaila pāhi saṃsārasāgarāt
46.13
yo dadyāccharkarāśailamanena vidhinā naraḥ
sarvapāpavinirmuktaḥ sa yāti [paramāṃ gatim] 10
46.14
11[candrādityapratīkāśamadhiruhyānujīvibhiḥ
sahaiva yānamātiṣṭhet 12tata viṣṇupracoditaḥ
46.15
]
tataḥ kalpaśatānte 13tu saptadvīpādhipo bhavet
āyurārogyasampanno yāvajjanmārbudatrayam
46.16
bhojanaṃ śaktitaḥ kuryyāt sarvaśaileṣvamatsaraḥ14
15sarvatva kṣāralavaṇamaśnīyāt tadanujñayā
16parvatopaskarān sarvān 17prāpayedbrāhmaṇālayam
46.17
paśyedapīmāna- dhanno'tibhaktyā
spṛśanmanuṣyairiha dīyamānān
śṛṇoti bhaktyātha matiṃ dadāti
vikalmaṣaḥ so'pi divaṃ prayāti
46.18
duḥsvapnaḥ ⁴[praśamamupaiti pandyamānaiḥ]
śailendra rbhavabhayabhedanairmanuṣyaiḥ
yaḥ kuryyāt kimu munipuṅgaveha samyak
śāntātmā sakalagirīndrasampradānam
Linked texts (8)
- Padmapurāṇa — Vyāsa, Sanskrit
- Bhaviṣyapurāṇa — Vyāsa, Sanskrit
- Dānakalpataru — Lakṣmīdhara, Sanskrit
- Kṛtyakalpataru — Lakṣmīdhara Bhaṭṭa, Sanskrit
- Caturvargacintāmaṇi — Hemādri, Sanskrit
- Dānakhaṇḍa — Hemādri, Sanskrit
- Vratakhaṇḍa — Hemādri, Sanskrit
- Dānacandrikā (Divākarabhaṭṭa) — Divākarabhaṭṭa 1658, Sanskrit