Danasagara 51
Dānasāgara 51
- Language
- Sanskrit
51.1
iti sampūjya yathoktarūpāṃ jaladhenuṃ^1 jalacaturthabhāgaghṛtamayavatsasahitāmupakalpyārcitāma^2-rcitāya
brāhmaṇāya oṃ jalaśāyītyādi mantraṃ paṭhitvā oṃ adyādi tubhyamantamuktvā dadyāt | viṣṇudharmoktajaladhenudānaphalaprāptikāmo'hametāṃ suvarṇararrajatānvita-ratnagarbha-grāmyadhānyasahita-sitavastrayugacchanna--dūrvāpallavaśobhita-kuṣṭhamāṃsīmurośīrabālakāmalakapriyaṅgu--^3pavatsahita--^4sitayajñopavīti-sacchatropānatka^5-darbhaviṣṭarastha-tila-^6pūrṇapātracatuṣṭaya-^7yuta--^8ghṛtamadhusahitadadhi-^9pātrapihitānana-dhenucaturthīśa-^10ghṛtamayavatsasahita-suvarṇarajatānvita-^11ratnagarbha-grāmyadhānyasahita-^12sitavastrayuga-cchanna--dūrvāpallavaśobhita-kuṣṭhamāṃsī-^13murośīrabālakāmalakapriyaṅgasahita-sitayajñopavīti--sacchatropānatka^14--darbhaviṣṭarastha--tilapūrṇapātracatuṣṭayayuta^15-ghṛtamadhu--^16yuktadadhipātrapihitānanajalakumbhamayīṃ jaladhenuṃ dadāni | svastyādisvīkārāntaṃ pūrvavat | tato yajamāno'pakvānnena kṛtapāraṇo
niyatātmahorātraṃ nayet
^17[iti jaladhenuḥ | ]
atha tiladhenudānam
tathā :tiladhenuṃ pravakṣyāmi keśavaprīṇanaṃ param
²[dattā yā syād yathā cāsyā narendra] vidhiruttamaḥ
51.2
yāṃ dattvā ³brahmahā goghnaḥ pitṛghno gurutalpagaḥ
⁴āgāradāhī garadaḥ sarvapāpayuto'pi ca⁵
51.3
mahāpātakayukto vā ⁶yukto vāpyupapātakaiḥ
⁷sa mucyate'khilaiḥ pāpairviṣṇulokañca gacchati
51.4
⁸anulipte mahīpṛṣṭhe vastrājinasamāśrite
dhenuṃ tilamayīṃ kṛtvā sarvaratnaiḥ samanvitām
51.5
svarṇaśṛṅgīṃ rūpyakhurāṃ gandhaghrāṇavatīṃ śubhām
miṣṭānnajihvāṃ kurvīta ⁹guḍāsyāṃ sūtrakambalām
51.6
ikṣupādāṃ tāmrapṛṣṭhāṃ kuryyānmuktāphalekṣaṇām
praśastapatraśravaṇāṃ ¹¹[phaladantāṃ¹² manoharām ]
51.7
sragdāmapucchāṃ¹⁴ kurvīta navanītastanānvitām
phalairmanoharairbhakṣyairmaṇimuktāphalānvitām
51.8
tiladroṇena kurvīta āḍhakena tu vatsakam
[varavastrayugacchannāṃ cārucchat]-samanvitām
51.6-2
īdṛksaṃsthānasampannāṃ kṛtvā śraddhāsamanvitaḥ
kāṃsyopadohanāṃ dadyāt keśavaḥ prīyatāmiti
51.10
samyaguccāryya vidhinā dattvaitena narādhipa
sarvapāpavinirmuktaḥ pitaraṃ sa pitāmaham
51.11
prapitāmahaṃ tathā pūrvapuruṣāṇāṃ catuṣṭayam
ātmānaṃ tanayaṃ pautraṃ prapautraṃ tadadhastrayam
tārayedavanīpāla tiladhenuprado naraḥ
51.12
yaśca gṛhṇāti vidhivat tasyāpi vividhaṃ phalam
caturdaśa tathā ye ca dadataścānumodakāḥ
51.13
dīyamānāṃ prapaśyanti tiladhenuñca ye narāḥ
te'pyaghaughavinirmuktāḥ prayānti paramāṃ gatim
51.14
praśāntāya suśīlāya tathā'matsariṇe budhaḥ
tiladhenuṃ naro dadyāt vedasnātāya dharmiṇe
51.15
vedasnātāya kṛtasamastaśākhādhyayanāya dharmiṇe svadharmānuṣṭhāyine
trirātraṃ yastilāhārastiladhenuṃ prayacchati
dattvaikarātrañca narastilānatti nareśvara
51.16
dānādviśuddhapāpasya tasya puṇyavato nṛpa
cāndrāyaṇādapyadhikaṃ śastaṃ tattilabhakṣaṇam
Linked texts (4)
- Viṣṇudharma — Sanskrit
- Vyavahāramādhava — Mādhavācārya, Sanskrit
- Bṛhatparāśara — Suvrata, Sanskrit
- Dānakhaṇḍa — Hemādri, Sanskrit