Danasagara 62

Dānasāgara 62

Language: Sanskrit

62.1

prayacchate yaḥ kapilāṃ sacelāṃ kāṃsyopadohāṃ kanakapraśṛṅgīm
yān yān hi kāmānabhivāñchate'sau tāṃstānavāpnotyamalān hi lokān

62.2

kṛtopavāsaḥ 13saṃprāśya 14pañcagavyaṃ nareśvara
ghṛtakṣīrābhiṣekañca kṛtvā viṣṇoḥ samāhitaḥ

62.3

samabhyarcya ca govindaṃ puṣpādibhirarindama
udaṅmukhīmarcayitvā tathā 15gṛṣṭiṃ payasvinīm

62.4

saputrāṃ vastrasambautāṃ sitayajñopavītinīm
svarṇaśṛṅgīṃ śubhākārāṃ hiraṇyopari saṃsthitām

62.5

suvarṇaṃ vācayitvāgre brāhmaṇāthopapādayet
imāṃ tvaṃ pratigṛhṇīṣva govindaḥ prīyatāmiti

62.6

samyaguccāryya taṃ ⁵[vipraṃ govindamupakalpayet ]
anuvrajecca gacchantaṃ padānyaṣṭau narādhipa

62.7

anena vidhinā dhenuṃ yo viprāya prayacchati
govindaprīṇanādrājan viṣṇulokaṃ sa gacchati

62.8

saptāvarāṃstathā pūrvvān saptātmānañca mānavaḥ
saptajanmakṛtāt pāpānmocayatyavanīpate

62.6-2

pade pade tu yajñasya gosavasya ca mānavaḥ
phalaṃ prāpnoti rājendra ⁷[dattvā caivaṃ jagau] hariḥ

62.10

sarvvakāmapradā ⁸sā syāt sarvvakāleṣu pārthiva
¹⁰bhavatyadyaughāpaharā yāvadindrāścaturdaśa

62.11

sarveṣāmeva pāpānāṃ kṛtānāmavijānatā¹¹
prāyaścittamidaṃ prokta-¹²manutāpopavṛṃhitama

¹prātarvāsudevaṃ ghṛtakṣīrābhyāṃ snāpayitvā ²govindaṃ nāmnā saṃpūjya dhenumudaṅmukhīṃ sauvarṇapatracatuṣṭayārpitakhuracatuṣṭayāṃ³ kṛtvā suvarṇa-⁴śṛṅgādibhiralaṅkṛtyābhyarcya brāhmaṇāya ⁵dhyātagovindarūpāyārcitāya imāṃ tvamityādi paṭhitvā ⁶oṃ adyādi tubhyamantamuktvā dadyāt | viṣṇudharmoktakapilagavīdānaphalaprāptikāmo'hametāṃ saputrāṃ ⁷vastrācchannāṃ sitayajñopavītinīṃ ⁸svarṇaśṛṅgīṃ hiraṇyopari saṃsthitāṃ gāṃ dadāni | ⁹svastyādisvīkārāntaṃ pūrvavat | ¹⁰tato
yajamāno govindo'yaṃ mama prīto yātīti dhyāyan yāntaṃ brāhmaṇamaṣṭau padānyanuvrajet
¹¹tathā kapilādānānuvṛttau :—
dattvā ¹²sudhenuṃ nṛpa sopadhānāṃ kalyāṇavatsāṃ supayasvinīñca
yāvanti romāṇi bhavanti tasyāstāvanti varṣāṇi sa ¹³dogdhi kāmān

Linked texts (2)

Caturvargacintāmaṇi — Hemādri, Sanskrit
Dānakhaṇḍa — Hemādri, Sanskrit