Danasagara 76
Dānasāgara 76
- Language
- Sanskrit
76.1
paradravyatuṣārīyanvānvitāṃ 1prapāṃ dāsye | tato'tvāritaṃ saṅkalpitatattaddravyāṇi 2 [ samupasthitebhyo dadyāt | atra ca prapāyāṃ sthānanirmāṇopalepanarajjudānādiṣu guṇeṣu pṛthak pṛthak
phalaśruteḥ sampūrṇaprapākaraṇopayuktena paraprapāyāmapi sthānanirmāṇopalepana-rajjudānādīni ekaikaśo'pi saṅkalpya sustheyāni | tad yathā oṃ viṣṇudharmottarokta-prapāsthāna-śubhakaraṇa-phalaprāptikāmo'hametat prapāsthānaṃ śubhaṃ kariṣya iti saṅkalpya prapābhūmikarmasvarūpaṃ kuryyāt | evamupalepane'pi3 | rajjvādidāneṣu saṅkalpavākyaṃ yathā ] oṃ viṣṇudharmottaroktarajjudānaphalaprāptikāmo'haṃ prapāyāmetāṃ rajjuṃ dāsye | evaṃ vāridhānyādidāneṣvapi tattaduktadravyaniveśena4 vākyamūhanīyam
iti mahārājādhirāja-niḥśaṅkaśaṅkara-śrīmadballālasenadevaviracite
śrīdānasāgare vāridānāvartaḥ
atha viṣṇudaivata-taijasapātradānāvarttaḥ | (14)
²viṣṇuḥ :taijasānāṃ ³[pradānena ⁴pātro bhavati kāmānām ]
76.2
⁵[ tejasāṃ pātrāṇāṃ taijasānāmiti ] suvarṇa-⁶rajatatāmrakāṃsyapittalatrapusīsakalohamayānāṃ
pātrāṇāmiti | bahutvaṃ ⁷taijasadravyabahutvāpekṣam | ⁸[ata eṣāmanyatamasya pātrasya dānam
ata yajamāno'rcitāya brāhmaṇāyoktadravyāṇāmanyatamasya pātramarcitaṃ dadyāt | oṃ adyāmukasagotrāyāmukavedā mukaśākhādhyāyine'mukadevaśarmaṇe tubhyaṃ viṣṇukataijasapātradānaphalaprāptikāmo'hametattaijasapātraṃ dadāni | pratigrahītā svastītyuktvā sāvitrīṃ paṭhitvā pātramidaṃ viṣṇudaivatamityuktvā
yathāśākhaṃ kāmastutiṃ paṭhet | tata oṃ adya kṛtaitaddānapratiṣṭhārthaṃ dakṣiṇāmetat kāñcanaṃ dadāni
pratigrahītā svastītyuktvā pātraṃ spṛśet | taijasapātrotkarṣabahutve ca phalabhūyastvam
skandapurāṇe :bhājanaṃ yaḥ prayacchettu hemaṃ ratnavibhūṣitam
⁹so'psaraḥśatasaṅkīrṇe vimāne divi rājate
76.3
ratnavibhūṣitaṃ nānāratnālaṅkṛtam | arcitāya brāhmaṇāyarcitaṃ yathoktaṃ sauvarṇabhājanam
oṃ adyādi tubhyamantamuktvā dadyāt | ] skandapurāṇokta-hemabhājana-dānaphalaprāptikāmo'hametadratnabhūṣitaṃ haimabhājanaṃ dadāni | svastyādisvīkārāntaṃ pūrvavat
tathā :rajataṃ yaḥ ¹⁰prayacchecca viprebhyo bhājanaṃ śubham
sa gandharvapadaṃ prāpya urvaśyā saha modate
76.4
viprebhya iti bahuvacanaṃ ¹¹jātyapekṣayā ekasya bhājanasya bahubhyo dānāsambhavāt | śubhaṃ
darśanīyam | arcitāya brāhmaṇāyarcitaṃ ¹²rajatabhājanam oṃ adyādi tubhyamantamuktvā
dadyāt | skandapurāṇokta-¹rajatabhājana-dānaphalaprāptikāmo'hameta-²drajatabhājanaṃ dadāni
svastyādisvīkārāntaṃ pūrvavat
tathāḥ—
tāmraṃ yo bhājanaṃ dadyād brāhmaṇebhyo viśeṣataḥ
sa bhaved ³[yakṣarājasya patnyo balasamanvitau]
76.5
viṣṇudharme :—
tāmrāyāsānāṃ bhāṇḍānāṃ dātā ⁵ratnādhipo bhavet
⁶labhate'kṣapadaṃ sthānaṃ balavān jāyate sadā
76.6
viṣṇudharmottare (3|311|16) :—
taijasāni tu pātrāṇi dattvā salavaṇāni tu
¹³pātratāmeti kāmānāṃ ¹⁴lāvaṇyañcāpyupānnumat
76.7
pūrayitvā'rcitāni oṃ adyādi tubhyamantamuktvā dadyāt | viṣṇudharmottarokta-salavaṇa-pātradānaphalaprāptikāmo'hametāni salavaṇāni taijasapātrāṇi dadāni | svastyādisvīkārāntaṃ pūrvavat
tathā (3|111|17) :taijasāni tu pātrāṇi satailāni prayacchataḥ
ārogyamuttamaṃ proktaṃ lāvaṇyamapi cottamam
76.8
brāhmaṇāyārcitāya suvarṇādīnāmanyatamasya trīṇi pātrāṇi tailapūrṇānyarcitāni oṃ adyādi
tubhyamantamuktvā dadyāt | uttamarogya-lāvaṇyaprāptikāmo'hametāni ²tailapūrṇāni taijasapātrāṇi
³dadāni | ⁴[svastyādisvīkārāntaṃ pūrvavat
tathā :taijasāni tu pātrāṇi saghṛtāni prayacchataḥ
ārogyamuttamaṃ proktaṃ svarge vāsastathā dvijāḥ
76.6-2
dvijā iti sambodhanam | ] ⁵brāhmaṇāyārcitāya suvarṇādīnāmanyatamasya trīṇi pātrāṇi
ghṛtapūrṇānyarcitāni oṃ adyādi tubhyamantamuktvā dadyāt | uttamarogyapūrvakasvarga vāsaprāptikāmo'hametāni ghṛtapūrṇāni taijasapātrāṇi dadāni | svastyādisvīkārāntaṃ pūrvavat
⁶tathā (3|111|18) :taijasāni tu pātrāṇi samadhūni prayacchataḥ
lāvaṇyamuttamaṃ proktaṃ saubhāgyamapi cottamam