Danasagara 78
Dānasāgara 78
- Language
- Sanskrit
78.1
arcitāya brāhmaṇāya yathāśakti kumbhādirūpaṃ jalapūrṇabhājanatrayamarcitam oṃ adyādi
tubhyamantamuktā dadyāt | skandapurāṇoktā-'pūrṇānekabhājanadānaphalaprāptikāmo'hametānyappūrṇāni
bhājanāni dadāni | svastyādisvīkārāntaṃ pūrvvavat |]
iti mahārājādhirāja-niḥśaṅkaśaṅkara-śrīmadvallālasenadevaviracite
śrīdānasāgare jalapātradānāvarttaḥ
atha prajāpatidaivatānradānā varta: | (16)
tatra annadānastutiḥ
brahmapurāṇe :anne pratiṣṭhitā lokā-^[1][khasmādannaṃ praśasyate ]
annameva^[2] praśaṃsanti sadaiva pitṛmānavāḥ
^[3][annasya hi pradānena svargamāpnoti mānavaḥ
78.2
tathā :- ]
annasya hi^[4] pradānena naro yāti parāṃ gatim
sarvakāmasamāyuktaḥ ^[5][pretya cāpyaśnute] śubham
78.3
tathā :annamūrjasvalaṃ^[6] loke dattvorjasvī bhavennaraḥ
satāṃ panthānamāśritya^[7] sarvapāpaiḥ pramucyate
78.4
^[8]mahābhārate (anu-63|25kha-26ka) :annadaḥ paśumān putrī dhanavān bhogavānapi
prāṇavāṃścāpi bhavati rūpavāṃśca tathā ^[9]nṛpa
78.5
tathā (anu-63|35) :annadasya manuṣyasya balamojo yaśāṃsi ca
kīrtiśca vardhate śaśvat triṣu lokeṣu pāṇḍava
78.6
^[10]āgneyapurāṇe annastutyanantaramtasmādannaṃ sadā dehi śraddhayā nṛpasattama
brahmahatyādikaṃ^[11] pāpamannadasya praṇaśyati
78.7
tathā :annadānāt paraṃ dānaṃ na bhūtaṃ na bhaviṣyati
puṇyaṃ yaśasyamāyuṣyaṃ balapuṣṭivivardhanam
¹sarvaśnānnapradānena bhavatīti viniścayaḥ
78.8
mahākāñcanacitrāṇi sevitānyapsarogaṇaiḥ
annadasyopatiṣṭhanti vimānāni surālaye
78.6-2
²bhakṣyabhojyamayāḥ śailā divyarūpā ³hyalaṅkṛtāḥ
hṛṣṭa-⁴puṣṭajanā nityamupatiṣṭhanti cāgrataḥ
78.10
hastyaśvarathayānaiśca krīḍamānāśca te narāḥ
⁵[putrapautrairvṛtāḥ sarve hastyaśvarathadāyakāḥ
78.11
gandhamālyairalaṃkāraiḥ puṣṭahṛṣṭāśca nityaśaḥ
gandhamālyapradīpāstu dānaniścayatatparāḥ
78.12
]
dharmajñāḥ satyaśīlāśca sarvaduḥkhavivarjitāḥ
modante ⁶daivataiḥ sārddhaṃ nityakālaṃ mahāmune
78.13
padmapurāṇe :⁷āparvatanadīvāpī pṛthivī sarvakāmadā
vidhinā tena sā dattā ⁸[yo'nnaṃ dadāti] sarvadā
78.14
kṣudhite yaḥ prayaccheta annaṃ śraddhāsamanvitaḥ
brahmaṇo⁹ bhuvane sa¹⁰ vai brahmaṇā saha modate
78.15
¹¹cāndravāruṇalokaśca ¹²yāmyakauberakastathā
¹³[goloko brahmalokaśca] sarve cānne pratiṣṭhitāḥ
78.16
dadat kanyāmalaṅkṛtya hastyaśvañca mahā-¹⁴balam
annadānasya caitāni kalāṃ nārhanti ṣoḍaśīm
78.17
viṣṇudharmottare :—
yāvato grasate grāsān vidvān vipraḥ ¹svalaṅkṛtaḥ
annapradasya tāvantaḥ kratavaḥ parikīrttitāḥ
78.18
athānnadānadharmāḥ
yamaḥ :—
ādareṇa ca ²bhaktyā ca yadannamupa-³dīyate
tat prīṇayati pātrāṇi ⁴sāmṛtaṃ mānavarjitam
78.19
durlabhastu ⁵mudā dātā ⁶mudā bhoktā ca durlabhaḥ
⁷mudā dātā ca bhoktā ca tāvubhau svargagāminau
78.20
yo'nnaṃ bahumataṃ bhuṃkte yaścānnaṃ nāvamanyate
yaścānnaṃ prītito dadyāttasyānramupatiṣṭhate
78.21
prītito'nnañca yo dadyād gṛhṇīyād yo'bhipūjya ca
prītito'nnayamaśnāti pūjitaḥ svargamaśnute
78.22
yo dadyādvipriyeṇānnaṃ yaścānnaṃ nābhinandati
tāvubhau narake magnau vasetāṃ śaradaḥ śatam
78.23
athānnadānaviśeṣe⁸ ⁹phalaviśeṣaparibhāṣā
kūrmapurāṇe (2|26|18) :—
gṛhasthāyā¹⁰-nnadānena phalaṃ ¹¹nāpnoti mānavaḥ
¹²āmamevāsya dātavyaṃ dattvāpnoti parāṃ gatim
Linked texts (2)
- Itihāsasamuccaya — Sanskrit
- Dānavākyāvali (Vidyāpati) — Vidyāpati, Sanskrit