Pramāṇa · Search · About · API

Danasagara 8

Dānasāgara 8

Language
Sanskrit

8.1

atha karttā
ācārayuktaḥ śraddhāvān vedajño dharmavittamaḥ
karmaṇāṃ phalamāpnoti nyāyarjjitadhanaśca yaḥ

8.2

etānyeva ca sarvāṇi dānāni ca tapāṃsi ca
vinā mantreṇa satataṃ śūdrāṇāmiha sarvaśaḥ

8.3

vidhīyante na sandeha evamāha prajāpatiḥ
amantrāste smṛtāḥ sarve śūdrā vigatakalmaṣāḥ

8.1-2

śraddhayeṣṭañca pūrtañca nityaṃ kuryāt prayatnataḥ³
śraddhākṛte hyakṣaye te bhavataḥ svāgattairdhanaiḥ

8.2-2

(4|226)
dānadharmaṃ niṣeveta nityamaiṣṭikapaurttikam
parituṣṭena bhāvena 1pātramāsādya śaktitaḥ

8.3-2

(4|227)
yat kiñcidapi dātavyaṃ yācitenānasūyayā2
utpatsyate hi tat pātraṃ yattārayati sarvaśaḥ

8.4

(4|228)
yena yena tu bhāvena yad yad dānaṃ prayacchati
tattat tenaiva bhāvena3 prāpnoti 4pratipūjitaḥ

8.5

(4|234)
dānaṃ hi bahumānād yo guṇavadmyaḥ prayacchati
sa tu5pretya dhanaṃ labdhvā putrapautraiḥ sahāśnute

8.6

yājñavalkyaḥ (1|203)—
dātavyaṃ pratyahaṃ pātre nimitteṣu viśeṣataḥ
yācitenāpi dātavyaṃ śraddhāpūtantu śaktitaḥ

8.7

yamaḥ—
mantrājyadoṣāddhome tu6 tapasīndriyadoṣataḥ
nyūnatā syānna dāne tu śraddhāyukte bhavet kvacit

8.8

devalaḥ—
api nyāyāgatāṃ dattvā sakalāṃ pṛthivīmapi
śraddhāvarjamapātrāya na kāñcidbhūtimāpnuyāt

8.6-2

pradāya śākamuṣṭiṃ vā śraddhābhaktisamāyutām7
mahate pātrabhūtāya sarvābhyudayamāpnuyāt

8.10

mahābhārate—
dravyāgamo nṛṇāṃ sūkṣmaḥ pātre dānaṃ8 tataḥ param
kālaḥ paratarī dānācchraddhā cāpi tataḥ param

Linked texts (5)