Danasagara 81
Dānasāgara 81
- Language
- Sanskrit
81.1
bhojanaṃ bhojanīyamannam | acci̍tebhyo brāhmaṇebhyo'rcci tamannam oṃ adyādi tubhyamantamuktvā dadyāt | amukadevaprītaya etadbhojanaṃ dadāni | svastyādisvīkārāntaṃ pūrvavata
iti mahārājādhirāja-niḥśaṅkaśaṅkara-śrīmadvallālasenadevaviracite
śrīdānasāgare annadānāvartaḥ
atha viṣṇudaivatabhakṣyadānāvarttaḥ | (17)
nandipurāṇe :—
bhakṣyaidvividhairarcyai¹-rbrāhmaṇaṃ vedapāragam
tasyāmṛtapravāhinyo² [nadyastiṣṭhanti sarvaśaḥ
81.2
atra yajamāno vidyāvedavate'rccitāya brāhmaṇāyārcitaṃ nānāvidhaṃ piṣṭakādibhakṣyaṃ dadyāt
oṃ adyāmukasagotrebhyo'mukāmukavedā mukamukaśākhādhyāyine ] 'mukadevaśarmaṇe tubhyaṃ nandipurāṇokta-bhakṣyadānaphalaprāptikāmo'hametadbhakṣyaṃ dadāni | pratigrahītā svastītyuktvā sāvitrīṃ
paṭhitvā bhakṣyamidaṃ viṣṇudaivatamityuktvā yathāśākhaṃ kāmastutiṃ paṭhet | tata oṃ adya kṛtaitaddānapratiṣṭhārthaṃ tubhyamahaṃ ³dakṣiṇāmetat kāñcanaṃ dadāni | pratigrahītā svastītyuktvā bhakṣyaṃ⁴
spṛśet
mahābhārate (anu-57|37ka) :—
bhakṣyānna-pānīya-rasapradātā sarvān samāpnoti rasān prakāmam
81.3
bhakṣyāṇi piṣṭakaphalamūlāni | eṣāmanyatamamupādāyārccitāya brāhmaṇāya oṃ adyādi
tubhyamantamuktvā dadyāt | ⁵[ ananta-sarvarasaprāptikāmo'hametad bhakṣyaṃ dadāni | svastyādisvīkārāntaṃ pūrvavat
viṣṇudharmottare (3|315|7kha) :—
bhakṣyadaḥ svargamāpnoti
81.1-2
bhakṣyāṇāṃ piṣṭakaphalamūlānāmanyatamamarcitāya brāhmaṇāya oṃ adyādi tubhyamantamuktvā
dadyāt | ] svargaprāptikāmo'hametad bhakṣyaṃ dadāni | svastyādisvīkārāntaṃ pūrvavat
iti mahārājādhirāja-niḥśaṅkaśaṅkara-śrīmadvallālasenadevaviracite
śrīdānasāgare bhakṣyadānāvarttaḥ
atha somadaivatalavaṇadānāvartaḥ | (18)
sambarttaḥ—
guḍamikṣurasañcaiva lavaṇaṃ vyañjanāni ca
surabhīṇi ca pānāni dattvātyantaṃ1 sukhī bhavet
81.2-2
atra yajamāno'rcitāya brāhmaṇāyārcitaṃ lavaṇaṃ dadyāt | oṃ adyāmukagotrāyāmukavedāmukaśākhādhyāyine'mukadevaśarmaṇe tubhyamatyantasukhaprāptikāmo'hametallavaṇaṃ dadāni
pratigrahītā svastītyuktvā sāvitrīṃ paṭhitvā lavaṇamidaṃ somadaivatamityuktvā yathāśākhaṃ kāmastutiṃ paṭhet | tata oṃ adya kṛtaitaddānapratiṣṭhārthaṃ tubhyamahaṃ dakṣiṇāmetat kāñcanaṃ dadāni
pratigrahītā svastītyuktvā lavaṇaṃ spṛśet
ādityapurāṇe :—
lavaṇañca yathāśakti bhaktyā ye vai dadanti ca
teṣāṃ puṇyakṛtāṃ2 lokaṃ gavāṃ lokaṃ vrajanti te
81.3-2
yathāśakti lavaṇamupādāyārcitāya brāhmaṇāya arcitaṃ lavaṇam oṃ adyādi tubhyamantamuktvā dadyāt | ādityapurāṇokta-lavaṇadānaphalaprāptikāmo'hametallavaṇaṃ dadāni | svastyādisvīkārāntaṃ pūrvavat
viṣṇudharme :—
lavaṇasya pradātārastilānāṃ sarpiṣāṃ tathā
tejasvino'bhijāyante 3bhoginaścirajīvinaḥ
81.4
arcitāya brāhmaṇāya arcitaṃ lavaṇam oṃ adyādi tubhyamantamuktvā dadyāt | viṣṇudharmokta4lavaṇadānaphalaprāptikāmo'hametallavaṇaṃ dadāni | svastyādisvīkārāntaṃ pūrvavat
viṣṇudharmottare ( 3|314|13kha ) :—
sarvān kāmānavāpnoti lavaṇaṃ yaḥ prayacchati
81.27
arcitāya brāhmaṇāyārcitaṃ lavaṇam adyādi tubhyamantamuktvā dadyāt | viṣṇudharmottarrokta-lavaṇadānaphalaprāptikāmo'hametallavaṇaṃ dadāni | svastyādisvīkārāntaṃ pūrvavat
atra kāmyotkarṣoddeśyotkarṣaḥ karttavyaḥ¹
tathā ( 3|316
81.5
) :—
yavasānāṃ² pradānena dhenumatsu dvijātiṣu
lavaṇasya ca dharmajña phalamakṣayamaśnute