Danasagara 82
Dānasāgara 82
- Language
- Sanskrit
82.1
iti mahārājādhirāja-niḥśaṅkaśaṅkara-śrīmadvallālasenadevaviracite
śrīdānasāgare lavaṇadānāvarttaḥ
atha viṣṇudaivataghṛtadānāvartaḥ | (19)
tatra ghṛtadānapraśaṃsā
mahābhārate ( anu—65|7-8 ) :—
bṛhaspaterbhagavataḥ pūṣṇaścaiva bhagasya ca
1aśvinoścaiva vanheśca prītirbhavati sarpiṣā
82.2
paramaṃ bheṣajaṃ hyetad yajñānāmetaduttamam
rasānāmuttamaṃ caitat phalānāñcaivamuttamam
82.3
viṣṇudharme :—
ghṛtamagnighṛtaṃ somo yanmayāḥ sarvadevatāḥ
ghṛtaṃ prayacchatā dattā bhavantyakhiladevatāḥ
82.4
atha dānam
yājñavalkyaḥ (1|210) :—
bhūdīpāśvānnavastrāmbhastilasarpiḥpratiśrayān
naiveśikaṃsvarṇadhuryān dattvā svarge mahīyate
82.5
atra yajamāno'rcitāya brāhmaṇāya añcitaṃ ghṛtaṃ dadyāt | oṃ adyāmukasagotrāyāmukavedāmukaśākhādhyāyine'mukadevaśarmaṇe tubhyaṃ sotkarṣasvarga prāptikāmo'hametat sarpirdadāni
[pratigrahītā svastītyuktvā sāvitrīṃ paṭhitvā ghṛtamidaṃ viṣṇudaivatamityuktvā yathāśākhaṃ kāmastutiṃ paṭhet | tata oṃ adya kṛtaitaddānapratiṣṭhārthaṃ tubhyamahaṃ dakṣiṇāmidaṃ kāñcanaṃ dadāni]2
pratigrahītā svastītyuktvā ghṛtaṃ spṛśet
viṣṇuḥ :—
madhughṛtatiladānenā3-rogyam
82.6
arcitāya brāhmaṇāyārcitaṃ ghṛtam oṃ adyādi tubhyamantamuktvā dadyāt | oṃ ārogyaprāptikāmo'hametadghṛtaṃ dadāni | svastyādisvīkārāntaṃ pūrvavat
yamaḥ 8—
tathā ghṛtapradānena dīrghaṃ vindati jīvitam
82.7
mahābhārate (anu—65|6) :—
phalakāmo yaśaskāmaḥ puṣṭikāmaśca nityadā
ghṛtaṃ dadyāddvijātibhyaḥ puruṣaḥ śucirātmavān
82.8
varāhapurāṇe (206|18kha-22) citaguptavākye :—
dadhi kṣīraṃ ghṛtañcaiva yena dattaṃ dvijātiṣu
eṣa [āyātu naḥ pārśve asmin]³ pūjāṃ karomyaham⁴
82.6-2
nīyatāṃ nīyatāṃ śīghraṃ [yatra yatra na cālayet]⁵
gorasasya tu pūrṇāni bhājanāni sahasraśaḥ
82.10
6tatra dattvā ca pītvā ca bāndhavebhyo vibhāgaśaḥ
tataḥ paścādayaṃ yātu yatra loko'namūyakaḥ
82.11
tatraiva vasatāṃ vīra bahuvarṣaśatānyanyam
bahusundaranārībhiḥ sevyamāno mahātapāḥ
bhramarāhaṇyo bhavettatra [goloke susamāhitaḥ]¹⁰
82.12
arcitebhyo yathecchasaṃkhyabrāhmaṇebhyo'rcitāni ghṛtāni oṃ adyādi tubhyamantamuktvā dadyāt
varāhapurāṇokta-ghṛtadānaphalaprāptikāmo'hametāni ghṛtāni dadāni | svastyādisvīkārāntaṃ
pūrvavat
nandipurāṇe :ye ca kṣīraṃ prayacchanti ghṛtaṃ madhu guḍaṃ dadhi
brāhmaṇebhyaḥ prayatnena śuddhebhyastu susaṃskṛtam
82.13
cakravākaprayuktaistu vimānaiśca hiraṇmayaiḥ
yānti gandharvavāditraiḥ sevyamānā yamālayam
82.14
arcitāya brāhmaṇāyārcitamutkṛṣṭaṃ ghṛtam oṃ adyādi tubhyamantamuktvā dadyāt | nandipurāṇokta-ghṛtadānaphalaprāptikāmo'hametad ghṛtaṃ dadāni | svastyādisvīkārāntaṃ pūrvavat
viṣṇudharme :lavaṇasya pradātārastilānāṃ sarpiṣastathā
tejasvino'bhijāyante bhoginaścirajīvinaḥ
Linked texts (2)
- Varāhapurāṇa — Vyāsa, Sanskrit
- Dānavākyāvali (Vidyāpati) — Vidyāpati, Sanskrit