Danasagara 86
Dānasāgara 86
- Language
- Sanskrit
86.1
abhīṣṭamāsika-kṛṣṇapakṣasambandhyabhimatatithau brāhmaṇāyārcitāyārcitāni phalāni oṃ
adyādi tubhyamantamuktvā dadyāt | mahāphalaprāptikāmo'hametāni phalāni dadāni | svastyādisvīkārāntaṃ pūrvavat | ]
iti mahārājādhirāja-niḥśaṅkaśaṅkara-śrīmadvallālasenadevaviracite
śrīdānasāgare phaladānāvarttaḥ
atha viṣṇudaivatamadhudānāvarttaḥ | (25)
yamaḥ :gandhauṣadhamathābhyaṅgaṃ mākṣikaṃ lavaṇaṃ tathā
yaḥ prayacchati viprāya saubhāgyaṃ sa tu vindati
86.2
mākṣikaṃ madhu | atra yajamāno'rcitāya brāhmaṇāyārcitaṃ madhu dadyāt | oṃ adyāmukagotrāyāmukavedāmukaśākhādhyāyine'mukadevaśarmaṇe tubhyaṃ saubhāgyaprāptikāmo'hametanmākṣikaṃ
dadāni | pratigrahotā svastītyuktvā sāvitrīṃ paṭhitvā mākṣikamidaṃ viṣṇudaivatamityuktvā yathāśākhaṃ kāmastutiṃ paṭhet | tata oṃ adya kṛtaitaddānapratiṣṭhārthaṃ tubhyamahaṃ dakṣiṇāmidaṃ kāñcana
dadāni | pratigrahītā svastītyuktvā madhu spṛśet
viṣṇuḥ :madhughṛtatailadānenārogyam
86.3
arcitāya brāhmaṇāyārcitaṃ madhu oṃ adyādi tubhyamantamuktvā dadyāt | ārogyaprāptikāmo'hametanmadhu dadāni | svastyādisvīkārāntaṃ pūrvavat
nandipurāṇe :ye ca kṣīraṃ prayacchanti ghṛtaṃ madhu guḍaṃ dadhi
brāhmaṇebhyaḥ prayatne na śuddhebhyastu susaṃskṛtam
86.4
cakravākaprayuktaistu vimānaiśca hiraṇmayaiḥ
yānti gandharvavāditraiḥ sevyamānā yamālayam
86.5
dātṛbahutvāpekṣayā saṃpradānabahutvam | arcitāya janmasaṃskāravidyāśāline brāhmaṇāyapanotakeśakīṭādikamarcitaṃ madhu oṃ adyādi tubhyamantamuktvā dadyāt | nandipurāṇoktamadhudānaphalaprāptikāmo'hametanmadhu dadāni | svastyādisvīkārāntaṃ pūrvavat
^[viṣṇudharmottare (3|314|12kha) :sarvān kāmān madhupradaḥ