Danasagara 87
Dānasāgara 87
- Language
- Sanskrit
87.1
prāpnotīti śeṣaḥ | arcitāya brāhmaṇāya madhu arcitam oṃ adyādi tubhyamantamuktvā dadyāt | amukakāmo'hametanmadhu dadāni | svastyādisvīkārāntaṃ pūrvvavat | ] atra
[kāmyotkarṣe deyotkarṣaḥ karaṇīyaḥ]1
iti mahārājādhirāja-niḥśaṅkaśaṅkara-śrīmadvallālasenadevaviracite
śrīdānasāgare madhudānāvarttaḥ
atha viṣṇudaivatābhyaṅgadānāvartaḥ | (26)
samvartaḥ :—
tailamāmalakaṃ yacchan pādābhyaṅgaṃ tathaiva ca
¹naraḥ suhṛtstejasvī sukhavāṃścaiva jāyate
87.2
atra yajamānaḥ pādābhyaṅgārthaṃ tailaṃ ghṛtamarcitamarcitāya brāhmaṇāya dadyāt | oṃ
adyāmukagotrāyāmukaśākhādhyāyine'mukadevaśarmaṇe tubhyaṃ samvarttoktapādābhyaṅgadānaphalaprāptikāmo'hametaṃ pādābhyaṅgaṃ dadāni | pratigrahītā svastītyuktvā sāvitrīṃ paṭhitvā abhyaṅgo'yaṃ viṣṇudaivata ityuktvā yathāśākhaṃ kāmastutiṃ paṭhet | tata oṃ adya kṛtaitaddānapratiṣṭhārthaṃ tubhyamahaṃ dakṣiṇāmidaṃ kāñcanaṃ dadāni | pratigrahotā svastītyuktvā ²abhyaṅgārthadravyaṃ
spṛśet
yamaḥ :—
gandhauṣadhamathābhyaṅgaṃ māktikaṃ lavaṇaṃ tathā
yaḥ prayacchati viprāya saubhāgyaṃ sa tu vindati
87.3
abhyaṅgārthaṃ tailaṃ ghṛtaṃ vārccitamarcitāya brāhmaṇāya oṃ adyādi tubhyamantamuktvā dadyāt
saubhāgyaprāptikāmo'hametadabhyaṅgaṃ dadāni | svastyādisvīkārāntaṃ pūrvavat
³brahmapurāṇe :—
pādābhyaṅgaṃ śiro'bhyaṅgaṃ snānapādodakaṃ tathā
ye prayacchanti viprebhyaste yāntyāścaryamālayam
87.4
viprebhya iti bahutvaṃ dātṛbahutvāpekṣam | pādābhyaṅgārthaṃ tailaṃ ghṛtaṃ vārccitamarcitāya oṃ
adyādi tubhyamantamuktvā dadyāt | ⁴brahmapurāṇoktapādābhyaṅgadānaphalaprāptikāmo'hametaṃ
⁵[pādābhyaṅgaṃ dadāni | svastyādisvīkārāntaṃ pūrvavat | śiro'bhyaṅgadāne brahmapurāṇoktaśiro'bhyaṅgadānaphalaprāptikāmo'hametaṃ ] śiro'bhyaṅgamivita viśeṣaḥ
nandipurāṇe :pādābhyaṅgantu yo dadyāt pānthāya parikhedine
sa 1śubhābharaṇaiḥ pādairbandibhirnityavanditaḥ
bhavennṛpo mahābhāgo maṇḍale daśayojane
87.5
pādābhyaṅgaṃ pādābhyaṅgārthaṃ tailādi | gṛhītodapūrṇapātra udaṅmukho khinnrāya pathikabrāhmaṇāya
2pādābhyaṅgārthaṃ yathecchaṃ tailādikaṃ saṅkalpya dadyāt | oṃ nandipurāṇoktapādābhyaṅgadānaphalaprāptikāmo'hametaṃ pādābhyaṅgaṃ dadāni | tatastathābhūtabrāhmaṇaprāptau dadyāta
viṣṇudharmottare ( 3|311|12kha ) :roganāśamavāpnoti tathābhyaṅgapradaḥ sadā3