Pramāṇa · Search · About · API

Danasagara 9

Dānasāgara 9

Language
Sanskrit

9.1

atha dānakālāḥ
tatra manuḥ—
jāte kumāre tadahaḥ kāmaṃ kuryāt pratigraham
hiraṇyadhānyagovāsastilānnaguḍasarpiṣām

9.2

śaṅkhalikhitau—
kumāraprasave nāḍyārmācchannāyāṃ tila1tailahiraṇyavastraprāvaraṇagodhānyapratigraheṣvadoṣastadaharityeke gurvarthaṃ kurvataḥ

9.3

yamahārotau—
dvipadacatuṣpadadhānyahiraṇyadakṣiṇāsu na doṣaḥ

9.4

paiṭhīnasiḥ—
dānapratigraheṣviti vikalpo2 hiraṇyamadhvaṃ3 gāva ityadoṣastadahaḥ

9.5

śātātapaḥ—
ayanādau sadā deyaṃ dravyamiṣṭaṃ gṛheṣu yat
ṣaḍaśītimukhe caiva vimokṣe candrasūryayoḥ

9.6

saṃkrāntau yāni dattāni havyakavyāni dātṛbhiḥ
tāni nityaṃ dadātyarkaḥ punarjanmani janmani

9.7

śatamindukṣaye dattaṃ sahasrantu dinakṣaye
viṣuve śatasāhasraṃ vyatīpāte tvanantakam

9.8

ayaneṣu ca yaddattaṃ ṣaḍaśītimukheṣu ca
candrasūryoparāge ca dattaṃ bhavati cākṣayam

9.300

viṣṇudharmottare—(3

9.6-2

15—24)
dvādaśīṣu ca yaddattaṃ [śuklāsu tu viśeṣataḥ
śravaṇena tu yuktāsu tatrāpi dvijasattamāḥ

9.10

viśeṣādbudhayuktāsu4 pañcatīṣu ca yattathā
tṛtīyāsu tu sarvāsu śuklāsu tu viśeṣataḥ

9.11

vaiśākhaśuklapakṣe tu viśeṣeṇa tu mānavaiḥ¹
āṣāḍhe kārttike caiva phālgune ca viśeṣataḥ

9.12

tisrastvetāḥ paurṇamāsyo dāne viprā mahāphalāḥ
vyatīpāteṣu yaddattaṃ]² janmarkṣe ca dvijottamāḥ

9.13

grahasaṃkramakāle ca tigma³raśmerviśeṣataḥ
tulāmeṣapra⁴veśe tu tyāge tu⁵mithunasya ca

9.14

⁶ravermahāphalaṃ dattaṃ tebhyo'pi syānmahāphalam
yadā viśate bhānurmakaraṃ dvijasattamāḥ

9.15

āṣāḍhe'śvayuje pauṣe caitre śukle⁷ tathaiva ca
dvādaśīprabhṛti proktaṃ puṇyaṃ dinacatuṣṭayam

9.16

mithunañca tathā kanyāṃ dhanvinaṃ mīnameva ca
praviṣṭe bhāskare puṇyaṃ pratyekaṃ kathitaṃ dvijāḥ
ṣaḍaśītimukhaṃ nāma dāne dinacatuṣṭayam

9.17

acchinnanāḍyāṃ yaddattaṃ putre jāte dvijottamāḥ
saṃskāreṣu ca putrasya tadakṣayaṃ prakīrttitam

9.18

candre vā yadi vā sūrye dṛṣṭe rāhau mahāgrahe
akṣayaṃ kathitaṃ puṇyaṃ tatrāpyarke viśeṣataḥ

Linked texts (4)