Danasagara 95
Dānasāgara 95
- Language
- Sanskrit
95.1
atra phalotkarṣād yathāśakti bahusuvarṇadānam | brāhmaṇāyārcitāya yathecchaparimāṇaṃ
suvarṇamarcitam oṃ adyādi tubhyamantamuktvā dadyāt | viṣṇudharmottokta-sakalalokagocarābhimata-modādi-phalaka-suvarṇadānaphalaprāptikāmo'hametat suvarṇaṃ dadāni | svastyādisvīkārāntaṃ
pūrvavat
iti mahārājādhirāja-niḥśaṅkaśaṅkara-śrīmadvallālasenadevaviracite
śrīdānasāgare suvarṇadānāvartaḥ
athāmidaivatarūpyadānāvartaḥ | (34)
manuḥ (4|230gha) :rūpyado rūpamuttamam
95.2
atra yajamāno'rcitāya brāhmaṇāya yathecchaparimāṇaṃ rajatamarcitaṃ dadyāt | oṃ
adyāmukagotrāyāmukavedāmu kaśākhādhyāyine'murudevaśarmaṇe tubhyamutta ma rūpaprāptikāmo'hametadrūpyaṃ
dadāni | pratigrahītā svastītyuktvā sāvitrīṃ paṭhitvā rūpyamidamagnidaivatamityuktvā yathāśākhaṃ
kāmastutiṃ paṭhet | tataḥ oṃ adya kṛtaitaddānapratiṣṭhārthaṃ tubhyamahaṃ dakṣiṇāmidaṃ kāñcanaṃ dadāni
pratigrahītā svastītyuktvā rajataṃ spṛśet
āgneyapurāṇe :puṣye vā janmanakṣatre ayane viṣuveṣu ca
grahaṇe ca vyatīpāte saṃkrāntau ca dinakṣaye
95.3
yānamaśvamanaḍvāhaṃ hemarūpyamaṇīṃstilān
ye prayacchanti pāpeṣu niratāḥ sarvadā mune
na teṣāṃ bhairavaḥ panthā dattaivaiṣāṃ dānamityuta
95.4
atroktasamayānāmanyatame brāhmaṇāyārcitāyārcitaṃ yatheṣṭaparimāṇaṃ rūpyam oṃ adyādi
tubhyamantamuktvā dadyāt | āgneyapurāṇoktāmukasamayavihitarūpyadāna phalaprāptikāmā'hametarūpyaṃ
dadāni | svastyādisvīkārāntaṃ pūrvavat | sarvadetipadadarśanādati-pracurapāpakṣayārthamidaṃ
dānam
narasiṃhapurāṇe :rūpyadānena svargantu nirmalaṃ labhate naraḥ
95.5
brāhmaṇāyārcitāya yatheṣṭaparimāṇaṃ rajatamarcitam oṃ adyādi tubhyamantamuktvā dadyāt
nirmala- svargaprāptikāmo'hametadrū pyaṃ dadāni | svastyādisvīkārāntaṃ pūrvavat
brahmapurāṇe :suvarṇaṃ rajataṃ vāpi vidrumaṃ mauktikaṃ tathā
ye prayacchanti te yānti vimānaiḥ kanakojjvalaiḥ