Danasagara 96
Dānasāgara 96
- Language
- Sanskrit
96.1
atha viṣṇudaivatālaṅkāradānāvartaḥ | (35)
nandipurāṇe :—
alaṅkārantu yo dadyādviprāyātha surāya vā
sa gacchedvāruṇaṃ lokaṃ nānābharaṇabhūṣitaḥ
jātaḥ pṛthivyāṃ kālena bhavennṛpapatirnaraḥ
96.2
atra yajamānaḥ prasiddhahaimaraupyamauktikāyalaṅkaraṇānāmanyatamaṃ yatheṣṭamupādāyārcitaṃ brāhmaṇāyārcitāya dadyāt | oṃ adyāmukasagotrāyāmukavedā mukaśākhādhyāyine'mukadevaśarmaṇe tubhyaṃ nandipurāṇoktālaṅkāradānaphalaprāptikāmo'hametamalaṅkāraṃ dadāni | pratigrahītā svastītyuktvā sāvitrīṃ
paṭhitvā alaṅkāro'yaṃ viṣṇudaivata ityuktvā yathāśāstraṃ kāmastutiṃ paṭhet | tataḥ oṃ adya
kṛtaitaddānapratiṣṭhārthaṃ tubhyamahaṃ dakṣiṇāmidaṃ kāñcanaṃ dadāni | pratigrahītā svastītyuktvā sāvitrīṃ
paṭhitvā1 alaṅkāraṃ spṛśet
vāmanapurāṇe (65|44) brāhmaṇāya dānānuvṛttau2 :—
dāsīṃ dāsamalaṅkāramannaṃ ṣadrasasaṃyutam3
4puruṣottama-5prītyarthaṃ pradeyaṃ sārvakālikam
96.38
niyatamāsaka-6dānāntarasyābhidhānāt sārvakālikamityaniyatamāsadeyam | prasiddhālaṅkārāṇāmanyatamamarcitamarcitāya brāhmaṇāya oṃ adyādi tubhyamantamuktvā dadyāt | puruṣottamaprītaye
etamalaṅkāraṃ dadāni | svastyādisvīkārāntaṃ pūrvavat
mahābhārate ( anu—57
96.3
) :—
7srag dhūpagandhānyanulepanāni snānāni mālyāni ca mānabo yaḥ
dadyādvijebhyaḥ sa bhavedrogastathātirūpaśca8 narendraloke
96.4
ata mālyāni pṛthaguktvā srag grahaṇamalaṅkaraṇarūpamuktāsrakpratipādanārtham | yathāśakti
muktā-suvarṇa-rajatādisrajāmanyatamāṃ srajamarcitāya brāhmaṇāya oṃ adyādi tubhyamantamuktvā
dadyāt | mahābhāratoktasragdānaphalaprāptikāmo'hametaṃ srajaṃ dadāni | svastyādisvīkārāntaṃ
pūrvavat
viṣṇudharmottare (3|310|15kha-16kha) :'rukmābharaṇadānena sukhī sarvatra jāyate
cirānnākaparibhraṣṭo rūpasaubhāgyasaṃyutaḥ
2satāṃ kule tu susphīte guṇaiḥ sarvairyuto naraḥ
96.1-2
prasiddhānāmalaṅkārāṇāmanyatamamalaṅkāramarcitamarcitāya brāhmaṇāya oṃ adyādi tubhyamantamuktvā dadyāt | viṣṇudharmottaroktarukmābharaṇadānaphalaprāptikāmo'hametat rukmābharaṇaṃ dadāni
svastyādisvīkārāntaṃ pūrvavat
iti mahārājādhirāja-niḥśaṅkaśaṅkara-śrīmadballālasenadevaviracite
śrīdānasāgare alaṅkāradānāvartaḥ
atha viṣṇudaivataratnadānāvartaḥ | (36)
yama :rājopakaraṇaṃ dattvā ratnāni vividhāni ca
nagarañca^1 tathā dattvā rājā bhavati bhūtale
96.2-2
atra yajamāno brāhmaṇāyarcitāya prasiddharatnāni icchayā^2 nānājātīyāni yatheṣṭasaṃkhyaratnānyarcitāni dadyāt | oṃ ^3adyāmukasagotrāyāmukavedāmukaśākhādhyāyine'ma̱kadevaśarmaṇe
tubhyaṃ ^4bhūtalarājyaprāptikāmo'hametāni ratnāni dadāni | pratigrahītā svastītyuktvā sāvitrīṃ
paṭhitvā ratnānīmāni viṣṇudaivatānotyuktvā yathāśākhaṃ kāmastutiṃ paṭhet | tataḥ oṃ adya
kṛtaitadānapratiṣṭhārthaṃ tubhyamahaṃ dakṣiṇāmidaṃ kāñcanaṃ dadāni | pratigrahītā svastītyuktvā ratnāni
spṛśet
āgneyapurāṇe :puṇye vā janmanakṣatre ayane viṣuveṣu ca
grahaṇe ca vyatīpāte saṃkrāntau ca dinakṣaye
96.3-2
yānamaśvamanaḍvāhaṃ hemarūpyamaṇīṃstilān
ye prayacchanti pāpeṣu niratāḥ^5 sarvadā mune
na teṣāṃ bhairavaḥ panthā dattvaiṣāṃ dānamityuta
96.4-2
atroktasamayānāmanyatame brāhmaṇāyarcitāyārcitaṃ yatheṣṭaṃ^6 maṇitrayam oṃ adyādi tubhyamantamuktvā dadyāt | āgneyapurāṇoktāmukasamayavihitamaṇodānaphalaprāptikāmo'hametān maṇīn
dadāni | svastyādisvīkārāntaṃ pūrvavat | sarvadetipadadarśanādatipracuratarapāpacayyārthamidaṃ
dānam^7
brahmapurāṇe :suvarṇaṃ rajataṃ vāpi vidrumaṃ mauktikaṃ tathā
ye prayacchanti te yānti vimānaiḥ kanakojjvalaiḥ
96.5
vidru maṃ pravālam | brāhmaṇāyārcitāya 'pravālamarcitam oṃ adyādi tubhyamantamuktvā
dadyāt | brahmapurāṇokta-vidrumadānaphalaptaptikāmo'hametaṃ vidrumaṃ dadāni | svastyādisvīkārāntaṃ pūrvvavat | muktādāne tu vākye brahmapurāṇoktamuktādānaphalaptaptikāmo'hametanmauktikamiti viśeṣaḥ
viṣṇudharmottare (3|310|23ka-26ka) :ratnānāñca pradānena rājaiveha² prajāyate
ratnadānasya yallokaṃ tadbhuktvā suciraṃ dvijāḥ
96.6
vajradaḥ śakralokantu⁴ padmarāgaprado raveḥ
martyo marakataṃ dattvā viṣṇuloke mahīyate
96.7
muktāphalapradānena vāruṇaṃ lokamaśnute
vaidūryyasya pradānena dvīpānāsātha⁵ modate
ratnānyanyāni dattvaiva [rājarājyasya tu]⁶ dvijāḥ
Linked texts (1)
- Varāhapurāṇa — Vyāsa, Sanskrit