[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Legal Digests](https://indike.org/pramana/in.niti.dharma.nibandha) › [Hemādri's Caturvargacintāmaṇi and its parts](https://indike.org/pramana/in.niti.dharma.nibandha.hemadri) › [Danakhanda](https://indike.org/pramana/in.niti.dharma.nibandha.hemadri.danakhanda) › 2.p14 # Danakhanda 2.p14 Dānakhaṇḍa 2.p14 - **Language:** Sanskrit ### [2.p14](https://indike.org/pramana/in.niti.dharma.nibandha.hemadri.danakhanda.2.p14) dakṣiṇāñca śataṃ sārddhaṃ viprāya pratipādayet | ṛtvijāñcaiva sarveṣāṃ daśaniṣkān pradāpayet || yāgopakaraṇaṃ dravyamācāryyāya pradāpayet | itareṣāṃ dvijānāntu pṛthagiṣṭaṃ pradāpayet || dakṣiṇāñca purohitadvijebhyo dāpayet svayam | ācāryyeṣu pradātavyaṃ śrotriyebhyo viśeṣataḥ || bandīkṛtāṃśca visṛjet kārāgṛhaniveśitān | sahasrakalaseneva snāpayet parameśvaram || ghṛtena kevalenāpi devadevamumāpatiṃ | payasā vātha dadhnā vā sarvvadravyairathāpi vā || brahmakūrceṇa vā deyaṃ pañcagavyena vā punaḥ | gāyatryācaiva gomūtraṃ gomayaṃ praṇavena ca || āpyāyasveti vai kṣīraṃ dadhikrāvṇeti vai dadhi | tejosītyājyamīśānaṃ mantraiścaivābhiṣiñcayet || devasyatveti deveśaṃ kuśānbu kalasairnavaiḥ | rudrādhyāyena sarvveśaṃ snāpayet parameśvaram || sahasrakalasaiḥ śambhonamabhiścaiva sahasrakaiḥ | viṣṇunā kathitairvvātha nandinā kathitaistu vā || dakṣeṇa munimukhyena kīrttitenāpi vā budhaḥ | mahāpūjā ca karttavyā mahādevasya bhaktitaḥ || śivārccakāya dātavyā dakṣiṇārddhā guroḥ śubhā | devārccakānāṃ sarveṣāṃ dakṣiṇā ca yathā kramaṃ - [Previous: 2.p13](https://indike.org/pramana/in.niti.dharma.nibandha.hemadri.danakhanda.2.p13) - [Next: 2.p15](https://indike.org/pramana/in.niti.dharma.nibandha.hemadri.danakhanda.2.p15) - [Up: 2](https://indike.org/pramana/in.niti.dharma.nibandha.hemadri.danakhanda.2) ## Linked texts (2) - [Caturvargacintāmaṇi](https://indike.org/pramana/in.niti.dharma.nibandha.mahanibandha.caturvargacintamani.2.p12) — Hemādri, Sanskrit - [Ṣoḍaśamahādānavidhi (Hemādri)](https://indike.org/pramana/in.niti.dharma.dana.mahadana.sodasamahadanavidhi-hemadri.2.p12) — Hemādri, Sanskrit --- Source: [https://indike.org/pramana/in.niti.dharma.nibandha.hemadri.danakhanda.2.p14](https://indike.org/pramana/in.niti.dharma.nibandha.hemadri.danakhanda.2.p14) · Pramāṇa