[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Legal Digests](https://indike.org/pramana/in.niti.dharma.nibandha) › [Hemādri's Caturvargacintāmaṇi and its parts](https://indike.org/pramana/in.niti.dharma.nibandha.hemadri) › [Danakhanda](https://indike.org/pramana/in.niti.dharma.nibandha.hemadri.danakhanda) › 92.p14 # Danakhanda 92.p14 Dānakhaṇḍa 92.p14 - **Language:** Sanskrit ### [92.p14](https://indike.org/pramana/in.niti.dharma.nibandha.hemadri.danakhanda.92.p14) imameva purā praśnaṃ noditaḥ puruṣottamaḥ | yaduvāca saviśvātmā munayastannibodhata || purāṇāni daśāṣṭau ca sāmprataṃ tadihocyate | nāmatastāni vakṣyāmi śṛṇudhvamṛṣisattamāḥ || brahmaṇābhihitaṃ pūrvvaṃ yāvanmātraṃ marīcaye | brāhmantaddaśasāhasraṃ purāṇaṃ parikīrttyate || likhitvā tacca yodadyājjaladhenusamanvitam | vaiśākhyāṃ paurṇamāsyāntu brahmaloke mahīyate || etadeva yadāpadmamabhūddhairasamayañjagat | tadvṛttāntāśrayaṃ tadvatpādmamityucyate budhaiḥ || pādmaṃ tat pañcapañcāśatsahasrāṇīha paṭhyate | tatpu rāṇaṃ ca yodadyātsuvarṇakamalānvitam || jyaiṣṭhe māsi tilairyuktaṃ so'śvamedhaphalaṃ labhet | vārāhakalpavṛttāntaṃ adhikṛtya parāśaraḥ || yatrāha dharmānakhilān tadyuktaṃ vaiṣṇavaṃ viduḥ | tadāṣāḍhe ca yodadyāddhṛtadhenusamanvitam || paurṇamāsyāṃ vipūtātmā sapadaṃ yāti vāruṇaṃ | trayoviṃśatisāhasraṃ tatpurāṇaṃ vidurbudhāḥ || śvetakalpaprasaṅgena dharmān vāyurihābravīt | yatra tadvāyavīyaṃ syādrudramāhātmyasaṃyutam || caturviṃśatsahasrāṇi purāṇaṃ tadihocyate | śrāvaṇyāṃ śrāvaṇe māsi gur̤adhenusamanvitaṃ || yodadyāddadhisaṃyuktaṃ brāhmaṇāya kuṭumbine | śivaloke sa pūtātmā kalpamekaṃ vasennaraḥ || yatrādhikṛtya gāyatrīṃ varṇyate dharmavistaraḥ | vṛtrāsuravadhopetaṃ tadbhāgavatamucyate || sārasvatasya kalpasya madhye yesyurnarāmarāḥ | tadvṛttāntodbhavaṃ loke tadbhāgavatamucyate | likhitvā tacca yodadyāddhemasiṃhasamanvitaṃ | paurṇamāsyāṃ prauṣṭhapadyāṃ sa yāti paramaṃ padaṃ || aṣṭādaśasahasrāṇi purāṇaṃ tat prakīrttitaṃ | yatrāha nāradodharmān vṛhatkalpāśritāṃsrivaha || pañcaviṃśatsahasrāṇi nāradīyaṃ taducyate | tadidaṃ pañcadaśyāṃ tu yodadyāddhemasaṃyutaṃ || uttamāṃ siddhimāpnoti punarāvṛttidurlabhaṃ | yatrādhikṛtya śakunīn dharmādharmavicāraṇaṃ || purāṇaṃ navasāhasraṃ mārkaṇḍeyamihocyate | parilikhya ca yodadyātsauvarṇakarisaṃyutaṃ || kārttikyāṃ pauṇḍarīkasya yajñasya phalabhāgbhavet | yattadīśānakalpasya vṛttāntamadhikṛtya ca || vaśiṣṭhāyāgninā proktamāgneyaṃ tat pracakṣate | likhāpayitvā yodadyāt hemapadmasamanvitaṃ || mārgaśīrṣe vidhānena tiladhenvānvitaṃ tathā | etat ṣor̤aśasāhasraṃ sarvvakratuphalapradaṃ || yatrādhikṛtya māhātmyamādityasya caturmukhaḥ | aghorakalpavṛttāntaprasaṅgena jagatpatiḥ - [Previous: 92.p13](https://indike.org/pramana/in.niti.dharma.nibandha.hemadri.danakhanda.92.p13) - [Next: 92.p15](https://indike.org/pramana/in.niti.dharma.nibandha.hemadri.danakhanda.92.p15) - [Up: 92](https://indike.org/pramana/in.niti.dharma.nibandha.hemadri.danakhanda.92) ## Linked texts (1) - [Skandamahāpurāṇa (vulgate)](https://indike.org/pramana/in.purana.skanda*vulgate.16.2.45) — Sanskrit --- Source: [https://indike.org/pramana/in.niti.dharma.nibandha.hemadri.danakhanda.92.p14](https://indike.org/pramana/in.niti.dharma.nibandha.hemadri.danakhanda.92.p14) · Pramāṇa