[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Legal Digests](https://indike.org/pramana/in.niti.dharma.nibandha) › [Kalaviveka](https://indike.org/pramana/in.niti.dharma.nibandha.kalaviveka) › 77.p1.39 # Kalaviveka 77.p1.39 Kālaviveka 77.p1.39 - **Language:** Sanskrit ### [77.p1.39](https://indike.org/pramana/in.niti.dharma.nibandha.kalaviveka.77.p1.39) atra hi pūrvāhnapadenāhnaḥ pūrvvārddhasya grahaṇam, aparāhnapadena cāparārddhasya, anyathā madhyandine svāpaprabodhayoḥ tannimittakriyākālo nābhihitaḥ syāt | na ca pūrvāhnāparāhnapadayoranyataranmadhyāhnopalakṣaṇamiti vācyaṃ vinigamanākāraṇābhāvādanuṣṭhānānadhyavasāyāpatteḥ | rātrau tu svāpādiṣu rātrāvudayamāpanna ityanenaivodayamupalakṣaṇīkṛtya rātrikālasya nirdiṣṭavrate tayā vinigamaḥ 'pūrvāhṇe cedamāvāsyā nāparāhṇe bhavedyadī'tyatrāpi kāraṇadvayaṃ nirdiṣṭam| tathā 'pratipatsu tvamāvāsyā pūrvāhṇavyāpinī yadī'tyetadapi pūrvāhṇe vyāptimaparāhṇe vyāptiñca vadadaṅko dvidhaiva vibhāgaṃ darśayati| anyathā 'madhyāhnavyāpinī'tyuktaṃ syāt tathā kātyāyanaḥ "sabhāsthāne tu pūrvāhṇe kāryāṇāṃ nirṇayaṃ nṛpaḥ kuryācchāstrapraṇītena mānyenāmitrakarṣaṇaḥ divasasyāṣṭamaṃ bhāgamaṅko bhāgatrayantu yat sa kālo vyavahārāṇāṃ śāstradṛṣṭaḥ paraḥ smṛtaḥ||” divasamaṣṭadhā vibhajyāṣṭamaṃ, prathamārddhapraharaṃ vihāyāparabhāgatraye pūrvāhṇarūpe kuryāditi dinārddhasya pūrvāhṇatāṃ darśayati tathā manuḥ "yathā caivāparaḥ pakṣaḥ pūrvvapakṣādviśiṣyate tathā śrāddhasya pūrvāhṇādaparāhlo viśiṣyate||” dinasya tribhāgave pūrvāhnamadhyāhnābhyāmaparāhlo viśiṣyata iti brūyāt, pūrvāparapakṣadṛṣṭāntāca| taddṛdeva pūrvāhnāparāhlapakṣayorapyavacchedādavasthitirityavagamyate vyaktañca brahmāṇḍapurāṇe "śuklapakṣasya pūrvāhne śrāddhaṃ kuryyādvicakṣaṇaḥ kṛṣṇapakṣe parāhne tu rauhiṇantu na laṅghayet ||” rauhiṇaṃ navamaghaṭikā| tatparyyudāsāt praharadvayādūrddhamaparāhla - [Previous: 77.p1.38](https://indike.org/pramana/in.niti.dharma.nibandha.kalaviveka.77.p1.38) - [Next: 77.p1.40](https://indike.org/pramana/in.niti.dharma.nibandha.kalaviveka.77.p1.40) - [Up: 77.p1](https://indike.org/pramana/in.niti.dharma.nibandha.kalaviveka.77.p1) ## Linked texts (2) - [Skandamahāpurāṇa (vulgate)](https://indike.org/pramana/in.purana.skanda*vulgate.16.206.33) — Sanskrit - [Vāyupurāṇa](https://indike.org/pramana/in.purana.vayu.2.21.p32) — Vyāsa, Sanskrit --- Source: [https://indike.org/pramana/in.niti.dharma.nibandha.kalaviveka.77.p1.39](https://indike.org/pramana/in.niti.dharma.nibandha.kalaviveka.77.p1.39) · Pramāṇa