[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Legal Digests](https://indike.org/pramana/in.niti.dharma.nibandha) › [Digests of religious duties](https://indike.org/pramana/in.niti.dharma.nibandha.krtya) › [Abdadidhiti](https://indike.org/pramana/in.niti.dharma.nibandha.krtya.abdadidhiti) › 1.p16.2 # Abdadidhiti 1.p16.2 Abdadīdhiti 1.p16.2 - **Language:** Sanskrit ### [1.p16.2](https://indike.org/pramana/in.niti.dharma.nibandha.krtya.abdadidhiti.1.p16.2) siddhapūrvaśca badarīparṇāśaśca mahāyaśāḥ | brahmacārī ratiguṇaḥ suparṇo'tibalastathā | viśvāvasuḥ surendraśca gandharvo'tiparākramaḥ | ityete pūjanīyāstu gandhairuccāvacaistathā | modakairlāpikābhiśca paramānnena cākṣataiḥ | dadhnā guḍena payasā śālipiṣṭena bhūriśaḥ | dhūpairmālyaistathā dīpairdvijānāṃ svastivācanaiḥ | evaṃ hi pūjitāḥ samyak turagāṇāṃ tu bāndhavāḥ | balamāyuḥ prayacchanti saṃgrāmeṣvaparāja yam | ārogyaṃ paramāṃ puṣṭiṃ tathaiva ca vidheyatām | naro vāpyathavā nārī vratametatsamācaret | caitrasya śuklapañcamyāṃ śuciḥ snātā upoṣitā | prabhāte pāraṇaṃ kṛtvā devaviprānprapūjya ca | labhate sāthavā so'pi svamanorathajaṃ phalam | iti | atraiva tithau nirṇayāmṛte devīpurāṇe-pañcamyāṃ pūjayennāgānanantādyānmahoragān | kṣīraṃ sarpistu naivedyaṃ deyaṃ nāgapūjā | sarvasukhāvaham | iti | damanapūjāviṣayametaditi hemādriḥ | nāgapratimālakṣaṇamuktaṃ mātsye-nāgāścaiva tu kartavyāḥ khaṅgakheṭakadhāriṇaḥ | adhaḥ sarpākṛtisteṣāṃ nābherurdhvaṃ tu mānuṣī | phaṇāśca mūrdhni kartavyā dvijihvā bahavo'samāḥ | iti | asamā viṣamasaṅkhyāḥ | iti | atha ṣaṣṭhyāṃ kālahemādrau brāhme-jātaḥ skandaśca ṣaṣṭhyāṃ tu śuklāyāṃ caitranāmani | saināpatye'bhiṣiktaśca devānāṃ skandapūjā | brahmaṇā svayam | jitavāṃstārakaṃ daityaṃ krauñcaṃ śaktyā bibheda saḥ | tasmātsarvatra vidhinā skando mālyaiḥ sugandhibhiḥ | dīpālaṅkāravastrānnakūṭaiḥ saṃpūjya eva hi | sakukkuṭakrīḍanakairghaṇṭācāmaradarpaṇaiḥ | sarvāsu śuklaṣaṣṭhīṣu kāryamevaṃ na saṃśayaḥ | iti | - [Previous: 1.p16.1](https://indike.org/pramana/in.niti.dharma.nibandha.krtya.abdadidhiti.1.p16.1) - [Next: 1.p16.3](https://indike.org/pramana/in.niti.dharma.nibandha.krtya.abdadidhiti.1.p16.3) - [Up: 1.p16](https://indike.org/pramana/in.niti.dharma.nibandha.krtya.abdadidhiti.1.p16) ## Linked texts (2) - [Smṛtikaustubha](https://indike.org/pramana/in.niti.dharma.nibandha.mahanibandha.smrtikaustubha.5.1.9) — Anantadeva 1638, Sanskrit - [Saṃvatsaradīdhiti](https://indike.org/pramana/in.niti.dharma.kala.varsakrtya.samvatsaradidhiti.2.1.9) — Anantadeva 1650, Sanskrit --- Source: [https://indike.org/pramana/in.niti.dharma.nibandha.krtya.abdadidhiti.1.p16.2](https://indike.org/pramana/in.niti.dharma.nibandha.krtya.abdadidhiti.1.p16.2) · Pramāṇa