[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Legal Digests](https://indike.org/pramana/in.niti.dharma.nibandha) › [Digests of religious duties](https://indike.org/pramana/in.niti.dharma.nibandha.krtya) › [Abdadidhiti](https://indike.org/pramana/in.niti.dharma.nibandha.krtya.abdadidhiti) › 4.p13.2 # Abdadidhiti 4.p13.2 Abdadīdhiti 4.p13.2 - **Language:** Sanskrit ### [4.p13.2](https://indike.org/pramana/in.niti.dharma.nibandha.krtya.abdadidhiti.4.p13.2) bhikṣācarau bahūndeśānvanāni sarito girīn 15 samatikramya yayaturviśālāṃ nāmataḥ purīm | kāsāramīkṣāṃcakrāte tatpuryāḥ saṃnidhau śubham 16 puṇḍarīkavanākīrṇaṃ raktapadmapoṣitam | saṃdhyāabhrabhūṣitaṃ cāru yathā tārāṅkitaṃ nabhaḥ 17 śrāntau pathigatau bālau kṣaṇaṃ viśramya tattaṭe | ācamya śiśiraṃ toyaṃ sañjātaśca yathāvidhi 18 gatādhvakhedau viprau tau puraṃ praviśatāṃ tataḥ | vīthīcatuṣpathayutaṃ cārugopuramaṇḍitam 19 devatāgāraruciraṃ saudharājivirājitam | nānāvīthīratikramya vipravāsamavāpatuḥ 20 kasyacittvatha viprasya kṣutpipāsārditau gṛham | yayaturvedikāyāṃ tāvupaviṣṭau śramāturau 21 svāmī tasyātha gehasya viveka iti viśrutaḥ | āgatau vaiśvadevānte sa dadarśātithī dvijau 22 anāpṛcchadya śrutaṃ śīlaṃ tathā ca kulanāmanī | ṛṣivatpūjayāmāsa smarandharmaṃ sanātanam 23 atha tau bhojayāmāsa svādvannena dvijottamaḥ 24 tau brahmacāriṇau viprau tāṃ saparyāṃ vilokya ca | deśabandhuparityāgakhedamujjhāṃbabhūvatuḥ 25 athāpṛcchatkṛpālustau kau yuvāṃ kuta āgatau | kimarthamalpavayasau nirgatau svagṛhāditi 26 tadvivekasya vacanamākarṇya śrīpatistadā | ānupūrvyeṇa sakalaṃ vṛttāntaṃ samabhāṣata 27 pitṛhīnāviti jñātvā tyaktau bandhujanena ca | āśvāsya sthāpayāmāsa svagṛhe bahuvāsaram 28 pracakrame svaśiṣyaiśca sahādhyāpayituṃ śrutīḥ | babhūvatuśca tau bālau guruśuśrūṣaṇe ratau 29 gurorgṛhe nivasatogatā nirmalā śarat | phullapadmavanākīrṇā pūrṇacandrānanā śubhā 30 tasyāṃ saśiṣyamācāryaṃ carantaṃ vratamuttamam | - [Previous: 4.p13.1](https://indike.org/pramana/in.niti.dharma.nibandha.krtya.abdadidhiti.4.p13.1) - [Next: 4.p13.3](https://indike.org/pramana/in.niti.dharma.nibandha.krtya.abdadidhiti.4.p13.3) - [Up: 4.p13](https://indike.org/pramana/in.niti.dharma.nibandha.krtya.abdadidhiti.4.p13) ## Linked texts (2) - [Smṛtikaustubha](https://indike.org/pramana/in.niti.dharma.nibandha.mahanibandha.smrtikaustubha.10.94.23) — Anantadeva 1638, Sanskrit - [Saṃvatsaradīdhiti](https://indike.org/pramana/in.niti.dharma.kala.varsakrtya.samvatsaradidhiti.7.94.23) — Anantadeva 1650, Sanskrit --- Source: [https://indike.org/pramana/in.niti.dharma.nibandha.krtya.abdadidhiti.4.p13.2](https://indike.org/pramana/in.niti.dharma.nibandha.krtya.abdadidhiti.4.p13.2) · Pramāṇa