[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Legal Digests](https://indike.org/pramana/in.niti.dharma.nibandha) › [Digests of religious duties](https://indike.org/pramana/in.niti.dharma.nibandha.krtya) › [Abdadidhiti](https://indike.org/pramana/in.niti.dharma.nibandha.krtya.abdadidhiti) › 7.p26.2 # Abdadidhiti 7.p26.2 Abdadīdhiti 7.p26.2 - **Language:** Sanskrit ### [7.p26.2](https://indike.org/pramana/in.niti.dharma.nibandha.krtya.abdadidhiti.7.p26.2) ato vikalpa eveti mādhavaḥ | hemādristu durbhikṣavaśena navānnabhakṣaṇaprasaktau kāryam | ataevoktaṃ dīpikāyām-kṛcchreṣvāgrayaṇaṃ kāryamiti | vidyāṃ vidyārambham | lallaḥ-nīcasthe vakrasaṃsthe'pyaticaraṇagate bālavṛddhāstage vā saṃnyāso devayātrā vrataniyamavidhiḥ karṇavedho'pi dīkṣā | mauñjībandho'tha cūḍā pariṇayanavidhirvāsudevapratiṣṭhā varjyāḥ sadbhiḥ prayatnāttridaśapatigurau siṃharāśisthite ca | iti | nīcasthe makarasthe | tatra siṃhasthaniṣedhāpavādastredhā smaryate | tatraiko jyotirnibandhe-ravikṣetragate jīve jīvakṣetragate ravau | na kuryācchubhakarmāṇi vratodvāhamukhāni ca | ravikṣetraṃ tu paitrarkṣaṃ gurukṣetraṃ ca revatī| mithaḥ kṣetragatau tau cennāśayaitāṃ tu maṅgalam | paitraṃ maghā | atra ca siṃhasthe gurau yo niṣedhaḥ sa maghāsthaviṣaya eveti, mīnasthe ravau yo niṣedhaḥ sa revatīsthaviṣaya eveti vidhīyate lāghavāt | vivāhe tu pūrvāgraprathamāṃśāniṣedhopi rājamārtaṇḍe-siṃharāśau tu siṃhāṃśe yadā bhavati vākpatiḥ | sarvadeśeṣvayaṃ tyājyo dampatyornidhanapradaḥ | vasiṣṭhasaṃhitāyāṃ tu-mṛgendramadhyamāṃśasthe jīve yogo'śanistvayam | gautamīvāmabhāge tu dampatyornidhanapradaḥ | ityuktam | taddeśe doṣādhikyārtham | aṅkaḥ deśaviśeṣe dvitīyo'pavādo vivāhopanayanayorvasiṣṭhenoktaḥ |-bhāgīrathyuttare kūle gautamīdakṣiṇe tathā | vivāho vratabandhaśca siṃhasthejye na duṣyati | sūcitaṃ caitatparāśareṇa-godābhāgīrathīmadhye nodvāhaḥ siṃhage gurau | maghāsthe sarvadeśeṣu tathā mīnagate ravau | iti | atra vasiṣṭhavacanānurodhenodvāhagrahaṇaṃ vratabandhopalakṣaṇam | - [Previous: 7.p26.1](https://indike.org/pramana/in.niti.dharma.nibandha.krtya.abdadidhiti.7.p26.1) - [Next: 7.p26.3](https://indike.org/pramana/in.niti.dharma.nibandha.krtya.abdadidhiti.7.p26.3) - [Up: 7.p26](https://indike.org/pramana/in.niti.dharma.nibandha.krtya.abdadidhiti.7.p26) ## Linked texts (2) - [Smṛtikaustubha](https://indike.org/pramana/in.niti.dharma.nibandha.mahanibandha.smrtikaustubha.25.1-4.2) — Anantadeva 1638, Sanskrit - [Saṃvatsaradīdhiti](https://indike.org/pramana/in.niti.dharma.kala.varsakrtya.samvatsaradidhiti.22.1-4.2) — Anantadeva 1650, Sanskrit --- Source: [https://indike.org/pramana/in.niti.dharma.nibandha.krtya.abdadidhiti.7.p26.2](https://indike.org/pramana/in.niti.dharma.nibandha.krtya.abdadidhiti.7.p26.2) · Pramāṇa