[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Legal Digests](https://indike.org/pramana/in.niti.dharma.nibandha) › [Digests of religious duties](https://indike.org/pramana/in.niti.dharma.nibandha.krtya) › [Kriyakaumudi (Govindananda)](https://indike.org/pramana/in.niti.dharma.nibandha.krtya.kriyakaumudi) › 1.p34 # Kriyakaumudi (Govindananda) 1.p34 Kriyākaumudī (Govindānanda) 1.p34 - **Language:** Sanskrit ### [1.p34](https://indike.org/pramana/in.niti.dharma.nibandha.krtya.kriyakaumudi.1.p34) tasyāyamarthaḥ,— abhyudito ravirityanena pūrvāhṇo lakṣyate ravyudayasya pūrvāhṇenāvinābhāvāt | yasyāṃ tithau pūrvāhṇalābhaḥ setyarthaḥ | lakṣaṇāvījañca pūrvoktānekamunivacanavirodha eva | ataeva pitrarthe cāparāhṇikītyaparāhṇamātramuktaṃ brahmapurāṇe | pūrvāhṇe mātṛkaṃ śrāddhamaparāhṇe tu paitṛkam | ekoddiṣṭantu madhyāhne prātarvṛddhinimittakam || yadyapi mātṛpradhānaṃ śrāddhaṃ mātṛkamiti vyutpattyā'nvaṣṭakāśrāddhaṃ vṛddhiśrāddhañcocyate, tathāpi prātarvṛddhinimittakamiti pṛthagvacanāt mātṛkamanvaṣṭakāśrāddham | pūrvāhṇe, śrutyukte dinasya tṛtīyabhāge | yathā pūrvāhṇo vai devānāṃ madhyandinaṃ manuṣyāṇāmaparāhṇaḥ pitṝṇāmiti | na ca saṅgavaparatayā pūrvāhṇapadavyākhyānaṃ keṣāñcidyuktaṃ1 tatra śaktyabhāvāt lakṣaṇāvījābhāvācca | na ca prātaḥpadasya pṛthagupādānameva lakṣaṇāvījamiti vācyaṃ prātaḥpūrvāhṇapadayorvyāpakabhāvenārthabhedādviṣayabhedācca virodhābhāvāt | aparāhṇe ca paitṛkamiti atrāparāhṇapadadvayaṃ brahmapurāṇoktapañcadhāvibhaktapāribhāṣikāparāhṇamadhyāhnaviṣayaṃ prātaḥpadasamabhivyāhārāt paribhāṣābalācca | yathā prātaḥkālo muhūrttāṃstrīn saṅgavastāvadeva tu - [Previous: 1.p33](https://indike.org/pramana/in.niti.dharma.nibandha.krtya.kriyakaumudi.1.p33) - [Next: 1.p35](https://indike.org/pramana/in.niti.dharma.nibandha.krtya.kriyakaumudi.1.p35) - [Up: 1](https://indike.org/pramana/in.niti.dharma.nibandha.krtya.kriyakaumudi.1) ## Linked texts (1) - [Varṣakriyākaumudī](https://indike.org/pramana/in.niti.dharma.kala.varsakrtya.varsakriyakaumudi.1.p64) — Govindānanda Kavikaṅkaṇa 1510, Sanskrit --- Source: [https://indike.org/pramana/in.niti.dharma.nibandha.krtya.kriyakaumudi.1.p34](https://indike.org/pramana/in.niti.dharma.nibandha.krtya.kriyakaumudi.1.p34) · Pramāṇa