[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Legal Digests](https://indike.org/pramana/in.niti.dharma.nibandha) › [Digests of religious duties](https://indike.org/pramana/in.niti.dharma.nibandha.krtya) › [Kriyakaumudi (Govindananda)](https://indike.org/pramana/in.niti.dharma.nibandha.krtya.kriyakaumudi) › 1.p52 # Kriyakaumudi (Govindananda) 1.p52 Kriyākaumudī (Govindānanda) 1.p52 - **Language:** Sanskrit ### [1.p52](https://indike.org/pramana/in.niti.dharma.nibandha.krtya.kriyakaumudi.1.p52) jyotiṣe,— caturthī bhaumavāreṇa ravivāreṇa saptamī | amā vai somavāreṇa viṣuvatsadṛśaṃ phalam || bhaviṣye,— śuklāṅgārakasaṃyuktā caturthī jāyate yadā | śraddhayā śrāddhakṛdvipro na sa preto'bhijāyate || aṅgārakacaturthīvratamāha matsyapurāṇe | caturthyāmaṅgārakadinaṃ yadā bhavati mānava || mṛdā snānaṃ tadā kuryyāt padmarāgavibhūṣitaḥ | agnirmūrddhā divo mantraṃ japannāste udaṅmukhaḥ || śūdrastūṣṇīṃ stuvan bhaumamāste bhogavivarjitaḥ | athāstamita āditye gomayenopalepayet || prāṅgaṇaṃ puṣpamālābhirakṣatādbhiḥ samantataḥ | abhyarcyābhilikhet padmaṃ kuṅkumenāṣṭapatrakam || kuṅkumasyāpyabhāve tu raktacandanamiṣyate || catvāraḥ karakāḥ kāryyā bhakṣyabhojyasamanvitāḥ | taṇḍulai raktaśālayaiḥ padmarāgaiśca saṃyutāḥ || gandhamālyādikaṃ sarvvaṃ maṅgalāya nivedayet | suvarṇaśṛṅgīṃ kapilāmathāccrya raupyaiḥ khuraiḥ kāṃsyaduhāṃ savatsām | dhurandharaṃ raktamatīvasaumyaṃ dhānyāni saptāmbarasaṃyutāni || aṅguṣṭhamātraṃ puruṣaṃ tathaiva sauvarṇamatyāyatavāhudaṇḍam | caturbhujaṃ hemamaye'tha tāmre sthitaṃ gur̤asyopari saṃniyuktam || sāmasurajñāya jitendriyāya kuṭumbine dambhavivarjitāya | samarpayedvipravarāya bhaktyā kṛtāñjaliḥ pūrvvamudīryya mantram || bhūmiputra mahātejaḥ svedodbhava pinākinaḥ | rūpārthī tvāṃ prapanno'smi gṛhāṇārghyaṃ namo'stu te || mantreṇānena dattvārghyaṃ raktacandanavāriṇā | tato vipravaraṃ pūjya raktamālyāmbarādibhiḥ || dadyāttenaiva mantreṇa kṣaumaṃ gomithunānvitam | śayyāñca śaktito dadyāt sarvvopaskarasaṃyutām || pradakṣiṇaṃ tataḥ kṛtvā visṛjya dvijapuṅgavam | naktamacāralavaṇamaśnīyād ghṛtasaṃyutam || bhaktyā yastu pumān kuryyādevamaṅgārakāṣṭakam | caturo vā mahārāja yatpuṇyaṃ taddadāmi te || rūpasaubhāgyasampannaḥ punarjanmani janmani | viṣṇau vātha śive bhaktaḥ saptadvīpādhipo bhavet || saptakalpasahasrāṇi rudraloke mahīyate - [Previous: 1.p51](https://indike.org/pramana/in.niti.dharma.nibandha.krtya.kriyakaumudi.1.p51) - [Next: 1.p53](https://indike.org/pramana/in.niti.dharma.nibandha.krtya.kriyakaumudi.1.p53) - [Up: 1](https://indike.org/pramana/in.niti.dharma.nibandha.krtya.kriyakaumudi.1) ## Linked texts (4) - [Nāradapurāṇa](https://indike.org/pramana/in.purana.narada.1.69.97) — Vyāsa, Sanskrit - [Varṣakriyākaumudī](https://indike.org/pramana/in.niti.dharma.kala.varsakrtya.varsakriyakaumudi.1.p85) — Govindānanda Kavikaṅkaṇa 1510, Sanskrit - [Vratakhaṇḍa](https://indike.org/pramana/in.niti.dharma.vrata.vratakhanda.104.2.p1.1) — Hemādri, Sanskrit - [Vratakāṇḍa](https://indike.org/pramana/in.niti.dharma.vrata.vratakanda.6.p138) — Lakṣmīdhara, Sanskrit --- Source: [https://indike.org/pramana/in.niti.dharma.nibandha.krtya.kriyakaumudi.1.p52](https://indike.org/pramana/in.niti.dharma.nibandha.krtya.kriyakaumudi.1.p52) · Pramāṇa