Pramāṇa · Search · About · API

Kriyakaumudi (Govindananda) 5.p100

Kriyākaumudī (Govindānanda) 5.p100

Language
Sanskrit

5.p100.1

kālarātryā mantroddhāramāha| kālikāpurāṇe,netrabījasya madhyantu dvirāvarttya prayojayet | tato'nu kāli kāloti vikaṭadaṃṣṭre tataḥ padaṃ || hāntādi-naṣṭatoyena svareṇaikādaśena tu | yojitau nādabindubhyāṃ dvau paścādviniyojayet || phetkāriṇipadaṃ tasmāt khādaya cchedayetyataḥ | sarvvaduṣṭāni ca tato dvimarddāryāmukaṃ tataḥ || khaḍgena chindhi chindhīti tataśca kili kilīti | tataściki cikītyevaṃ tataḥ piva piveti ca || tato'nu rudhiraṃ ceti sphaum̐ sphaum̐ kirikirīti ca | kālikāyai nama iti kālarātryāstu mantrakaḥ || ityanena tu mantreṇa karavāle'bhimantrite | kālarātriḥ svayaṃ tasminniṣīdatyarihānaye || netrabījaṃ aim̐ hrīm̐ śrīm̐ iti kālikāpurāṇe uktaṃ tasya madhyaṃ hrīmityarthaḥ, tato jayadurgāmantraṃ kiñcijjapitvā arghodakena japaṃ samarpayet | tathā balidānāntaraṃ kālikāpurāṇe,japaṃ samārabhet paścāt pūrvvavaddhyānatatparaḥ | hastena srajamādāya cintayenmanasā śivām || tato jayadurgāmantreṇa tilairhomaḥ kāryyo yathā,homañca satilairājyairmāṃsairvvātha samācaret || tataḥ,- adya durgāmotsave sarvvabādhāvinirmukti-dhanadhānyasutānvitalakāmaḥ śrīdurgāprītikāmo vā śrīmārkaṇḍeyapurāṇāntargataṃ devīmāhātmyaṃ śroṣyāmi kīrttayiṣye vā iti saṅkalpya devīmāhātmyasya śravaṇaṃ kīrttanaṃ vā kuryyāt | tataḥ pradakṣiṇīkṛtya pañca praṇāmān kuryyāt | kālikāpurāṇe,sarvvamaṅgalamaṅgalye śive sarvvārthasādhike | śaraṇye tryambake gauri nārāyaṇi namo'stu te || saptadhāvarttanaṃ kṛtvā stutimetāntu sādhakaḥ | pañca praṇāmān kurvīta aim̐ hrīm̐ śrīmivita mantrakaiḥ ||

5.p100.2

anyāpi yathāśakti praṇāmān kuryyāt || āyurddehi yaśo dehi bhāgyaṃ bhagavati dehi me | putrān dehi dhanaṃ dehi sarvvān kāmāṃśca dehi me || pracaṇḍe putrade nityaṃ suprīte suranāyike | kulodyotakare cogre jayaṃ dehi namo'stu te || rudracaṇḍe pracaṇḍā'si pracaṇḍavalanāśini | rakṣa māṃ sarvvato devi viśveśvari namo'stu te || durgottāriṇi durge tvaṃ sarvvāśubhanivāriṇi || dharmmārthamokṣade devi nityaṃ me varadā bhava || durge durge mahābhāge trāhi māṃ śaraṇapriye | mahiṣāsṛṅmadonmatte praṇato'smi prasīda me || hara pāpaṃ hara kleśaṃ hara śokaṃ harāsukham | hara rogaṃ hara kṣobhaṃ hara vāmaṃ harapriye || kāli kāli mahākāli kālike pāpahāriṇi | dharmakāmaprade devi nārāyaṇi namo'stu te || saṃgrāme vijayaṃ dehi dhanaṃ dehi sadā gṛhe | dharmakāmārthasampattiṃ dehi devi namo'stu te || mahiṣaghni mahāmāye cāmuṇḍe muṇḍamālini | āyurārogyavijayaṃ dehi devi namo'stu te || āyurddadātu me kālī putrān devī sadāśivā | dhanaṃ devī mahāmāyā nārasiṃhī yaśo mama || śiro me caṇḍikā pātu kaṇṭhaṃ pātu maheśvarī | hṛdayaṃ pātu cāmuṇḍā sarvvataḥ pātu kālikā || āndhyaṃ kuṣṭhañca dāridryaṃ rogaṃ śokañca dāruṇam | bandhu-svajana-vairāgyaṃ durge tvaṃ hara durgatim || rājyaṃ tasya pratiṣṭhā ca lakṣmīstasya sadā sthirā prabhutvaṃ tasya sāmarthyaṃ yasya tvaṃ mastakopari || dhanyo'haṃ kṛtakṛtyo'haṃ saphalaṃ jīvitaṃ mama | āgatā'si yato durge māheśvari madāśrayam || arghyaṃ puṣpañca naivedyaṃ mālyaṃ malayavāsini | gṛhāṇa varade devi kalyāṇaṃ kuru me sadā || tataḥ pūjāṃ samarpayet ||

5.p100.3

mantrahīnaṃ kriyāhīnaṃ bhaktihīnaṃ maheśvari | yadccitaṃ mayā devi paripūrṇaṃ tadastu me || gṛhītaṃ śāradīṃ pūjāṃ martyamaṇḍalasaṃsthitām caṇḍike tvāṃ namāmyadya svayamarghyaṃ pragṛhyatām || kāyena manasā vācā tvatto nānyā gatirmama | antaścāreṇa bhūtānāṃ draṣṭrī tvaṃ parameśvari || tato rātryarddhe pūrvvavat ṣor̤aśopacāraiḥ pūjā kāryyā | yathā,— balibhirgandhapuṣpādyairmahāvibhavavistaraiḥ | rātryarddhe pūjayeddevīṃ jaganmātaramambikām || gaur̤īyāstu,— aṣṭamīnavamīsandhikāre bhūtaśuddhyādikaṃ kṛtvā, cāmuṇḍārūpaṃ cintayitvā, ṣor̤aśopacāraiḥ sampūjya, ṣaṣṭiyoginīśca pūjayitvā baliṃ dadati || dhyānantu,— kālī karālavadanā viniṣkrāntāsipāśinī | vicitrakhaṭvāṅgadharā naramālāvibhūṣaṇā || ddīpicarmmaparīdhānā śuṣkamāṃsātibhairavā | ativistāravadanā jihvālalanabhīṣaṇā || nimagnā raktanayanā nādāpūritadiṅmukhā || iti | evaṃ navamyāmapyaṣṭamauvidhinā pūjā kāryyā prabhūtabalidānañca | kumārīḥ sampūjya bhojayet | devīpurāṇe,— na tathā tuṣyati śivā homa-dāna-japena tu | kumārībhojanenāca yathā devī prasīdati || tato dakṣiṇāṃ dadyāt | anye tu,— daśamyāṃ visarjanaṃ kṛtvā dakṣiṇā deyetyāhuḥ, tanmandam śrāddhādau visarjarnāt prāgdakṣiṇāyā dṛṣṭatvāt anyatrāpi tathaiva nāyyatvāt

Linked texts (3)