Pramāṇa · Search · About · API

Kriyakaumudi (Govindananda) 5.p95

Kriyākaumudī (Govindānanda) 5.p95

Language
Sanskrit

5.p95.1

oṃ sudarśanacakrāya namaḥ, iti sampūjya,— cakra tvaṃ viṣṇurūpo'si viṣṇupāṇau sadā sthitaḥ | devīhastasthito nityaṃ sudarśana namo'stu te || iti puṣpam || oṃ tīkṣṇavāṇāya namaḥ, iti sampūjya,— sarvvāyudhānāṃ śreṣṭho'si daityasenānisūdana | bhayebhyaḥ sarvvato rakṣa tīkṣṇavāṇa namo'stu te || iti puṣpam || oṃ śaktaye namaḥ, iti sampūjya,— śaktistvaṃ sarvvadevānāṃ guhasya ca viśeṣataḥ | śaktirūpeṇa sarvvatra rakṣāṃ kuru namo'stu te || iti puṣpam || vāmahasteṣu,— oṃ kheṭāya namaḥ, iti sampūjya,— yaṣṭirūpeṇa kheṭa tvamarisaṃhārakārakaḥ | devīhastasthito nityaṃ mama rakṣāṃ kuruṣva ca || iti puṣpam || oṃ pūrṇacāpāya namaḥ, iti sampūjya,— sarvvāyudhamahāmātra sarvvadevārisūdana | cāpa māṃ sarvvato rakṣa sākaṃ sāyakasattamaiḥ || iti puṣpam || oṃ pāśāya namaḥ, iti sampūjya,— pāśa tvaṃ nāgarūpo'si viṣapūrṇo viṣodaraḥ | śatrūṇāṃ duḥsaho nityaṃ nāgapāśa namo'stu te || iti puṣpam || oṃ aṅkuśāya namaḥ, iti sampūjya,— aṅkuśo'si namastubhyaṃ gajānāṃ niyamaḥ sadā | lokānāṃ sarvvarakṣārthaṃ vidhṛtaḥ pārvvatītare || iti puṣpam || oṃ ghaṇṭāyai namaḥ, iti sampūjya,— hinasti daityatejāṃsi svanenāpūryya yā jagat | sā ghaṇṭā pātu no devi pāpebhyo'naḥ sutāniva || iti puṣpam || oṃ paraśave namaḥ, iti sampūjya,— paraśo tvaṃ mahātīkṣṇaḥ sarvvadevārisūdanaḥ | devīhastasthito nityaṃ śatrukṣaya namo'stute || iti puṣpam || sarvvāyudhānāṃ śreṣṭhāni yāni yāni tripiṣṭape | tāni tāni dadhatyai te caṇḍikāyai namo'mbike || hrīm̐ śrīm̐ durgāyai sarvvāyudhadhāriṇyai namaḥ | iti devyai puṣpāñjaliṃ dadyāt |

5.p95.2

tataḥ,— oṃ kirīṭādibhyo devyaṅgapratyaṅgabhūṣaṇebhyo namaḥ | ityekatra pūjayet | oṃ vajranakhadaṃṣṭrāyudhāya mahāsiṃhāya oṃ phaṭ namaḥ | dūti mantreṇa siṃhaṃ pādyādibhiḥ pūjayet | āsanañcāsi bhūtānāṃ nānālaṅkārabhūṣitam | meruśṭaṅgapratīkāśa siṃhāsana namo'stu te || oṃ mahāsiṃhāya namaḥ | tato mahiṣāsurāya namaḥ, - iti mahiṣaṃ devyagre pūjayet | kālikāpurāṇe mahiṣāsuravaradāne, - mama pravarttate pūjā yatra yatra ca tatra te | pūjyaścinyaśca tatraiva kālo'yaṃ tava dānava || matsyapurāṇe daśadevatāpūjoktā, tāstu koṭiyoginīpūjayaiva pūjitā dūti na pṛthak pūjyāḥ | kālikāpurāṇe kāmākhyāpūjāprakaraṇe, - vaṭukacatuṣṭayāṣṭakṣetrapāla-navabhairavapūjoktā, atastānapi kecit pūjayanti | omityanena mantreṇa pūrvvādau pūjayet kramāt | siddhaputraṃ dānaputraṃ tathā sahajaputrakam || śeṣaṃ samayaputrañca pūjayedvaṭukā nimān || oṃ auṃ siddhaputravaṭukāya namaḥ, - ityādi | pūjayet kṣetrapālāṃśca madhye kiñjalkapatrayoḥ | hetukaṃ tripuraghnañca agnijihvaṃ tathaiva ca || agnivetālasaṃjñañca kālañcātha karālakam | ekapādaṃ bhīmanāthamuttarādikrameṇa tu || maṇḍalasya caturdikṣu dvau dvau madhye ca pūjayet | asitāṅgo ruruścaṇḍaḥ krodhonmattau bhayaṅkaraḥ || kapālī bhīṣaṇaścaiva saṃhārī nava bhairavāḥ || asitāṅgāya bhairavāya namaḥ,– ityādi || || atha lokapālapūjā || maṇḍalavāhye caturdikṣu,– indrāya savajrāya savāhanaparivārāya namaḥ | agnaye saśaktaye savāhanaparivārāya namaḥ | yamāya sadaṇḍāya savāhanaparivārāya namaḥ | nairṛtāya sakhaṅgāya savāhanaparivārāya namaḥ |

5.p95.3

varuṇāya sapāśāya savāhanaparivārāya namaḥ | vāyave sāṅkuśāya savāhanaparivārāya namaḥ | somāya sagadāya savāhanaparivārāya namaḥ | īśānāya saśūlāya savāhanaparivārāya namaḥ | nirkṛtivaruṇayormadhye,– anantāya sacakrāya savāhanaparivārāya namaḥ | indreśānayormadhye,– brahmaṇe sapadmāya savāhanaparivārāya namaḥ || || tato balidānam || baliṃ snāpayitvā lohitamālyena veṣṭayitvā prokṣayet | oṃ agniḥ paśūrāsīttenāyajanta sa etallokamajayadyasminnagniḥ sa te loko bhaviṣyati taṃ jeṣyasi pivaitāapaḥ | vāyuḥ paśurāsīttenāyajanta sa etallokamajayattasmin vāyuḥ sa te loko bhaviṣyati taṃ jeṣyasi pibaitā apaḥ| sūryyaḥ paśurāsīttenāyajanta sa etallokamajayattasmin sūryyaḥ sa te loko bhaviṣyati taṃ jeṣyasi pibaitā apaḥ| oṃ vācante śundhāmi, prāṇante śundhāmi, cakṣuste śundhāmi, śrotrante śundhāmi, nābhante śundhāmi, meḍhrante śundhāmi, pāyante śundhāmi, 1caritrante śundhāmi| oṃ manasta-āpyāyatāṃ, vākca āpyāyatāṃ, prāṇasta-āpyāyatāṃ, cakṣusta-āpyāyatāṃ, śrotranta-āpyāyatāṃ, yatte krūraṃ yadā sthitaṃ tattaāpyāyatāṃ| tatte niṣṭhāsystem/user boundarytā tatte śudhyatu mahobhyaḥ || iti saṃprokṣya pādyārghyācamanīyagandhapuṣpaiḥ pūjayet || tato devīṃ mūlamantreṇa puṣpāñjalitrayeṇa pūjayet || uttarābhimukho bhūtvā baliṃ pūrvvamukhaṃ tathā| nirīkṣya sādhakaḥ paścādimaṃ mantramudīrayet || chāga tvaṃ balirūpeṇa mama bhāgyādupasthitaḥ| praṇamāmi tataḥ sarvvarūpiṇaṃ2 balirūpiṇam || caṇḍikāprītidānena dāturāpaddināśana| vaiṣṇavībalirūpāya bale tubhyaṃ namo'stu te ||

5.p95.4

yajñārthe paśavaḥ sṛṣṭāḥ svayameva svayambhuvā

Linked texts (5)