[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Legal Digests](https://indike.org/pramana/in.niti.dharma.nibandha) › [Digests of religious duties](https://indike.org/pramana/in.niti.dharma.nibandha.krtya) › [Krityamaharnava](https://indike.org/pramana/in.niti.dharma.nibandha.krtya.krtyamaharnava) › 1.p284 # Krityamaharnava 1.p284 Kṛtyamahārṇava 1.p284 - **Language:** Sanskrit ### [1.p284](https://indike.org/pramana/in.niti.dharma.nibandha.krtya.krtyamaharnava.1.p284) vāmane–"māsi bhādrapade dadyāt pāyasaṃ madhusarpiṣām| hṛṣīkeśaprīṇanārtham lavaṇaṃ saguḍodanam"|| grahaṇamadhikṛtya devīpurāṇe - bhādre ca gaṇḍakī puṇyā| skānde – "yastu bhādrapade māsi ekabhuktaṃ samācaret| sa tena karmaṇā devyo dhanavānabhijāyate"|| devya iti sambodhanam| viṣṇudharmottare - kārttikaṃ sumahatphalamityadhikṛtya "prauṣṭhapade tathā māsi pradānātphāṇitasya ca" phāṇitam-khaṇḍasaruketi prasiddhā| bhārate'prauṣṭhapadyāntu yo māsamekāhāro bhavennaraḥ| gavāḍhyaṃ sphītakamalamaiśvaryyaṃ pratipadyate"|| brāhme - sūryyasya siṃhasaṃkrāntyāmantaḥ kaliyugasya tu| yugādyeṣu yugānteṣu śrāddhamakṣayamucyate"|| atha kṛṣṇādikrameṇa bhādrakṛṣṇāṣṭamyāṃ vratāni| bhaviṣye - "siṃharāśigate sūrye gagane jaladākule| māsi bhādrapade'ṣṭamyāṃ kṛṣṇapakṣorddharātrike|| śaśāṅke 'ṣṭamarāśisthe nakṣatre rohiṇīyute| vasudevena devakyāmahaṃ jāto janaḥ svayam|| bhagavatyāśca tatraiva kuruśreṣṭha mahotsavaḥ - [Previous: 1.p283](https://indike.org/pramana/in.niti.dharma.nibandha.krtya.krtyamaharnava.1.p283) - [Next: 1.p285](https://indike.org/pramana/in.niti.dharma.nibandha.krtya.krtyamaharnava.1.p285) - [Up: 1](https://indike.org/pramana/in.niti.dharma.nibandha.krtya.krtyamaharnava.1) ## Linked texts (3) - [Gadādharapaddhati](https://indike.org/pramana/in.niti.dharma.nibandha.mahanibandha.gadadharapaddhati.2.p42) — Gadādhara Rājaguru 1725, Sanskrit - [Gūḍhārthadīpikā](https://indike.org/pramana/in.niti.dharma.nibandha.nirnaya.gudharthadipika.1.p106) — Vāmadeva, Sanskrit - [Kṛtyatattvārṇava](https://indike.org/pramana/in.niti.dharma.kala.mithila_bengal.krtyatattvarnava.3.p241) — Śrīnātha, Sanskrit --- Source: [https://indike.org/pramana/in.niti.dharma.nibandha.krtya.krtyamaharnava.1.p284](https://indike.org/pramana/in.niti.dharma.nibandha.krtya.krtyamaharnava.1.p284) · Pramāṇa