[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Legal Digests](https://indike.org/pramana/in.niti.dharma.nibandha) › [Digests of religious duties](https://indike.org/pramana/in.niti.dharma.nibandha.krtya) › [Krityasarasamuccaya (Amritanatha Jha Sharman)](https://indike.org/pramana/in.niti.dharma.nibandha.krtya.krtyasarasamuccaya) › 2.p57 # Krityasarasamuccaya (Amritanatha Jha Sharman) 2.p57 Kṛtyasārasamuccaya (Amṛtanātha Jhā Śarman) 2.p57 - **Language:** Sanskrit ### [2.p57](https://indike.org/pramana/in.niti.dharma.nibandha.krtya.krtyasarasamuccaya.2.p57) nāradopi--'bhadrāyāṃ gokulakrīḍā sa deśo vai vinaśyati' | bhadrāyāṃ dvitīyāyutāyām | etacca dvitīyadine candradarśanasambhāvanāyām | ata eva purāṇasamuccaye'pi | gavāṃ krīḍādine yatra rātrau dṛśyeta candramāḥ | somo rājā paśūn hanti surabhīpūjakāṃstathā || iti | pratipaduttaraṃ sūryāstamanakālaparyantaṃ ṣaṇmuhūrttānnyūnā (1) yadi dvitīyā tadā candradarśanasambhāvanā sarvasammatā, atra yadā pratipadi ṣaṇmuhūrttavyāpinī dvitīyā tatra candradarśanasambhāvanā (2) gokrīḍanaṃ na kāryamiti tithinirṇayaḥ | ṭhakkurairapi 'yā kuhū'rityādi pūrvavacanānyabhidhāya ete vidhipratiṣedhāḥ pūrvadine pratipadaḥ sāyāhnavyāpitve dvitīyadine candradarśanasambhave ca jñeyāḥ | dinadvaye sāyāhnavyāpitve paraiva grāhyetyabhihitam | evaṃ ca dvitīyadine yadi pratipaduttaraṃ sūryāstamanakālaparyantaṃ ṣaṇmuhūrttanyūnaiva dvitīyā tadā candradarśanasambhāvanāyā abhāvāt dvitīyāyutaiva grāhyā | tatreva purāṇasamuccayaḥvarddhamānatithau nandā yadā sārddhatriyāmikā | dvitīyā vṛddhagāmitvāduttarā tatra bodhyate || iti | candradarśane tu dvitīyāyutaiva grāhyeti tithinirṇayaḥ | sāyāhne holikāṃ kuryātpūrvāhṇe krīḍanaṃ gavām' || iti | pūrvāhnaḥ sārddhapraharaṃ yāvat | tathāhi tithicandrikāyāṃ-pūrvāhnaḥ praharaṃ sārddha madhyāhnaḥ praharaṃ tathā | tattṛtīyo'parāhnaḥ syātsāyāhnaśca tataḥ param || iti | kuhūḥ pratipadyutā yatra gāvastatra na pūjayet | ityādi smṛtayo'pi - [Previous: 2.p56](https://indike.org/pramana/in.niti.dharma.nibandha.krtya.krtyasarasamuccaya.2.p56) - [Next: 2.p58](https://indike.org/pramana/in.niti.dharma.nibandha.krtya.krtyasarasamuccaya.2.p58) - [Up: 2](https://indike.org/pramana/in.niti.dharma.nibandha.krtya.krtyasarasamuccaya.2) --- Source: [https://indike.org/pramana/in.niti.dharma.nibandha.krtya.krtyasarasamuccaya.2.p57](https://indike.org/pramana/in.niti.dharma.nibandha.krtya.krtyasarasamuccaya.2.p57) · Pramāṇa