[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Legal Digests](https://indike.org/pramana/in.niti.dharma.nibandha) › [Great comprehensive digests](https://indike.org/pramana/in.niti.dharma.nibandha.mahanibandha) › [Bhagavantabhaskara](https://indike.org/pramana/in.niti.dharma.nibandha.mahanibandha.bhagavantabhaskara) › 44.p29 # Bhagavantabhaskara 44.p29 Bhagavantabhāskara 44.p29 - **Language:** Sanskrit ### [44.p29](https://indike.org/pramana/in.niti.dharma.nibandha.mahanibandha.bhagavantabhaskara.44.p29) kālaśākaṃ kālikā | mahāśalkaḥ śalyakaḥ | matsyā ityanye | khaṅgo gaṇḍakaḥ | loho raktacchāgaḥ, kṛṣṇa iti hemādriḥ | lohapṛṣṭhanāmā śakunirityanye | madhu mākṣikaṃ, munyannāni nīvārādīni | tathā— munyannāni payaḥ somo māṃsaṃ yaccānupaskṛtam | akṣāralavaṇaṃ caiva prakṛtyā havirucyate || anupaskṛtamavikṛtamapratiṣiddhaṃ ca | akṣāralavaṇamūṣaramṛttikākṛtāllavaṇādbhinnam | pracetāḥ— kṛṣṇamāṣāstilāścaiva śreṣṭhāḥ syuryavaśālayaḥ | mahāyavā vrīhiyavāstathaiva ca madhūlikāḥ || kṛṣṇāḥ śvetāśca lohāśca grāhyā syuḥ śrāddhakarmaṇi | madhūlikāḥ yāvanālaviśeṣāḥ śāliviśeṣā veti hemādriḥ | atriḥ— atodhūmaṃ ca yacchāddhaṃ kṛtamapyakṛtaṃ bhavet | brahmapurāṇe— yavairvrīhitilairmāṣairgodhūmaiścaṇakaistathā | saṃtarpayetpitṝnmuddvaiḥ śyāmākaiḥ sarṣapadravaiḥ || nīvārairhariśyāmākaiḥ priyaṅgubhirathārcayet | sarṣapā gaurāḥ | mārkaṇḍeye— nīvārāḥ pauṣkarāścaiva vanyānāṃ pitṛtṛptaye | priyaṅgavaḥ kovidārā niṣpāvāścātra śobhanāḥ || pauṣkarāḥ padmabījāni | niṣpāvā vallāḥ | viṣṇudharmottare— godhūmairikṣubhirmudgaiḥ satīnaiśraṇakairapi | śrāddheṣu dattaiḥ prīyante māsamekaṃ pitāmahāḥ || satīnāḥ kalāyāḥ - [Previous: 44.p28](https://indike.org/pramana/in.niti.dharma.nibandha.mahanibandha.bhagavantabhaskara.44.p28) - [Next: 44.p30](https://indike.org/pramana/in.niti.dharma.nibandha.mahanibandha.bhagavantabhaskara.44.p30) - [Up: 44](https://indike.org/pramana/in.niti.dharma.nibandha.mahanibandha.bhagavantabhaskara.44) ## Linked texts (4) - [Brahmapurāṇa](https://indike.org/pramana/in.purana.brahma.220.154) — Vyāsa, Sanskrit - [Pracetassmṛti (fragments)](https://indike.org/pramana/in.niti.dharma.uddhrta.pracetassmrti*fragments.1.18) — Sanskrit - [Gadādharapaddhati](https://indike.org/pramana/in.niti.dharma.nibandha.mahanibandha.gadadharapaddhati.21.p121) — Gadādhara Rājaguru 1725, Sanskrit - [Śrāddhadīpa](https://indike.org/pramana/in.niti.dharma.sraddha.sraddhadipa.8.445) — Divyasiṃha Mahāpātra 1640, Sanskrit --- Source: [https://indike.org/pramana/in.niti.dharma.nibandha.mahanibandha.bhagavantabhaskara.44.p29](https://indike.org/pramana/in.niti.dharma.nibandha.mahanibandha.bhagavantabhaskara.44.p29) · Pramāṇa