[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Legal Digests](https://indike.org/pramana/in.niti.dharma.nibandha) › [Great comprehensive digests](https://indike.org/pramana/in.niti.dharma.nibandha.mahanibandha) › [Bhagavantabhaskara](https://indike.org/pramana/in.niti.dharma.nibandha.mahanibandha.bhagavantabhaskara) › 45.p3 # Bhagavantabhaskara 45.p3 Bhagavantabhāskara 45.p3 - **Language:** Sanskrit ### [45.p3](https://indike.org/pramana/in.niti.dharma.nibandha.mahanibandha.bhagavantabhaskara.45.p3) brahmāṇḍapurāṇealābhe sati bhikṣūṇāṃ bhojayeddhyāninaḥ śubhān | asambhave'pi teṣāṃ vai naiṣṭhikān brahmacāriṇaḥ || tadabhāve'pyudāsīnaṃ gṛhasthamapi bhojayet | bhikṣavo yatayaste ca tridaṇḍina eva bhojyāḥ iti hemādriḥ | atra mānaṃ tu cintyam | dhyānino vānaprasthāḥ | gāruḍe-udāsīneṣvalabdheṣu bhojyāḥ sambandhino'pi hi | mātulaśyālayājyartvik śiṣyācāryādayo'pi ca || gautamaḥ- 'śiṣyāṃścaike sagotrāṃśca bhojayedūrdhvaṃ tribhyo guṇavataḥ' cadvayena yājyasamānārṣeyagrahaṇam | manuḥ-mātāmahaṃ mātulaṃ ca svastrīyaṃ śvaśuraṃ gurum | dauhitraṃ viṭpatiṃ bandhumṛtvigyājyāṃśca bhojayet || 'viṭpatirjāmātā' iti hemādriḥ | 'atithiri'ti medhātithimādhavau | gārgyaḥnaikagotre havirdadyādyathā kanyā tathā haviḥ | abhāve hyanyagotrāṇāmekagotrāṃstu bhojayet || asamapravarābhāve samānapravarānapi || baudhāyanaḥtasmādevaṃvidhaṃ sapiṇḍamapyāśayet || iti | tatra viśeṣamāha gautamaḥ-'bhojayedūrdhvaṃ tribhyo guṇavantam' iti | atriḥ-pitā pitāmaho bhrātā putro vā'tha sapiṇḍakaḥ | na parasparamarhāḥ syurna śrāddhe ṛtvijastathā || ṛtvikputrādayo hyete sakulyā brāhmaṇāḥ smṛtāḥ | vaiśvadeve niyoktavyā yadyete guṇavattarāḥ || ityanukalpaḥ | śātātapaḥ-saṃnikṛṣṭamadhīyānaṃ brāhmaṇaṃ yastvatikramet | bhojane caiva dāne ca dahatyāsaptamaṃ kulam || bhaviṣyatpurāṇeatikrānte na doṣo'sti nirguṇaṃ prati karhicit - [Previous: 45.p2](https://indike.org/pramana/in.niti.dharma.nibandha.mahanibandha.bhagavantabhaskara.45.p2) - [Next: 45.p4](https://indike.org/pramana/in.niti.dharma.nibandha.mahanibandha.bhagavantabhaskara.45.p4) - [Up: 45](https://indike.org/pramana/in.niti.dharma.nibandha.mahanibandha.bhagavantabhaskara.45) ## Linked texts (2) - [Kūrmapurāṇa](https://indike.org/pramana/in.purana.kurma.2.21.22) — Vyāsa, Sanskrit - [Śrāddhacandrikā (Divākarabhaṭṭa)](https://indike.org/pramana/in.niti.dharma.sraddha.sraddhacandrika.2.p3) — Divākarabhaṭṭa 1655, Sanskrit --- Source: [https://indike.org/pramana/in.niti.dharma.nibandha.mahanibandha.bhagavantabhaskara.45.p3](https://indike.org/pramana/in.niti.dharma.nibandha.mahanibandha.bhagavantabhaskara.45.p3) · Pramāṇa