[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Legal Digests](https://indike.org/pramana/in.niti.dharma.nibandha) › [Great comprehensive digests](https://indike.org/pramana/in.niti.dharma.nibandha.mahanibandha) › [Cakranarayaniyanibandha](https://indike.org/pramana/in.niti.dharma.nibandha.mahanibandha.cakranarayaniyanibandha) › 1.p11 # Cakranarayaniyanibandha 1.p11 Cakranārāyaṇīyanibandha 1.p11 - **Language:** Sanskrit ### [1.p11](https://indike.org/pramana/in.niti.dharma.nibandha.mahanibandha.cakranarayaniyanibandha.1.p11) māha paiṭhīnasiḥ | pakṣadvayepi tithayastithiṃ pūrbāmathottarām | tribhirmuhūrttairvidhyanti sāmānyoyaṃ vidhiḥ smṛtaḥ | ubhayapakṣīyapratipadādyāstithayaḥ sūryodayādūrddhapravarttinībhiḥ ṣaḍbhirnāḍībhiḥ pūrvatithyā viddhāḥsyuḥ, evaṃtithyādivarttinībhiḥ ṣaḍbhireva nāḍībhirarthātsāyāhnavyāpinībhiruttaratithyāviddhāḥ syurityarthaḥ, ayañca trimuhūrttādivedha udayādūrddhampūrvatithyā astamayātmākparatidhyeti gamyate, sā tithiścāhorātraṃ yasyāmabhyudito raviḥ| varddhamānasya pakṣasya hrāsetvastamaye sthitetivacanāt | vṛddhavaśiṣṭhaḥ--yasyāṃ tithāvabhyudiyātsūryyastu trimuhūrttake| snānadānajapādibhyastāmevo pakramettithim | vaśiṣṭhaḥ--trimuhūrttā na karttavyā yā tithiḥ kṣayagāminī, trimuhūrttāpi karttavyā yā tithirvṛddhigāminī | skānde | yāṃ tithiṃ samanuprāpya yātyastaṃ padminīpatiḥ | sā tithistadine proktā trimuhūrttāpi yā bhavet | śivarahasye saurapurāṇeyāṃ prāpyāstamupaityarkaḥ sātu cettrimuhūrttikā, dharmakṛtyeṣu sarveṣu sampūrṇeti vidurbudhāḥ | kṣaye pūrvā prakarttavyā vṛddhau grāhyā tathottarā, tithestasyāstrikṣaṇāyā hrāsavṛddhī na kāraṇam | trikṣaṇāyāstrimuhūrttāyāḥ | skāndetu--tasyāstu trimuhūrttāyāiti tṛtīyaḥpakṣaḥ | atra hemādriḥ trimuhūrttāyā hrāsavṛddhayoḥ kāraṇatvaṃ pitṛkārye na punarvratopavāsādiṣu teṣu yugmāgnivākyena vyavasthākaraṇāditi pūrvavākyena saha virodhaṃ paryyahārṣīt | bhaviṣye | vratopavāsaniyame ghaṭikaikā yadā bhavet, sā tithiścāhorātraṃ pitrarthe cāparāhikī | pādme-vratopavāsaniyame ghaṭikaikā yadā bhavet, udaye sā tithirjñeyā śrāddhādāvastagāminī | vyāsaḥ-vratopavāsasnānādau ghaṭikaikā yadā bhavet, tāmeva tithimāśritya kuryātkarmāṇyatandritaḥ | baudhāyanaḥ| ādityodayavelāyāṃ yā stokāpi tithirbhavet, pūrṇā ityeva mantavyā prabhūtā nodayaṃ vineti | yadā dinadvayepyalpakarmakālavyāpinī tadodāhariṣyamāṇairvṛddhihrāsādiyākyairyugmādivākyairyathāyogyaṃ pūrvā parā vā grāhyā | atra pakṣadvaye saṃpūrṇatithisaṃpāditamiva tithisa্পর্শmātreṇāpi kṛtaṃ karma saguṇaṃ bhavatīti jñāpayitumāha devalaḥ | yāṃtithiṃ samanuprāpya udayaṃ yāti bhāskaraḥ, sā tithiḥ sakalā jñeyā snānadānajapādiṣu| viṣṇudharmottare snānadānādikarmasviti pāṭhaḥ | vyāsaḥ- - [Previous: 1.p10](https://indike.org/pramana/in.niti.dharma.nibandha.mahanibandha.cakranarayaniyanibandha.1.p10) - [Next: 1.p12](https://indike.org/pramana/in.niti.dharma.nibandha.mahanibandha.cakranarayaniyanibandha.1.p12) - [Up: 1](https://indike.org/pramana/in.niti.dharma.nibandha.mahanibandha.cakranarayaniyanibandha.1) ## Linked texts (5) - [Devalasmṛti (fragments)](https://indike.org/pramana/in.niti.dharma.upasmrti.devala*fragments.5.1) — Sanskrit - [Paiṭhīnasidharmasūtra (fragments)](https://indike.org/pramana/in.vedanga.kalpa.dharma.paithinasi*fragments.5.1) — Sanskrit - [Gadādharapaddhati](https://indike.org/pramana/in.niti.dharma.nibandha.mahanibandha.gadadharapaddhati.3.p9) — Gadādhara Rājaguru 1725, Sanskrit - [Kālanirṇaya (Kālamādhavīya)](https://indike.org/pramana/in.niti.dharma.nibandha.nirnaya.kalamadhaviya.6.p4) — Mādhava, Sanskrit - [Smṛtisāroddhāra](https://indike.org/pramana/in.niti.dharma.nibandha.smrtisamgraha.smrtisaroddhara.1.p11) — Nārāyaṇa, Sanskrit --- Source: [https://indike.org/pramana/in.niti.dharma.nibandha.mahanibandha.cakranarayaniyanibandha.1.p11](https://indike.org/pramana/in.niti.dharma.nibandha.mahanibandha.cakranarayaniyanibandha.1.p11) · Pramāṇa