[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Legal Digests](https://indike.org/pramana/in.niti.dharma.nibandha) › [Great comprehensive digests](https://indike.org/pramana/in.niti.dharma.nibandha.mahanibandha) › [Gadadharapaddhati](https://indike.org/pramana/in.niti.dharma.nibandha.mahanibandha.gadadharapaddhati) › 21.p184 # Gadadharapaddhati 21.p184 Gadādharapaddhati 21.p184 - **Language:** Sanskrit ### [21.p184](https://indike.org/pramana/in.niti.dharma.nibandha.mahanibandha.gadadharapaddhati.21.p184) atha śrāddhottarakarmma | devalaḥ,–nivṛtte pitṛmedhe tu dīpaṃ pracchādya pāṇinā | ācamya hastau prakṣālya jñātīn śeṣeṇa bhojayet || tato jñātiṣu tṛpteṣu svān bhṛtyān pratipūjayet | ekoddiṣṭe tu śeṣaṃ tat brāhmaṇebhyaḥ samutsṛjet || tataḥ svayaṃ tadbhuñjīta punarbheājanavarjanam || pracchādya, nirvāpya | yamaḥ,– jñātibhyaḥ satkṛtaṃ datvā bāndhavānapi bhojayet | bṛhaspatiḥ,– evaṃ devān pitṝn tāṃśca tarpayitvā vidhānataḥ | putrabhṛtyādisahito gṛhastho bhoktumarhati || śrotriyā bhojanīyāḥ syu nava sapta trayodaśa | jñātayo bāndhavā niḥsvāstathaivātithayaḥ pare || pradadyāt dakṣiṇāṃ teṣāṃ sarveṣāmanurūpataḥ | śātātapaḥ,– śeṣamannamanujñātaṃ bhuñjīta tadanantaram | dṛṣṭaiḥ sāīṃ tu vidhivat buddhimān susamāhitaḥ || brāhme,– bhaginyo bāndhavāḥ pūjyāḥ śrāddheṣu ca sadaiva hi | vandimāgadhasūtāśca tauryyatrikavidastathā || alabhyalābhāḥ śrāddheṣu nāśayanti mahadyaśaḥ | tasmānte'pi vibhaktavyāḥ sakalañca vibhajya ca | āpastambaḥ,– “sarvataḥ samupādāya grāsāvarārddhaṃ prāśnīyāt yathoktaṃ”| grāsāvarārddhaṃ grāsādūnaṃ | yathoktaṃ gṛhyoktaṃ | caturthyādinavaśrāddhādiṣu na śeṣabhojanam | na ca śrāddheṣu yacchiṣṭhaṃ gṛhe paryuṣitañca yat || dampatyorbhuktaśiṣṭañca na bhuñjīta kadācana || iti vijñāneśvaroddhṛtokteḥ| vaśiṣṭhaḥ,– śrāddhe nodvāsanīyāni ucchiṣṭānyādinakṣayāt | dyotante vai sudhādhārāstāḥ pibantyakṛtodakāḥ || ucchiṣṭaṃ na pramṛjyāddhi yāvaccāstamito raviḥ | kṣauradhārāstato yāntyanyāḥ sañcarabhāginaḥ || dyotante kṣaranti | nodvāsanīyāni bhūmiṣṭhocchiṣṭāni ityarthaḥ | “sañcarabhāgino'nyasmaidattamannaṃ sañcarati yat tat sañcaraḥ, tat ye bhuñjate dāsādayaḥ” iti kalpatarūkārāḥ | brāhme,– astaṃ yāte tataḥ sūrye vipraḥ(1) pātrāṇi cāmbhasi | nikṣipet prayato bhūtvā sarvāṇyadhomukhānyapi || dvitīye'hani sarveṣāṃ bhāṇḍānāṃ cālanaṃ tathā | anantā jāyate tṛptiḥ pitṝṇāṃ yena sarvadā || atha yajamānasya brāhmaṇānāṃ ca niyamāḥ | manudevalabṛhaspatayaḥ,– tāṃ niśāṃ brahmacārī syātśrāddhabhoktā tathaiva ca - [Previous: 21.p183](https://indike.org/pramana/in.niti.dharma.nibandha.mahanibandha.gadadharapaddhati.21.p183) - [Next: 21.p185](https://indike.org/pramana/in.niti.dharma.nibandha.mahanibandha.gadadharapaddhati.21.p185) - [Up: 21](https://indike.org/pramana/in.niti.dharma.nibandha.mahanibandha.gadadharapaddhati.21) ## Linked texts (7) - [Mānava Dharmaśāstra](https://indike.org/pramana/in.niti.dharma.manu.3.264) — Manu & Bhṛgu, Sanskrit - [Devalasmṛti (fragments)](https://indike.org/pramana/in.niti.dharma.upasmrti.devala*fragments.6.3) — Sanskrit - [Bārhaspatyasaṃhitā (Aṅgiras)](https://indike.org/pramana/in.astro.samhita.rsi.barhaspatyasamhita.31.137) — Aṅgiras, Sanskrit - [Śrāddhakaumudī](https://indike.org/pramana/in.niti.dharma.sraddha.mithila_bengal.sraddhakaumudi.6.p14) — Govindānanda 1500, Sanskrit - [Kālasāra](https://indike.org/pramana/in.astro.muhurta.kala.kalasara.18.p195) — Nārāyaṇa Jyotirvit, Sanskrit - [Kālasāra](https://indike.org/pramana/in.niti.dharma.kala.kalasara.18.p195) — Gadādhara (Pāraskara commentator), Sanskrit - [Śrāddhadīpa](https://indike.org/pramana/in.niti.dharma.sraddha.sraddhadipa.8.553) — Divyasiṃha Mahāpātra 1640, Sanskrit --- Source: [https://indike.org/pramana/in.niti.dharma.nibandha.mahanibandha.gadadharapaddhati.21.p184](https://indike.org/pramana/in.niti.dharma.nibandha.mahanibandha.gadadharapaddhati.21.p184) · Pramāṇa