[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Legal Digests](https://indike.org/pramana/in.niti.dharma.nibandha) › [Great comprehensive digests](https://indike.org/pramana/in.niti.dharma.nibandha.mahanibandha) › [Gadadharapaddhati](https://indike.org/pramana/in.niti.dharma.nibandha.mahanibandha.gadadharapaddhati) › 21.p88 # Gadadharapaddhati 21.p88 Gadādharapaddhati 21.p88 - **Language:** Sanskrit ### [21.p88](https://indike.org/pramana/in.niti.dharma.nibandha.mahanibandha.gadadharapaddhati.21.p88) brāhme, - yatistridaṇḍaḥ karaṇī rājataṃ pātrameva ca | dauhitraṃ kutapaḥ kālacchāgaḥ kṛṣṇājinaṃ tathā || gaurāḥ kṛṣṇāstathāraṇyāstathaivaṃ trividhāstilāḥ | pitṝṇāṃ tṛptaye sṛṣṭā darbhaite brahmaṇā svayam || tathā, - darbhairmantraistilairhemnā rajatena vinā jalam | dattaṃ haranti rakṣāṃsi tasmāddadyānna kevalam || mātsye, - madhyāhnaḥ khaṅgapātrañca yacca nepālakambalaḥ | rūpyaṃ darbhāstilācchāgo dauhitraścāṣṭamaḥ smṛtaḥ || pāpaṃ kutsitamityāhustasya santāpakāriṇaḥ | aṣṭāvete yatastasmāt kutapā iti viśrutāḥ || iti | atha śrāddhakāle ātithyavicāraḥ | yamaḥ, - bhikṣuko brahmacārī ca bhojanārthamupasthitaḥ | upaviṣṭeṣvanuprāptaḥ kāmaṃ tamapi bhojayet || yasya vai yajamānasya nāgne bhuṅkte yatistathā | aniṣṭamahrutaṃ tasya harate rakṣasāṅgaṇaḥ || chāgaleyaḥ,— pūjayecchrāddhakāle'pi yatiṃ sabrahmacāriṇam | viprānuddharate pāpāt pitṝn mātṛgaṇānapi | bhuñjate yatra yatrāpi yatayo brahmacāriṇaḥ || gṛhṇanti pitaro devāḥ sa yāti paramāṅgatim | arcayanti ca dātāraṃ putrān dārān pitṝṃstathā || tasmātsarvaprayatnena arccayedagramāgatam | alābhe (1)dhyānibhikṣūṇāṃ bhojayedbrahmacāriṇam || tadabhāve'pyudāsīnaṃ gṛhasthamapi bhojayet | brahmacārisahasraistu vānaprasthaśatairapi || gṛhasthānāṃ sahasreṣu yatireko viśiṣyate | gandhamālyaphalaiścaiva bhojanaiḥ kṣīrasaṃskṛtaiḥ || saṃpūjayet yatiṃ śrāddhe pitṝṇāṃ tuṣṭikārakam | brahmacārī tapasvī ca pūjanīyo hi nityaśaḥ || tatkṛtaṃ sukṛtaṃ yasmāttasmātṣaḍbhāgamāpnuyāt | jāpyaṃ yogaśca yajñaśca yatastasmiṃstrayaṃ sthitam || tasya praṇāmaḥ pūjā ca dattaṃ bhavati cākṣayam | gṛhasthasyāśramaṃ gacchedvrahmacārī yatistathā || khādyaṃ pānaṃ phalaṃ puṣpamātmānamapi vedayat | santataṃ yogayuktānāṃ vītarāgatapasvinām - [Previous: 21.p87](https://indike.org/pramana/in.niti.dharma.nibandha.mahanibandha.gadadharapaddhati.21.p87) - [Next: 21.p89](https://indike.org/pramana/in.niti.dharma.nibandha.mahanibandha.gadadharapaddhati.21.p89) - [Up: 21](https://indike.org/pramana/in.niti.dharma.nibandha.mahanibandha.gadadharapaddhati.21) ## Linked texts (4) - [Skandamahāpurāṇa (vulgate)](https://indike.org/pramana/in.purana.skanda*vulgate.16.205.9) — Sanskrit - [Vāyupurāṇa](https://indike.org/pramana/in.purana.vayu.2.10.78) — Vyāsa, Sanskrit - [Kālasāra](https://indike.org/pramana/in.astro.muhurta.kala.kalasara.18.p84) — Nārāyaṇa Jyotirvit, Sanskrit - [Kālasāra](https://indike.org/pramana/in.niti.dharma.kala.kalasara.18.p84) — Gadādhara (Pāraskara commentator), Sanskrit --- Source: [https://indike.org/pramana/in.niti.dharma.nibandha.mahanibandha.gadadharapaddhati.21.p88](https://indike.org/pramana/in.niti.dharma.nibandha.mahanibandha.gadadharapaddhati.21.p88) · Pramāṇa