[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Legal Digests](https://indike.org/pramana/in.niti.dharma.nibandha) › [Great comprehensive digests](https://indike.org/pramana/in.niti.dharma.nibandha.mahanibandha) › [Gadadharapaddhati](https://indike.org/pramana/in.niti.dharma.nibandha.mahanibandha.gadadharapaddhati) › 3.p16.3 # Gadadharapaddhati 3.p16.3 Gadādharapaddhati 3.p16.3 - **Language:** Sanskrit ### [3.p16.3](https://indike.org/pramana/in.niti.dharma.nibandha.mahanibandha.gadadharapaddhati.3.p16.3) tatropavāsamekabhaktaṃ naktaṃ cāyācitaṃ vrataṃ | dānaṃ cādhyayanaṃ saptavidhaṃ daivakramaṃ bruve || upavāsaśabdārtho viṣṇudharme,— upāvṛttastu pāpebhyo yastu vāso guṇaiḥ sahaḥ| upavāsaḥ sa vijñeyaḥ sarvvaca bhogavarjitaḥ || tatropavāsaḥ sarvvatithiṣu vihitaḥ | nāradīye,— śuklān vā yadi vā kṛṣṇān pratipatprabhṛtīn tithīn | upoṣvaiva valiṃ datvā vidhinā hyapare'hani | brāhmaṇān bhojayitvā tu sarvvapāpaiḥ pramucyate | ityupavāsasyāhorātrasādhyatvāt sampūrṇavyāpinyāṃ na sandehaḥ| tadasambhave trisandhyavyāpinyām | tadasambhave khaṇḍatithau | tatra vākyānyudāhṛtāni| tatra śuklapakṣe amāvāsyāviddhā pratipadupoṣyā | tatrāpyaparāhṇavyāpinī mukhyā | tadasambhave sāyāhnavyāpinī grāhyā | na tu udayatrimuhūrttavyāpinī | tathā ca vyāsaḥ,— pratipatsaiva vijñeyā yā bhavedāparāhikī | daivaṃ karma tathā jñeyaṃ pitryaṃ vā manurabravīt || paiṭhīnasiḥ,— pañcamī saptamī caiva daśamī ca trayodaśī | pratipannavamī caiva karttavyā sammukhī tithiḥ || sammukhīlakṣaṇaṃ skānde,— sammukhī nāma sāyāhnavyāpinī dṛśyate yadā | pratipatsammukhī kāryyā yā bhavedāparāhikī || nigamoktirapi,— yugmāgniyugabhūtānāṃ ṣaṇmunyorvasurandhrayoḥ | rudreṇa dvādaśī yuktā caturdaśyā ca pūrṇimā || pratipadyapyamāvāsyā tithyoryugmaṃ mahāphalam | etadvyastaṃ mahāghoraṃ hanti puṇyaṃ purā kṛtam || yugmaṃ dvitīyā | agnistṛtīyā | yugaṃ caturthī | bhūtaṃ pañcamī | ṣaṭ ṣaṣṭhī| muniḥ saptamī| vasuḥ aṣṭamī| randhraṃ navamī| rudraḥ ekādaśī | atra dvitīyādisaptayugmeṣu pūrvatithiḥ uttaraviddhā grāhyā| uttarā tu pūrvaviddhetyarthaḥ | - [Previous: 3.p16.2](https://indike.org/pramana/in.niti.dharma.nibandha.mahanibandha.gadadharapaddhati.3.p16.2) - [Next: 3.p16.4](https://indike.org/pramana/in.niti.dharma.nibandha.mahanibandha.gadadharapaddhati.3.p16.4) - [Up: 3.p16](https://indike.org/pramana/in.niti.dharma.nibandha.mahanibandha.gadadharapaddhati.3.p16) ## Linked texts (7) - [Garuḍapurāṇa](https://indike.org/pramana/in.purana.garuda.1.52.16) — Vyāsa, Sanskrit - [Paiṭhīnasidharmasūtra (fragments)](https://indike.org/pramana/in.vedanga.kalpa.dharma.paithinasi*fragments.5.2) — Sanskrit - [Kālasāra](https://indike.org/pramana/in.astro.muhurta.kala.kalasara.5.p10) — Nārāyaṇa Jyotirvit, Sanskrit - [Kālasāra](https://indike.org/pramana/in.niti.dharma.kala.kalasara.5.p10) — Gadādhara (Pāraskara commentator), Sanskrit - [Kālanirṇaya (Kālamādhavīya)](https://indike.org/pramana/in.niti.dharma.nibandha.nirnaya.kalamadhaviya.4.p21) — Mādhava, Sanskrit - [Kālasarvasva](https://indike.org/pramana/in.niti.dharma.kala.utkala.kalasarvasva.5.172) — Kṛṣṇanātha 1750, Sanskrit - [Kālamādhavakārikāḥ](https://indike.org/pramana/in.niti.dharma.kala.samksepa.kalamadhavakarikah.32) — Mādhava Bhaṭṭa, Sanskrit --- Source: [https://indike.org/pramana/in.niti.dharma.nibandha.mahanibandha.gadadharapaddhati.3.p16.3](https://indike.org/pramana/in.niti.dharma.nibandha.mahanibandha.gadadharapaddhati.3.p16.3) · Pramāṇa