[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Legal Digests](https://indike.org/pramana/in.niti.dharma.nibandha) › [Great comprehensive digests](https://indike.org/pramana/in.niti.dharma.nibandha.mahanibandha) › [Jayasimhakalpadruma](https://indike.org/pramana/in.niti.dharma.nibandha.mahanibandha.jayasimhakalpadruma) › 10.p38.2 # Jayasimhakalpadruma 10.p38.2 Jayasīṃhakalpadruma 10.p38.2 - **Language:** Sanskrit ### [10.p38.2](https://indike.org/pramana/in.niti.dharma.nibandha.mahanibandha.jayasimhakalpadruma.10.p38.2) yattu-‘trimuhūrtaḥ pradoṣaḥ syādravāvastaṃ gate sati |' iti skandapurāṇavacanaṃ tadgauṇapradoṣakālaparam | viśvādarśoktavākyopāttaghaṭikātrayātmakamukhyakālādhikakālabodhakatvāt| ata eva mādhavācāryā api naktaprakaraṇe rātribhojane ghaṭikātrayamuttamaḥ kālaḥ | ghaṭīṣaṭkaṃ madhyamaḥ kālaḥ | etadevābhipretya vacanaṃ smaryate pradoṣo'stamayādūrdhvamiti trimuhūrtaḥ pradoṣaḥ syāditi ca | niśīthaparyanto jaghanyaḥ kālaḥ naktaṃ prakurvīta rātrāviti sāmānyenābhidhānāt iti | śivapūjānaktabhojanātmakaṃ pradoṣavratam | atra pradoṣavyāpinī trayodaśī grāhyā | tathā ca skandapurāṇe-‘ekavatsaraparyantaṃ pratipakṣe trayodaśīm | pradoṣe śivamabhyarcya naktaṃ bhokṣyāmi śaṃkara |' iti | pūjārambhakālo'pi tatraiva-‘tatastu lohite bhānau snātvā saniyamo vratī | pūjāsthānaṃ tato gatvā pradoṣe śivamarcayet |' brahmottarakhaṇḍe tu ghaṭikātrayamastamayātpūrvvaḥ kālaḥ uktaḥ | ‘pakṣadvayatrayodaśyāṃ nirāhāro bhaveddivā | ghaṭikātrayādastamayātpūrvvaṃ snānaṃ samācaret |' iti | mukhyamupakramaḥ | pūjākālastu sūryāstāddinakṣatrodyāntaḥ | ‘pradoṣo rajanīmukham ' iti koṣabalāt | kaiścittu trimuhūrttātmaka eva mukhyaḥ pradoṣakālaḥ svīkṛtaḥ | teṣāṃ mate mādhavokta uttamamadhyamavibhāgo'nupapannaḥ, dvayorapi mukhyakālatvasvīkārāt | tatrānyataradine vyāghyaitatsparśaṃ vā saiva grāhyā | dinadvaye sāmyena pradoṣavyāptau tadekadeśasparśe vā uttarā | ‘prātaḥsaṃkalpayedvidvānupavāsavratādikam |' iti saṃkalpakālamārabhya sattvāt | dinadvaye pradoṣavyāptyabhāve tu pūjopakramakālavyāpinī grāhyā | - [Previous: 10.p38.1](https://indike.org/pramana/in.niti.dharma.nibandha.mahanibandha.jayasimhakalpadruma.10.p38.1) - [Next: 10.p38.3](https://indike.org/pramana/in.niti.dharma.nibandha.mahanibandha.jayasimhakalpadruma.10.p38.3) - [Up: 10.p38](https://indike.org/pramana/in.niti.dharma.nibandha.mahanibandha.jayasimhakalpadruma.10.p38) ## Linked texts (2) - [Pratāpārka](https://indike.org/pramana/in.niti.dharma.nibandha.mahanibandha.prataparka.12.p30) — Viśveśvarabhaṭṭa 1766, Sanskrit - [Kālatattvavivecana](https://indike.org/pramana/in.niti.dharma.kala.kalatattvavivecana.9.p3) — Raghunātha Vājapeyin 1595, Sanskrit --- Source: [https://indike.org/pramana/in.niti.dharma.nibandha.mahanibandha.jayasimhakalpadruma.10.p38.2](https://indike.org/pramana/in.niti.dharma.nibandha.mahanibandha.jayasimhakalpadruma.10.p38.2) · Pramāṇa