[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Legal Digests](https://indike.org/pramana/in.niti.dharma.nibandha) › [Great comprehensive digests](https://indike.org/pramana/in.niti.dharma.nibandha.mahanibandha) › [Jayasimhakalpadruma](https://indike.org/pramana/in.niti.dharma.nibandha.mahanibandha.jayasimhakalpadruma) › 3.p14 # Jayasimhakalpadruma 3.p14 Jayasīṃhakalpadruma 3.p14 - **Language:** Sanskrit ### [3.p14](https://indike.org/pramana/in.niti.dharma.nibandha.mahanibandha.jayasimhakalpadruma.3.p14) athāśvinaśuklapratipattithikṛtyāni | āśvinaśuklapratipadyācārājjīvatpitṛkeṇa dauhitreṇa mahālayāparapakṣanimittakaṃ mātāmahaśrāddhaṃ kāryam | taduktaṃ hemādrau saṃgrahe ca—'jātamātro'pi dauhitro vidyamāne'pi mātule | kuryānmātāmahaśrāddhaṃ pratipadyāśvine site|' iti | iyaṃ saṅgavavyāpinī grāhyeti nirṇayadīpe uktam—'pratipadyāśvine śukle dauhitrastvekapārvaṇam | śrāddhaṃ mātāmahaṃ kuryātsapitā saṃgave saṃti | jātamātro'pi dauhitro jīvatyapi ca mātule | prātaḥsaṃgavayorramadhye āryasya pratipadbhavet | 'ityādivacanācca | jātamātraḥ adhikārī jāta ityarthaḥ jāyamāno ha vai brāhmaṇavat | na tūtpannamātraḥ | tadānīṃ tasyānupanītatvenānadhikārāt, śāstrasya copanītādhikārikatvāt | etacca vacanaṃ nirmūlamiti sarvanibandhakārāḥ | tena pārvaṇaśrāddhatvādyatrāparāhnavyāpinī grāhyā | atra ca sapatnīkānāṃ mātāmahānāṃ devatātvaṃ draṣṭavyam | amāvāsyāśrāddhāntargatamātāmahapārvaṇavaddihāpi satyapi pitṛpārvaṇavikṛtitve sapatnīkatvaguṇālambhakasya pramāṇasya 'svabhartṛpiṇḍamātrābhyastṛptirāsāṃ yataḥ smṛtā' ityasyānena pratibandhāsaṃbhavāt | idaṃ ca malamāse na kāryam 'spaṣṭamāsaviśeṣākhyāvihitaṃ varjayenmale |' iti niṣedhāt | idaṃ ca jīvatpitṛkeṇaiva kāryamiti śiṣṭāḥ | idaṃ ca śiṣṭācārātsapiṇḍaṃ kāryamiti kecit piṇḍarahitaṃ tu yuktaṃ jīvatpitṛkasya | ' muṇḍanaṃ piṇḍadānaṃ ca pretakarma ca sarvaśaḥ | na jīvatpitṛkaḥ kuryādgarbhiṇīpatireva ca |' iti dakṣeṇa piṇḍaniṣedhāt | ānvaṣṭakyavadviśeṣavacanābhāvācceti kecit | anye tu na jīvatpitṛkaṃ prati piṇḍadānamātramanena niṣidhyate | kiṃ tu 'darśaśrāddhaṃ gayāśrāddhaṃ śrāddhaṃ cāparapākṣikam| na jīvatpitṛkaḥ kuryāttilaiḥ kṛṣṇaiśca tarpaṇam| pitryaṃ jīvatpiturnaiṣṭam' ityādivacanaikavākyatayā śrāddhameva niṣidhyate | athavā śrāddhābhāve'pi 'yannāmnā pātayetpiṇḍaṃ taṃ nayedbrahma śāśvatam |' ityādiśāstreṇa prasaktasya piṇḍapātanasya viṣayīkaraṇena niṣedha upapadyate | evaṃ ca tatra viśeṣavacanaprāptaṃśrāddhaṃ sapiṇḍameva bhavatītyāhuḥ | asyāmeva pratipadi navarātravratārambhaḥ | asyāmeva prapipadi navarātravratārambhaḥ | tannirṇayastu nirṇayāmṛte devīpurāṇe-sumedhā uvāca | 'śṛṇu rājanpravakṣyāmi caṇḍikāpūjanakramam | āśvinasya site pakṣe pratipatsu śubhe dine | puṇyāhavācanaṃ kṛtvā kanyāmāvāhayettataḥ | kṛtvā svarṇamayīṃ devīṃ kalāmātrātmikāmbikām | bhairavāṣṭakasaṃ- - [Previous: 3.p13.4](https://indike.org/pramana/in.niti.dharma.nibandha.mahanibandha.jayasimhakalpadruma.3.p13.4) - [Next: 3.p15.1](https://indike.org/pramana/in.niti.dharma.nibandha.mahanibandha.jayasimhakalpadruma.3.p15.1) - [Up: 3](https://indike.org/pramana/in.niti.dharma.nibandha.mahanibandha.jayasimhakalpadruma.3) ## Linked texts (2) - [Pratāpārka](https://indike.org/pramana/in.niti.dharma.nibandha.mahanibandha.prataparka.2.p97) — Viśveśvarabhaṭṭa 1766, Sanskrit - [Nirṇayasindhu](https://indike.org/pramana/in.niti.dharma.nibandha.nirnaya.nirnayasindhu.14.2-9.p1) — Kamalākarabhaṭṭa 1612, Sanskrit --- Source: [https://indike.org/pramana/in.niti.dharma.nibandha.mahanibandha.jayasimhakalpadruma.3.p14](https://indike.org/pramana/in.niti.dharma.nibandha.mahanibandha.jayasimhakalpadruma.3.p14) · Pramāṇa