[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Legal Digests](https://indike.org/pramana/in.niti.dharma.nibandha) › [Great comprehensive digests](https://indike.org/pramana/in.niti.dharma.nibandha.mahanibandha) › [Jayasimhakalpadruma](https://indike.org/pramana/in.niti.dharma.nibandha.mahanibandha.jayasimhakalpadruma) › 4.p27 # Jayasimhakalpadruma 4.p27 Jayasīṃhakalpadruma 4.p27 - **Language:** Sanskrit ### [4.p27](https://indike.org/pramana/in.niti.dharma.nibandha.mahanibandha.jayasimhakalpadruma.4.p27) tatrādau śuklakṛṣṇabhedena tṛtīyādhyānam | 'tṛtīyā vṛṣagā gaurī śūlapātradharā matā | tṛtīyā tarkṣyagā nīlā śaṃkhapātradharā dvidaḥ |' iti | rambhāvyatiriktā tṛtīyā caturthīyutaivopavāsādiṣu grāhyā | 'ekādaśyaṣṭamī ṣaṣṭhī paurṇamāsī caturdaśī | amāvāsyā tṛtīyā ca tā upoṣyāḥ parānvitāḥ |' iti viṣṇudharmottaravacanāt|yugmavākyaṃ rambhāvrataviṣayam|‘rambhākhyāṃ varjayitvā tu tṛtīyāṃ dvijasattama|anyeṣu sarvakāryeṣu gaṇayuktā praśasyate |' iti brahmavaivartāt|gaṇayuktā caturthīyuktā|āpastambo'pi-‘caturthīsaṃyutā yā ca sā tṛtīyā phalapradā|avaidhavyakarī strīṇāṃ putrasaubhāgyadāyinī|' iti|dvitīyāvedhaniṣedho brahmavaivarte-‘dvitīyāśeṣasaṃyuktāṃ yā karoti vimohitā|sā vaidhavyamavāpnoti pravadanti manīṣiṇaḥ|'dīpikāyāmapi-‘rambhāṃ vihāyeāttarastṛtīyām' ityādi|ayaṃ ca dvitīyāvedhaḥ svalpo'pi gaurīvrateṣu tyājyo na muhūrtatrayaparimita eva | ata eva madanaratne skandapurāṇe-‘kalākāṣṭhāpi vā caiva dvitīyā saṃpradṛśyate|sā tṛtīyā na kartavyā kartavyā gaṇasaṃyutā|' iti | tenaiteṣu gaurīvrateṣu uttaradine svalpāpi tṛtīyā grāhyā na trimuhūrtatvakarmakālavyāpitvādyādaraḥ | ‘muhūrtamātrasattve'pi dine gaurīvrataṃ pare | śuddhādhikāyāmapyevaṃ gaṇayogapraśaṃsanāt |' iti mādhavavacanāt | yadā tūttaradine svalpāpi na labhyate tadā dvitīyāviddhāpi grāhyā | tathā ca vṛddhavasiṣṭhaḥ-‘ekādaśī tṛtīyā ca ṣaṣṭhī caiva trayodaśī | pūrvaviddhā tu kartavyā yadi na syātpare'hani |' iti | rambhāvrataviṣaye tu pūrvaiva grāhyā | ‘kṛṣṇāṣṭamī bṛhattapā sāvitrī vaṭapaiṭrikī | anaṅgatayodaśī rambhā upoṣyāḥ pūrvasaṃyutāḥ |' iti nigamavacanāt | iti tṛtīyānirṇayaḥ - [Previous: 4.p26](https://indike.org/pramana/in.niti.dharma.nibandha.mahanibandha.jayasimhakalpadruma.4.p26) - [Next: 4.p28](https://indike.org/pramana/in.niti.dharma.nibandha.mahanibandha.jayasimhakalpadruma.4.p28) - [Up: 4](https://indike.org/pramana/in.niti.dharma.nibandha.mahanibandha.jayasimhakalpadruma.4) ## Linked texts (2) - [Pratāpārka](https://indike.org/pramana/in.niti.dharma.nibandha.mahanibandha.prataparka.4.p50) — Viśveśvarabhaṭṭa 1766, Sanskrit - [Kṛtyatattvārṇava](https://indike.org/pramana/in.niti.dharma.kala.mithila_bengal.krtyatattvarnava.2.p33) — Śrīnātha, Sanskrit --- Source: [https://indike.org/pramana/in.niti.dharma.nibandha.mahanibandha.jayasimhakalpadruma.4.p27](https://indike.org/pramana/in.niti.dharma.nibandha.mahanibandha.jayasimhakalpadruma.4.p27) · Pramāṇa