[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Legal Digests](https://indike.org/pramana/in.niti.dharma.nibandha) › [Great comprehensive digests](https://indike.org/pramana/in.niti.dharma.nibandha.mahanibandha) › [Jayasimhakalpadruma](https://indike.org/pramana/in.niti.dharma.nibandha.mahanibandha.jayasimhakalpadruma) › 4.p45 # Jayasimhakalpadruma 4.p45 Jayasīṃhakalpadruma 4.p45 - **Language:** Sanskrit ### [4.p45](https://indike.org/pramana/in.niti.dharma.nibandha.mahanibandha.jayasimhakalpadruma.4.p45) pratimāṃ tatra vinyaset | pratimāyugalaṃ tatra sthāpayitvā vidhānataḥ | vedoktena pratiṣṭhā'pi karttavyā tu yathāvidhi | pañcāmṛtena snapanaṃkṛtvādevasyacottamam | snānaṃ ca kārayetpaścāttataḥ pūjāṃ samārabhet | candanena sugandhena supuṣpaiśca prapūjayet | dhūpaṃ ca kalpayedgandhaṃ candanāgurusaṃyuktam | nānāprakāranaivedyaṃ tathā dīpaṃ ca kārayet | bhavānīṃ pūjayedbhaktyā gandhapuṣpaiḥ phalākṣataiḥ | āvāhanādi kartavyaṃ purāṇāgamasaṃbhavaiḥ | kāryā vidhānataḥ pūjā bhaktiśraddhāsamanvitaiḥ | devadeva samāgaccha prārthaye'haṃ jagatpate | imāṃ mayā kṛtāṃ pūjāṃ gṛhāṇa surasattama | evaṃ pūjā prakartavyā rātrau jāgaraṇaṃ tataḥ | gītanṛtyādisaṃyuktā kathāpustakavācanaiḥ | prātastu pūjayeddevaṃ paścāddhomaṃ ca kārayet | svagṛhyoktavidhānena kṛtvā'gnisthāpanaṃ tataḥ | prārabheta vratī homaṃ navagrahapuraḥsaram | tilāṃśca yavasaṃmiśrānājyena ca pariplutān | juhuyācchivamantreṇa śivāyāśca tataḥ param | evaṃ samāpya homaṃ tu tatrācārya prapūjayet | arghyapuṣpapradānaiśca vastrālaṃkārabhūṣaṇaiḥ | śaktyā'tha dakṣiṇāṃ dadyācchayyāṃ sopaskarāṃ tathā | dhenuṃ sadākṣiṇāṃ dadyātsuśīlāṃ ca payasvinīm | svarṇaśṛṅgīṃ raupyakhurāṃ kāṃsyadohanasaṃyutām | ratnapucchāṃ vastrayutāṃ tāmrapṛṣṭhāmalaṃkṛtām | suvarṇena samopetāmācāryāya ca sādhave | ṣoḍaśabhiḥ prakāraiśca pakkānnaiḥ prīṇayetsadā | ṣoḍaśapramitairdadyādbrāhmaṇebhyu prayatnataḥ | vaṃśapātrasthitaiḥpaścātpakvānnairāyataiḥ śubhaiḥ | anyebhyo brāhmaṇebhyaśca dakṣiṇāṃ ca prayatnataḥ | prayatnaparayā bhaktyā pradadyādvittasārataḥ | bandhubhiḥsaha bhuñjīta niyataśca pare'hani | evaṃ kṛtvā bhavetpārtha paripūrṇavratī yataḥ |' iti bhaviṣyottarapurāṇe svarṇagaurīvratodyāpanam - [Previous: 4.p44.4](https://indike.org/pramana/in.niti.dharma.nibandha.mahanibandha.jayasimhakalpadruma.4.p44.4) - [Next: 4.p46](https://indike.org/pramana/in.niti.dharma.nibandha.mahanibandha.jayasimhakalpadruma.4.p46) - [Up: 4](https://indike.org/pramana/in.niti.dharma.nibandha.mahanibandha.jayasimhakalpadruma.4) --- Source: [https://indike.org/pramana/in.niti.dharma.nibandha.mahanibandha.jayasimhakalpadruma.4.p45](https://indike.org/pramana/in.niti.dharma.nibandha.mahanibandha.jayasimhakalpadruma.4.p45) · Pramāṇa