[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Legal Digests](https://indike.org/pramana/in.niti.dharma.nibandha) › [Great comprehensive digests](https://indike.org/pramana/in.niti.dharma.nibandha.mahanibandha) › [Jayasimhakalpadruma](https://indike.org/pramana/in.niti.dharma.nibandha.mahanibandha.jayasimhakalpadruma) › 5.p25 # Jayasimhakalpadruma 5.p25 Jayasīṃhakalpadruma 5.p25 - **Language:** Sanskrit ### [5.p25](https://indike.org/pramana/in.niti.dharma.nibandha.mahanibandha.jayasimhakalpadruma.5.p25) dhyāyāṃ na kāryam | tadyogarahitāyāṃ kāryamasaṃbhave pādamātraṃ hitvā sthāpayediti nirṇayoddhāre uktam | atra bhadrādi varjayitvā jyeṣṭhāṃ nimantrayet | aparihāre yoge tu bhadrāmukhamātraṃ tyajet | saṃpūrṇā vaidhṛtiścettadā ghaṭikāḥ ṣoḍaśa dvādaśa vā tyaktāmantrayet | idaṃ vrataṃ rāṣṭreṣu prasiddham | nirṇayasindhau idaṃ ca kevalatithau kevalanakṣatre coktam | mātsye-'pratyābdikaṃ tithāvuktaṃ yajjyeṣṭhādaivataṃ vratam | pratijyeṣṭhāvrataṃ yacca vihitaṃ kevale śubhe | tithāvevācaredādyaṃ dvitīyaṃ kevalarkṣake |' iti | dākṣiṇātyāstuṛkṣa eva kurvanti | ata eva madanaratne bhaviṣye nakṣatramātra uktam | 'māsi bhādrapade pakṣe śukle jyeṣṭhā yadā bhavet | rātrau jāgaraṇaṃ kṛtvā ebhirmantraiśca pūjayet |' iti | pūjāmantro bhaviṣyottare-'putradārasamṛddhayarthaṃ lakṣmyāścaiva vivṛddhaye | alakṣmyāśca vināśāya jyeṣṭhe tvāmarcayāmyaham |' iti | anena ṣoḍaśopacāraiḥ saṃpūjya prārthanāṃ kṛtvā namaskāraṃ kuryāt | tatra mantraḥ | 'jyeṣṭhāyai te namastubhyaṃ jyeṣṭhāyai te namo namaḥ| śarvāyai te namastubhyaṃ śāṃkaryai te namo namaḥ |' iti jyeṣṭhāvratam | asyāṃ mahālakṣmīyātroktā kāśīkhaṇḍe-'mahālakṣmyaṣṭamīṃ prāpya tatra yātrā kṛtā nṛṇām | saṃpūjitāṃ hi vidhivatpadmā sadma na muñcati |' iti | śiṣṭā api ṣoḍaśadinaparyantaṃ pratyahaṃ sati saṃbhave yātrāṃ kurvanti | asyāmevāṣṭamyāṃ mahālakṣmīvratārambhaḥ kāryaḥ | taduktaṃ madanaratne skānde'māsi bhādrapade śuklapakṣe jyeṣṭhāyutāṣṭamī | prārabdhavyaṃ vrataṃ tatra mahālakṣmyā yatātmabhiḥ |' iti | purāṇasamuccaye-'śriyo'rcanaṃ bhādrapade sitāṣṭamīṃ prārabhya kanyāmagate ca sūrye | samāpayettatra tithau ca yāvatsūryastu pūrvārdhagato yuvatyā |' iti | siṃhasaṃkrāntau bhādrapadasitāṣṭamīmārabhya lakṣmyarcanamārambhaṇīyam | tatkanyāsaṃkrāntipūrvārdhe āśvinakṛṣṇāṣṭamyāṃ samāpanīyamityarthaḥ | tatraiva nirṇayāmṛte-'kanyāgatārkamārabhya kartavyaṃ na śriyo'rcanam | hastaprāntadalasthe'rke tadvrataṃ na samāpayet |' iti | idaṃ ca vrataṃ ṣoḍaśadinātmakaṃ tacca jyeṣṭhāyuktāyāmaṣṭamyāmārambhaṇīyam tadasaṃbhave kevalāyāmapi yathā ṣoḍaśadinātmakaṃ vrataṃ saṃpadyate tathā kāryam | kaustubhe tu aṣṭamyā dvaidhe yatra jyeṣṭāyoḥ gastatrārabdhavyam, tadasaṃbhave kevalāyāmapi navamīyuktāyām | śuklapakṣe'ṣṭamī caiveti śāstrājjyeṣṭhāyogasya prāśastyaka̍ratvācca | āśvinakṛṣṇāṣṭamī tu candrodayavyāpinī grāhyā tatraivārghyavidhānāt |'candrodayavrate caiva tithistātkālikī smṛtā |' iti vaca- - [Previous: 5.p24](https://indike.org/pramana/in.niti.dharma.nibandha.mahanibandha.jayasimhakalpadruma.5.p24) - [Next: 5.p26](https://indike.org/pramana/in.niti.dharma.nibandha.mahanibandha.jayasimhakalpadruma.5.p26) - [Up: 5](https://indike.org/pramana/in.niti.dharma.nibandha.mahanibandha.jayasimhakalpadruma.5) ## Linked texts (3) - [Pratāpārka](https://indike.org/pramana/in.niti.dharma.nibandha.mahanibandha.prataparka.8.p90) — Viśveśvarabhaṭṭa 1766, Sanskrit - [Tristhalīsetu (Nārāyaṇa)](https://indike.org/pramana/in.niti.dharma.tirtha.tristhali.tristhalisetu.11.p72) — Nārāyaṇa (Mahiṣamaṅgalam) 1513, Sanskrit - [Tithyarka](https://indike.org/pramana/in.niti.dharma.kala.tithi.tithyarka.2.p1.33) — Divākarabhaṭṭa 1658, Sanskrit --- Source: [https://indike.org/pramana/in.niti.dharma.nibandha.mahanibandha.jayasimhakalpadruma.5.p25](https://indike.org/pramana/in.niti.dharma.nibandha.mahanibandha.jayasimhakalpadruma.5.p25) · Pramāṇa