[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Legal Digests](https://indike.org/pramana/in.niti.dharma.nibandha) › [Great comprehensive digests](https://indike.org/pramana/in.niti.dharma.nibandha.mahanibandha) › [Madanaparijata](https://indike.org/pramana/in.niti.dharma.nibandha.mahanibandha.madanaparijata) › 10.p5 # Madanaparijata 10.p5 Madanapārijāta 10.p5 - **Language:** Sanskrit ### [10.p5.1](https://indike.org/pramana/in.niti.dharma.nibandha.mahanibandha.madanaparijata.10.p5.1) bhasmāpohānantaraṃ hastodakaṃ dattvā pātraprakṣālanaṃ kuryyāt tathā paristaraṇādikamapi dadyāt tadanantaraṃ yājñavalkyaḥ hutaśeṣaṃ pradadyāttu bhājaneṣu samāhitaḥ yathā lābhopapanneṣu raupyeṣu ca viśeṣataḥ etacca niṣiddhāyasādivyatiriktairvihitasuvarṇarajatādipātraiḥ svayaṃ bhāryyā anyo vā śuciḥ pariveṣanaṃ kuryyāt | pakvānnantu hastenaiva pakvānnādhikāre na tu dargyā kadācaneti niṣedhāt vāyupurāṇe nāpavitreṇa hastena naikena ca vinā kuśam nāpyāyase nāyasena śrāddhe tu pariveṣayet āyasapātre āyasena dargyādinā na dadyādityarthaḥ tathā tasmādantaritaṃ deyaṃ parṇenātha ṭaṇena vā pariveśanānantaram yājñavalkyaḥ idaṃ viṣṇuriti mantrānantaraṃ dvijāṅguṣṭhamātraṃ niveśya viśvedevasthāne kṣatakuśodakairannatyāgaṅkṛtvā pitṛsthāne tilodakakuśaiḥ pṛthagannatyāgaṃ vidhinā kuryyāt tadanantaraṃ yājñavalkyaḥ juṣadhvamiti vacanānantaraṃ te brāhmaṇā maunino bhūtvā bhuñjīrannityarthaḥ vaśiṣṭhaḥ ubhayoḥ śākhayoḥ ubhayorhastayoḥ madhye ekahastena yadi muktaṃ pitṛbhyo dattamannaṃ tadevāntaramavakāśe rakṣasāṃ tasmādaśūnyaṃ kuryyādityarthaḥ bharadvājaḥ pitṝṇāmannamādāya baliṃ yastu prayacchati steyena brāhmaṇestena sa sarvvasteyakṛdbhavet dattamiṣṭaṃ haviṣyañca dadyādakrodhano'tvaraḥ śrātṛptestu pavitrāṇi japtā pūrvvajapantathā apasavyena karttavyaṃ sarvvaṃ śrāddhaṃ yathāvidhi sūktastotrajapaṃ muktvā viprāṇāntu visarjanamiti annamādāya tṛptāstha śeṣañcaivānumanya ca tadannaṃ vikiredbhūtau dadyāccāpaḥ sakṛtsakṛt sarvvamannamupādāya salilaṃ dakṣiṇāmukhaḥ ### [10.p5.2](https://indike.org/pramana/in.niti.dharma.nibandha.mahanibandha.madanaparijata.10.p5.2) ucchiṣṭasannidhau piṇḍaṃ dadyāttu pitṛyajñavat‡ mātāmahānāmapyevaṃ dadyādācamanaṃ tataḥ svastivācaṃ tataḥ kuryyādakṣayyodakameva ca dattvā tu dakṣiṇāṃ śaktyā svadhākāramudāharet sarvvakarmmāpasavyena dakṣiṇādānavarjjitam vācyatāmityanujñātaḥ prakṛtebhyaḥ svadhocyatām brūyurastu svadhetyukte bhūmau siñcettato jalam viśvedevāḥ suprīyantāṃ vipraiścokta idaṃ japet dātāro no'bhivarddhantāṃ vedāḥ santatireva ca śraddhā ca no mā vyagamadbahu deyañca no'stviti ityuktāsau priyavacaḥ praṇipatya visarjjayet vājevāja+ iti prītaḥ pitṛpūrvvaṃ visarjjanam yasmiṃste saṃśravāḥ pūrvvamarghyapātre nipātitāḥ pitṛpātraṃ taduttānaṅkṛtvā viprānvisarjjayet piṇḍanirvāpaṇaṅkecitpurastādeva kurvvate śrāśvalāyanaḥ muktavatsvanācānteṣu piṇḍaṃ nidadhyādācānteṣveka iti jātūkaṇ‍rṇaḥ v‍yāmamātraṃ samutsṛjya piṇ‍ḍāṃstatra pradāpayet yatropasparśanādyāpi prāpnuvanti na vindavaḥ v‍yāsaḥ aratnimātramutsṛjya piṇ‍ḍāṃstatra pradāpayet vāyupurāṇe sakṛdevāstareddarbhān piṇ‍ḍārthaṃ dakṣiṇāmukhaḥ prāgdakṣiṇāgrānniyato dadyātpiṇ‍ḍādanantaram marīciḥ ādrāmalakamātrāṃstu piṇ‍ḍān kurvīta pārvvaṇe ekoddiṣṭe vilvamātraṃ piṇ‍ḍamekantu nirvvapet navaśrāddhe sthūlataraṃ tasmādapi tu nirvvapet tasmādapi sthūlataramāśauce prativāsaram viṣṇuḥ ucchiṣṭasannidhau dakṣiṇāgreṣu darbheṣu pṛthivī darvir‌rakṣite tyekaṃ piṇḍaṃ pitre nidadyādantarikṣaṃ darvir‌rakṣiteti dvitīyaṃ pitāmahāya dyaurdarvir‌rakṣiteti tṛtīyaṃ prapitāmahāya pitaraḥ yatra pretā iti vāsīdeyaṃ vīrānnaḥ† pitarodhatta ityatramatra pitaromādayadhvamiti darbhamūle ### [10.p5.3](https://indike.org/pramana/in.niti.dharma.nibandha.mahanibandha.madanaparijata.10.p5.3) karāvavarṣaṇānantaram | ūrjaṃ vahantītyanena sodakenāpradakṣiṇaṃ piṇḍānāṃ vikaraṇaṃ secanaṅkṛtvā'yaṃ puṣpadhūpānulepanānnāni bhakṣyabhojyāni ca nivedayediti manuḥ apasavyamagnau hutvā sarvvamāvṛtaparikramaḥ apasavyena hastena nirvvapedudakaṃ bhuvi trīṃstu tasmāḍaviḥ śeṣātpiṇḍānkṛtvā samāhitaḥ śraudakenaiva vidhinā nirvvapeddakṣiṇāmukhaḥ nyupya piṇḍāṃstatastāṃstu prayato vidhipūrvvakam teṣu darbheṣu taṃ hastaṃ nimṛjyāllepabhāginām ācamyodak parāvṛtya trirāyamya śanairasūna ṣaḍṛtūṃśca namaskuryyātpitṝneva ca mantravat manuḥ udakaṃ ninayeccheṣaṃ śanaiḥ piṇḍāntike punaḥ avajighrecca tānpiṇḍān yathā nyuptān samāhitaḥ piṇḍebhyaḥ svalpikānaṃśān samādāyānupūrvyaśaḥ tāneva viprānāsīnān vidhinā pūrvvamarcayet tāneva viprānityayaṃ pakṣo brāhmaṇabhojanāt pūrvvameva piṇḍadānābhiprāyeṇa kātyāyanaḥ etadva iti sūtrāṇi pratipiṇḍaṃ cayasyuttare yajamānasya lomāceti śaṅkhaḥ daśāṃ vivarjjayetprājño yadyapyāhatavastrajām atra sarvvatra yathāśākhaṃ vyavasthā | putrārthino madhyamapiṇḍapratipattirāśvalāyanenoktā piṇḍānāṃ madhyamaṃ patnīṃ prāśayediti atra mantraḥ ādhatta pitaro garbhaṃ kumāraṃ puṣkarasrajam yathe'ha puruṣomata iti | devalaḥ tataḥ karmmaṇi nirvṛtte tān piṇḍāṃstadanantaram brāhmaṇo'gnirajogaurvvā bhakṣayedapsu vā kṣipet evaṃ svagṛhyoktavidhānena brāhmaṇavisarjjanāntaṃ kṛtvā pitṛśeṣaṃ bandhubhiḥ saha bhuñjīta | āvaśyakòpavāse prāpte pitṛsevitamāghrāyopavaset tathāca śrutiḥ | avaghreyameva tannaivāprāśitaṃ naiva prāśitamiti śātātapaḥ śrāddhaṃ kṛtvā paraśrāddhe bhuñjīranye tu mohitāḥ ### [10.p5.4](https://indike.org/pramana/in.niti.dharma.nibandha.mahanibandha.madanaparijata.10.p5.4) patanti pitarasteṣāṃ luptapiṇḍodakakriyāḥ punarbhojanamadhvānaṃ bhārādhyayanamaithunam dānampratigrahohomaḥ śrāddhabhuk tvaṣṭa varjjayet daśakṛtvaḥ pivedāpo gāyatryā śrāddhabhuk dvijaḥ tataḥ sandhyāmupāsīta japecca juhuyādapi ekakāle gatāsūnāṃ bahūnāmathavā dvayoḥ tantreṇa śrapaṇaṃ kuryyācchrāddhañcaiva pṛthak pṛthagiti pūrvvakasya mṛtasyādau dvitīyasya tataḥ punaḥ tṛtīyasya tataḥ kuryyātsannipāte tvayaṃ krama iti ntaraṃ mātṛśrāddhanimantraṇaṃ tato'nyanimantraṇaṃ evaṃ pādaprakṣālanādi visarjjanāntaṃ kuryyāt | etacca paryyāyeṇaikaśrāddhakaraṇe kutapādiśśrāddhakālātipātaprasaktau draṣṭavyaṃ śrāddhakālānatipāte tu pṛthakpākena yathoktakrameṇa karma pṛthakkarttavyam yattu pracetasoktam naikaḥ śrāddhadvayaṃ kuryyātsamāne'hani kutracit | iti tadekasminneva nimitte punaḥ śrāddhaṃ na karttavyamityevaṃparaṃ na tu nimittabhede'pi yadā bhartṛrmaraṇatithāveva sahagamanaṃ patnī karoti tatsāṃvatsarike laugākṣiṇā viśeṣo darśitaḥ mṛtāhani samāsena piṇḍanirvvapanaṃ pṛthak navaśrāddhantu dampattyoranvārohaṇa eva tu asyārthaḥ| dampatyoranvārohaṇe sahagamane nimitte mṛtatithāvekatve piṇḍanirvvapaṇaṃ śrāddhaṃ samāsena saṅkṣepeṇa yathā dvipitṛkaśrāddhe ekasmin piṇḍe dvayoruddeśyaḥ evamanyatrāpi dvāvuddiśyāyugmabrāhmaṇāḥ bhojayitavyāḥ piṇḍanirvvapaṇamapi dvāvuddiśya evamekadaiva śrāddhadvayakaraṇātsamāsaḥ | atra vaiśvadaivikamapi tantreṇaiva pārvvaṇaśrāddhapakṣe mṛtāhanīti viśeṣopādānānmṛtatitherbhede tu na samāsena śrāddhaṃ kintu pṛthageva mṛtāhani samāsena piṇḍanirvvapaṇaṃ ### [10.p5.5](https://indike.org/pramana/in.niti.dharma.nibandha.mahanibandha.madanaparijata.10.p5.5) kuryyāditi vidhivalādanvārohaṇe naikatithimṛtakayoḥ dampatyoḥ sāṃvatsarikaśrāddhavyatiriktanavaśrāddhaṣoḍaśaśrāddhasapiṇḍīkaraṇagayānvaṣṭakādiśrāddhe'pyarthādvacanāntaravaśācca pṛthak karttavyatāyāṃ prāptāyāṃ navaśrāddhaṃ pṛthagiti kevalanavaśrāddhasyaiva pārthakyavidhiḥ parisaṃkhyayā itaraśrāddheṣu pṛthakkaniṣedhātsāṃvatsarikavadeva ṣoḍaśaśrāddhādiṣvapi samāsenaiva anuṣṭhānaṃ amāvāsyādiṣu pṛthagmātṛśrāddhaprāptyabhāvādeva na pṛthakkaraṇaṃ kintu sahaiva ayaṃ viśeṣaḥ ṣoḍaśaśrāddhādiṣu mātāpitroḥ pṛthak pṛthagdevatātvamamāvāsyādiṣu tu pitṛpiṇḍenaiva sapatnīkamantroccāraṇena māturapi tṛptiriti dampatyorityupādānāt | ekacityārohaṇādhikārisavarṇasāpatnamātrā mātṛbhyāṃ mātṛbhirvānvāārohaṇe kṛte patipatnyormṛtatithairekatve pūrvvavatsamāsena navaśrāddhavyatiriktaṃ sarvvaṃ bhavet | ekasminnāhavanīyasthānīyabrāhmaṇe dvitrāyuddeśastathaikasminneva piṇḍe'pi yathā tripitṛkasya asyāṃ yo jāyate putraḥ sa me putrī bhaviṣyatīti samayaṃ vidhāya yā vivāhitā tataḥ anapatyāyā eva tasyābharttṛmaraṇe niyogena devarādibhyaḥ putrotpādanasamaya utpādyamānaḥ putra āvayorapītyapi saṅkete tatrotpannaḥ putrastripitṛkaeko mātāmahastvaparaḥ kṣetrādhipatiranyaśca bījīti trayaḥ pitaraḥ | tasyāmāvāsyādiśrāddheṣu yathā trayoddeśenaikaeva piṇḍastathā dvitrāyuddeśenāpyeka eva piṇḍo deya ityarthaḥ | yadi jananyanvārohaṇa evāyaṃ niyamastarhi pitroriti brūyānna dampatyoriti tasmātpūrvvokta eva nirṇayaḥ yacca smṛtyantaram ekacityāṃ samārūḍhau dampatī nidhanaṅgatau ### [10.p5.6](https://indike.org/pramana/in.niti.dharma.nibandha.mahanibandha.madanaparijata.10.p5.6) pṛthak śrāddhaṃ tayoḥ kuryyādodanantu pṛthak pṛthagiti navaśrāddheṣu yacchiṣṭaṃ gṛhe paryuṣitañca yat dampatyorbhuktaśiṣṭañca tanna bhuñjīta karhicit || iti yā samārohaṇaṃ kuryyādbharttuścityāṃ pativratā tāṃ mṛtāhani samprāpte pṛthakpiṇḍe niyojayet pratyabdañca navaśrāddhaṃ yugapattu samāpayediti tilodakapiṇḍadānāśīcaikādaśāhādikaṃ karttavyam | evañca yāni vākyāni bhartṛmaraṇānantaraṃ cirakālavyavadhāne'nvārohaṇamṛtāyā api bhāryyāyā bharturmaraṇasamakālameva maraṇapratipādakāni arthavādarūpāṇi vākyāni cintāmaṇiratnāvalyādiṣu pradarśitāni tāni pūrvvoktaviṣaye yojyāni na tu mṛtāhani samāsena piṇḍanirvvapaṇamityetadvacanāt āāhavanīyārthopaviṣṭa ekasmin \[ brāhmaṇa ekasmin piṇḍe dvayoruddeśyena samāsaḥ saṅkṣepa iti vaktavyaṃ saṃkṣepaśca brāhmaṇabhede piṇḍabhede'pi ghaṭate | tadyathā ekaśrāddhaniyukta brāhmaṇacaraṇaprakṣālanānantaramitaraśrāddhaniyuktabrāhmaṇacaraṇaprakṣā - lanamevamāsanādikaṃ dattvā itaratrāsanāsanādikamityāsamāpterevaṃ kriyamāṇe'pi saṃkṣepopapatteriti cennaivam | samāsena piṇḍanirvvapaṇamiti piṇḍanirvvapaṇe'pi saṃkṣepo darśitaḥ | pūrvvapakṣoktarītyā kriyamāṇe piṇḍasya bhinnatvāttatra samāso na ghaṭate nirapekṣaśca samāsaśabda upāttaḥ sa ca sarvvātmanā saṃkṣepayogyasakaletikarttavyatāsaṃkṣepampratipādayati bādhakābhāvāt tasmātsarvvetikarttavyatānusyūtaḥ saṃkṣepa evāṅgīkarttavyaḥ tathāca dvipitṛkaśrāddhavadeva saṃkṣepadbhūti siddham tatra hārītaḥ nā kṣetraṃ vījaṃ rohati ubhayadarśanāt ubhayorapatyamiti teṣāmutpādayituḥ prathamaḥ pravaro bhavati dvau dvau piṇḍau ### [10.p5.7](https://indike.org/pramana/in.niti.dharma.nibandha.mahanibandha.madanaparijata.10.p5.7) nirvvapedyavaikarpiṇḍe dvāvanu kīrttayet dvitīye putrastṛtīye pautrolepinastrīnvācakṣāṇaḥ āsaptamādityekaiti etaccāśaucaprakaraṇe'bhihitaṃ putrikāputro dvividhaḥ mātāmahena sambaddho mātāmahena pitrā ca sambaddhaśceti | tatra mātāmahenaiva sambaddhasya śrāddhakramaḥ manuḥ mātuḥ prathamataḥ piṇḍānnirvvapetputrikāsutaḥ dvitīyantu pitustasyāstṛtīyantu pituḥ pituriti ubhayasambaddho vargadvayasyāpi kuryyāt ityāhośanā mātāmahantamāntrādi paitṛkaṃ pitṛpūrvvakam mātṛtaḥ pitṛto yasmādadhikāro'sti dharmmataḥ atra viśeṣamāha ṛṣyaśṛṅgaḥ yasmādubhayasambaddhaḥ putrikāyāḥ suto hyasau pūrvvaṃ mātāmahaśrāddhaṃ paścātpaitṛkamācaret atha saṅkalpaśrāddham tatra vyāsaḥ tyaktāgneḥ pārvvaṇaṃ naiva naikoddiṣṭaṃ sapiṇḍanam atyaktāgnestu piṇḍoktistasmātsaṅkalpya bhojayet saṅkalpaśrāddhavidhimāha sa eva saṅkalpañca yadā kuryyānna kuryyātpātrapūraṇam nāvāhanāgnaukaraṇaṃ piṇḍāṃścaiva na dāpayet pātrapūraṇamarghyadānaṃ vikaraṇadānamapi niṣiḍam smṛtyantare saṅkalpantu yadā śrāddhaṃ na kuryyātpātrapūraṇam vikaraṇañca na dātavyamiti | ayañca anukalpamukhyaśrāddhakaraṇaśaktyādyabhāve'pi veditavyaḥ tathāca smaranti śrāddhānukalpaṃ yaḥ kuryyājjātyavasthādyapekṣayā śrāddhāṃśāṃścaiṣavāpnoti mukhyaśrāddhaphalaṃ nara iti athaikoddiṣṭaśrāddham yājñavalkyaḥ ekoddiṣṭaṃ devahīnamekārthaikapavitrakam āvāhanāgnaukaraṇarahitaṃ hyapasavyavat apasavyavat yatpārvvaṇayajñopavītavat karmma prācīnāvītinā tatkarmma karttavyamityarthaḥ akṣyyasthāne akṣayyamastvitimantrasthāne ### [10.p5.8](https://indike.org/pramana/in.niti.dharma.nibandha.mahanibandha.madanaparijata.10.p5.8) upatiṣṭhatāmiti mantraḥ vipravisarjane vāje vāje iti mantrasthāne viṣṇuḥ | athāśaucāgame susnātaḥ supakṣālitapāṇipādaścācāntastvavaṃ vidhāne ca brāhmaṇān yathāśaktyudaṅmukhān gandhamālyavastrālaṅkārādibhiḥ pūjitān yo bhojayedekavanmanvānuhetaikādṛṣṭaucchiṣṭasannidhāvikameva tannāmagotrābhyāṃ piṇḍaṃ nirvvapedbhuktavatsu brāhmaṇeṣu dakṣiṇayābhipūjiteṣu | pretanāmagotrābhyāṃ dattvācayyodakeṣu caturaṅgulaṃ pṛthivīstāvadantarāstāvadadhaḥ khātāvitastyāyatāstisraḥ karṣūḥ kuryyāt | karṣūsamīpe cāgnitrayamupasādhāya paristīryya tatraikasminnāhutitrayaṃ juhuyāt somāya pitṛmate svadhā namo'gnaye kavyavāhanāya svadhānamo yamāyāṅgirase svadhānamaḥ sthānatraye prāgvatpiṇḍanirvvapanaṅkuryyāttatodadhimadhughṛtamāṃsaiḥ karṣutrayaṃ pūrayitvaitatta iti japet evaṃ mṛtāhe pratimāsaṃ kuryyāditi | dattvācayyodakeṣviti acyyīdakāni dattvā teṣu datteṣu satsviti vibhaktivipariṇāmenānvayaḥ vārāhapurāṇe śvaḥ kariṣya iti jñātvā brāhmaṇāmantraṇakriyāḥ gato'si divyalokaṃ tvaṃ kṛtāntavihitātpadhaḥ manasā vāyubhūtena vipre tvāhaṃ niyojaye pūjayiṣyāmi bhogena evaṃ vipraṃ nimantrayet dvitīye dina āsane ca manunevoktaḥ atrāsane devarājābhyanujñāto viśrāmyatām dvijavaryānugrahāya prasādaye tvāsanaṃ gṛhne pūtaṃ jñānāgniśuddhane kareṇa vipra iti bṛhaspatiḥ vastrālaṅkāraśayyādyaṃ pituryadvāhanāyudham gandhamālyaiḥ samabhyarcya śrāddhabhoktre tadarpayet mṛtāhani tu karttavyaṃ pratimāsantu vatsaram pratisaṃvatsarañcaivamādyamekādaśe'hani ### [10.p5.9](https://indike.org/pramana/in.niti.dharma.nibandha.mahanibandha.madanaparijata.10.p5.9) śabdārthaḥ iti nyāyavirodhaḥ | ataḥ kṣatrādīnāmapyādyaśrāddhamekādaśe'hni karttavyam yathā vṛddhavaśiṣṭhaḥ ekādaśe'hni yacchrāddhaṃ tatsāmānyamudāhṛtam caturṇāmapi varṇānāṃ sūtakantu pṛthak pṛthak śaṅkhalaugākṣī api ādyaśrāddhamaśuddho'pi kuryyādekādaśe'hani karttustātkālikī śuddiraśuddhaḥ punareva saḥ || iti yattu matsyapurāṇe ekādaśe'hani tathā viprānaikādaśaiva tu kṣatrādiḥ sūtakānteṣu bhojayedayutānddijān || iti tannetasya dvatyarthaṃ sūtakānte ekādaśabrāhmaṇabhojanopetaṃ rudragaṇākhyaṃ karmmāntaraṃ na tu ṣor̤aśaśrāddhāntarbhūtaṃ tathā sati ekādaśaśrāddhānyetāni ṣor̤aśaparāṇīti saṃkhyādhikyāt ṣor̤aśaśrāddhavirodhaḥ | tasmādādyamekādaśe'hanīti sarvvavarṇasādhāraṇamiti caturasram | āhitāgnerekādaśāhaśrāddhaviśeṣamāha kātyāyanaḥ śrāddhamagnimataḥ kāryyandāhādekādaśe'hani dhruvāṇi tu prakurvīta pramītāhani sarvvadā dhruvāṇi traipakṣikādūrddhāni jātakarṇaḥ ūrddhaṃ tripakṣādyacchrāddhaṃ mṛtāhanyeva tadbhavet adhastu kārayeddāhādāhitāgnerdvijanmanaḥ vihitaprakāreṇa yuddhādihatānāṃ sadyaḥ śauce'pyādyamekādaśehanītyāha bhṛguḥ sadyaḥ śauce'pi dātavyaḥ pretasyaikādaśe'hani sa eva divasastasya śrāddhaśayyāsanādiṣu ṣoḍaśaśrāddhānyāha jātūkarṇaḥ dvādaśapratimāsyāni ādyaṃ ṣāṇmāsike tathā traipakṣikābdike ceti śrāddhānyetāni ṣoḍaśa ādyaṣāṇmāsikābdikaśabda ūnaṣāṇmāsikonābdikaparaḥ vyāso'pi dvādaśāhe tripakṣe ca ṣaṇmāse māsikābdike śrāddhāni ṣoḍaśaitāni sammatāni manīṣibhiḥ dvādaśāhe kriyamāṇe nyūnamāsikam yadāha gobhilaḥ maraṇadvādaśāhe syānnāsyūnevonamāsikam ### [10.p5.10](https://indike.org/pramana/in.niti.dharma.nibandha.mahanibandha.madanaparijata.10.p5.10) brahmapurāṇe ṣoḍaśaśrāddhakālāḥ kecanānyathopadiṣṭāḥ nṛṇāṃ vai tyaktadehānāṃ śrāddhāḥ ṣoḍaśa sarvvadā caturthe pañcame caiva navamaikādaśe tathā tato dvādaśabhirmāsaiḥ śrāddhā dvādaśasaṃkhyayā karttavyāḥ śrutitasteṣāṃ tatra viprāṃstu tarpayet || iti atra caturthāhādiśrāddhāntarbhāvairekādaśādiśrāddhānāṃ ṣoḍaśasaṃkhyāḥ vihitāḥ na ūnamāsādyantarbhāveneti kvacitkālānyathābhāvaḥ tataḥ ṣoḍaśaśrāddheṣu vikalpaḥ | ayañca vikalpaḥ śākhābhedena tadabhāve yathādeśaṃ yathākulaṃ vā vyavasthito vijñeyaḥ | māse'tītaityasminnarthe taddhitotpattau māsikaśabdaniṣpattimaṅgīkṛtya prathamamāse nivṛtte dvitīyamāse mṛtadivase ādyaṃ māsikam | evaṃ dvitīye'tīte tṛtīye māsi mṛtadivase dvitīyamāsikamityevaṃ krameṇa dvādaśamāsikāni ekādaśāhaśrāddhaṃ na pṛthageveti kecana manyante tadanupapannaṃ dvādaśapratimāsyānītyupakramya śrāddhānyetāni ṣoḍaśeti jātūkarṇoktaṣoḍaśasaṃkhyāvirodhāt | mṛte'hani tu karttavyaṃ pratimāsamityanena cādyādimāsikānāmādyādimāsaekakālovihitastenāpi virodhaḥ prasajyeta na nu traipakṣikaṃ bhavehatte tripakṣe tadanantaramiti yathā traipakṣikasya tripakṣānantaraṃ kālastathādyādimāsikānāmādyādimāsānantarameva kālo'stviti cennaivam | traipakṣike bhavehatte ityasyāyamarthaḥ vṛtte pravṛtte na tu nivṛtta iti | ataeva kārṣṇājiniḥ traipakṣikaṃ tripakṣe syānmṛtāheṣvitarāṇi ca | ato māsikaśabdastatra bhava ityasminnarthe sāmānyena ye pratyayā vihitāstadantastatrāpi ṭhaka ikādeśe kṛte māsikamiti rūpaṃ niṣpannam ādyamāsike tadvijamāhavanīyasthānīyaṃ kṛtvā kuryyāttadabhāve ### [10.p5.11](https://indike.org/pramana/in.niti.dharma.nibandha.mahanibandha.madanaparijata.10.p5.11) agnau juhuyātyannadvaye'pi punarādyaṃ kuryyāt tadāha gobhilaḥ brāhmaṇaṃ bhojayedādye hotavyamanale'thavā punaśca bhojayedvipraṃ dvirāvṛttirbhavediti prāksūtakānte pretārthaṃ brāhmaṇān bhojayeddaśa ūnamāsikādiṣu kālaniyamamāha gautamaḥ ekadvitridinairūnaistribhāgenoma eva vā śrāddhānyūnābdikādīni kuryyādityāha gautamaḥ kārṣṇājiniḥ ūnānyūneṣu māseṣu viṣamāhne same'pi vā atra viśeṣamāha gargaḥ nandāyāṃ bhārgavadine caturthyāṃ tripañcake ūnaśrāddhaṃ na kurvīta gṛhī putradhanakṣayāt marīciḥ tripuṣkare ca nandāsu sinībālyāṃ bhṛgordine caturthyāntu nonāni kṛttikāsu tripuṣkare saṃvatsarādarvāk sapiṇḍīkaraṇe ṣoḍaśaśrāddhānyapakṛṣya sapiṇḍīkaraṇaṃ vidhāya punastāni māsivāni svasvakālaprāptāni kuryyāt yadāha gobhilaḥ śrāddhāni ṣoḍaśaṃ dattvā naiva kuryyātsapiṇḍanam laugākṣiḥ śrāddhāni ṣoḍaśādyāni vidadhīta sapiṇḍanam yasya saṃvatsarādarvāk sapiṇḍīkaraṇaṅkṛtam aṅgirāḥ māsikaṃ sodakaṃ kumbhaṃ deyaṃ tasyāpi vatsaram |\[asterisk\] sapiṇḍīkaraṇādarvākkuryyācchrāddhāni ṣoḍaśa ekoddiṣṭavidhānena kuryyātsarvāṇi tāni tu sapiṇḍīkaraṇādūrdhvaṃ yadā kuryyāttadā punaḥ pratyabdaṃ yo yathā kuryyāttathā kuryyātsa tānyapi sapiṇḍīkaraṇādūrdhvaṃ na dadyātpratimāsikam ekoddiṣṭavidhānena dadyādityāha śaunakaḥ sapiṇḍīkaraṇādarvāgapakṛṣya kṛtānyapi punarapakṛṣyante vṛddhayuttaraniṣedhanāt nirvṛtya vṛddhitantrantu māsikāni na tantrayet ayātayāmaṃ maraṇaṃ na bhavetpunarasya tu satyayātayāmaṃ navaṃ maraṇaṃ punarbhavedityarthaḥ| yadi kuryyāttadā nūnaṃ maraṇaṃ bhavediti tātparṣyam| yadi aśaucādinā māsike vighne ### [10.p5.12](https://indike.org/pramana/in.niti.dharma.nibandha.mahanibandha.madanaparijata.10.p5.12) tadā tadanantaraṅkarttavyaṃ nyāyasiddhatvāt| tatrāpyasambhave uparitanamāsikadine kāryyam yadāha ṛṣyaśṛṅgaḥ ekoddiṣṭe tu samprāpte yadi vighnaḥ prajāyate māse'nyasmiṃstithau tasyāṃ kuryyādantaritañca tat antaritaṃ vighnena tacca tacchabdena anyamāsasvakālaprāptamucyate ekādaśāhādikantu jyeṣṭhenaiva karttavyam tathāca pracetāḥ ekādaśādyāḥ kramaśo jyeṣṭhasya vidhivatkriyāḥ kuryyurnaikaikaśaḥ śrāddhamābdikantu pṛthak pṛthak ābdikantu pṛthak pṛthagiti vibhaktaviṣayam atha navaśrāddhāni tatrāṅgirāḥ prathame'hni tṛtīye'hni pañcame saptame tathā navamaikādaśe caiva navaśrāddhamprakīrttitam baudhāyanaḥ maraṇādviṣamadineṣvekaikaṃ navaśrāddhaṃ kuryyāt | ānavamamādyantanavamaṃ vicchidya naikādaśe'hni tatkuryyāditi bhaviṣyapurāṇe nava sapta viśāṃ rājñāṃ navaśrāddhānyanukramāt ādyantayorvarṇayostu ṣaḍityāhurmaharṣayaḥ śivasvāmī navaśrāddhāni pañcāhurāśvalāyanaśākhinaḥ āpastambaḥ ṣaḍityāhurvibhāṣā taittirīyāṇām kaṇvaḥ navaśrāddhaṃ māsikañca yadyadantaritaṃ bhavet tattaduttarasātantrādanuṣṭheyampracakṣate atha sapiṇḍīkaraṇam tatra śaunakaḥ catvāryudakapātrāṇye kaṃ pretasya trīṇi itareṣāṃ prathamapātram triṣu pātreṣu niyojayet | samānī va ākṛti - rityevameva prathamapiṇḍaṃ triṣu piṇḍeṣu niyojayet madhumatībhiḥ saṅgacchadhvamiti dvābhyāmeva† caturtho'nujñāpito bhavati iti prete ciramṛte viṣṇuḥ saṃvatsarānte pretāya tatpitre tatpitāmahāya tataḥ tatprapitāmahāya ca brāhmaṇān bhojayedagnaukaraṇamāvāhanaṃ pātraṃ kuryyāt | saṃsṛjyantu tvā pṛthivī samānīva iti ### [10.p5.13](https://indike.org/pramana/in.niti.dharma.nibandha.mahanibandha.madanaparijata.10.p5.13) pretapātraṃ pātratraye nidadhyāt | karṣūtrayasannikarṣe tu yojayet | ucchiṣṭasannidhau piṇḍacatuṣṭayaṃ kuryyāt brāhmaṇāṃśca svācāntān dattadakṣiṇān cānuvrajya visarjjayet | tataḥ pretapiṇḍapātraṃ pātrodakavat piṇḍatraye nidadhyāt | karṣūtrayasannikarṣe'pyevameva sapiṇḍīkaraṇaṃ māsikārthavaddvādaśāhaṅgatvā trayodaśe'hni vā kuryyāt | mantravarjjaṃ hi śūdrāṇāṃ dvādaśe'hni vatsarābhyantare yadyapyadhimāsiko bhavettadā māsikārthaṃ dinamekaṃ varddhayet | iti yājñavalkyaḥ gandhodakatilairyuktaṃ kuryyātpātracatuṣṭayam arghyārthaṃ pitṛpātreṣu pretapātramprasecayet ye samānā iti dvābhyāṃ śeṣaṃ pūrvvavadācaret etatlapiṇḍīkaraṇamekoddiṣṭaṃ striyā api brahmapurāṇe mṛte pitari yasyātha vidyate ca pitāmahaḥ tena deyāstrayaḥ piṇḍāḥ prapitāmahapūrvvakāḥ tebhyaśca paitṛkaḥ piṇḍo niyoktavyaśca pūrvvavat mātaryyagre mṛtāyāñca vidyate ca pitāmahī prapitāmahī pūrvvantu kāryyantatrāpyayaṃ vidhiḥ sumantuḥ trayāṇāmapi piṇḍānāmekenāpi sapiṇḍane pitṛtvamaśnute preta iti dharmmo vyavasthitaḥ yattu manuvacanam vyutkramācca pramītānāṃ naiva kāryyā sapiṇḍatā | iti tathāca skandapurāṇe akrameṇa mṛtānāṃ na sapiṇḍīkṛtiriṣyate yadi mātā yadi pitā bharttā naiṣa vidhiḥ smṛtaḥ eṣa vidhirvyutkramamṛtau na sapiṇḍīkṛtiriṣyate ityayaṃ vidhiḥ brahmapurāṇavacanantu mṛte pitari ityādi pūrvvameva darśitam patirapi patnyāḥ svamātṛpitāmahyādibhiḥ saha sāpiṇḍyaṃ karoti tathāca paiṭhīnasiḥ aputrāyāṃ mṛtāyāntu patiḥ kuryyātsapiṇḍatām śvaśvādibhiḥ sahaivāsyāḥ sapiṇḍīkaraṇaṃ bhavet ### [10.p5.14](https://indike.org/pramana/in.niti.dharma.nibandha.mahanibandha.madanaparijata.10.p5.14) mātrānipraveśe kṛte putraḥ pitrādibhireva saha sāpiṇḍyaṅkuryyāt tadāha yamaḥ patyā caikena karttavyaṃ sapiṇḍīkaraṇaṃ striyaḥ sā vivāhe yadaikyaṃ hi gatā mantrāhutivrataiḥ śātātapaḥ mṛtā yānugatānādyaṃ sā tena sahapiṇḍatāmarhatīti brāhmadaivārṣaprājāpatyavivāhor̤hāyāḥ sutaḥ pitāmahyādibhiḥ mātuḥ sāpiṇḍyaṃ kuryyāt yathāha śaṅkhaḥ mātuḥ sapiṇḍīkaraṇaṃ kathaṃ kāryyaṃ bhavetsutaiḥ pitāmahyādibhiḥ sārddhaṃ sapiṇḍīkaraṇaṃ smṛtam yamaḥ jīvatpitā pitāmahyā mātuḥ kuryyātsapiṇḍanam pramītapitṛkaḥ pitrā pitāmahyāpi vā sutaḥ māturagnipraveśābhāve'pi pitrā pitāmahyā veti vikalpaḥ pitāmahyā pitāmahyādibhirityarthaḥ | evaṃ pitretyādiṣu karttavyam | āsurarākṣasagāndharvvapaiśācavivāhairūḍhāsutomātāmahyādibhistasyāṃ jīvantyāṃ mātuḥ pitāmahyādibhistasyāmapi jīvantyāṃ mātuḥ prapitāmahyādibhirmātāmahena vā sapiṇḍīkaraṇaṃ kuryyāt yadāha śātātapaḥ tanmātrā tatpitāmahyā tacchraśvā vā sapiṇḍanam āsurādivivāheṣu vinnānāṃ yoṣitāṃ smṛtam tacchrūrmātuḥ prapitāmahī sumantuḥ pitā pitāmahe yojyaḥ pūrṇe saṃvatsare sutaiḥ mātā mātāmahe tadvadityāha bhagavān śivaḥ putrikāyāḥ suto'pi mātāmahamātāmahyādibhiḥ kuryyāt tathāca kātyāyanaḥ mātuḥ sapiṇḍīkaraṇaṃ pitāmahyā sahocitam yathoktenaiva kālena putrikāyā na cetsutaḥ putrikāputtrasyettu mātāmahyādibhiḥ kuryādityarthaḥ baudhāyanaḥ ādiśetprathame piṇḍe mātaraṃ putrikāsutaḥ dvitīye pitarantasyāstṛtīye ca pitāmaham evaṃ yena kenāpi mātuḥ sapiṇḍavṛddhyanvaṣṭakādiśrāddheṣu pitāmahyādibhireva pārvvaṇaṃ karttavyam | āsurādivivāheṣu putrikākaraṇe ca mātāmahagotrameva ### [10.p5.15](https://indike.org/pramana/in.niti.dharma.nibandha.mahanibandha.madanaparijata.10.p5.15) pitṛgotraṃ samutsṛjya na kuryyādbharttṛgotrataḥ janmanyeva vipattau ca nārīṇāṃ paitṛkaṃ kulam iti smaraṇāt | brāhmādivivāheṣu punardharttṛgotrameva sagotrādbhūśyate nārī vivāhātsaptame pade svāmigotreṇa karttavyā tasyāḥ piṇḍodakakriyā iti smaraṇāt | etacca sapiṇḍīkaraṇaṃ kālātyaye'pi putrasadbhāve puttreṇaiva kāryyam taduktaṃ vāyupurāṇe śrāddhāni ṣor̤aśaṃ dattvā kuryyānna tu sapiṇḍanam proṣitāvasite puttraḥ kālādapi cirādapi etadvyākhyānamaparārke proṣitāvasite pravāsāvasāne puttro'pi cirādapi kālāt sapiṇḍanaṃ kuryyāt | tat ṣor̤aśaśrāddhānyadattvā na kuryyāt kintu dattvetyarthaḥ | yadi tāni kaniṣṭhabhrātrādinā dattāni tadā sapiṇḍanameva kuryyāditi kātyāyanaḥ pitāmahaḥ pituḥ paścātpañcatvaṃ yadi gacchati pautreṇaikādaśāhādi kartavyaṃ śrāddhaṣoḍaśa naitatpautreṇa karttavyaṃ putravāṃścetpitāmahaḥ pituḥ sapiṇḍanaṅkṛtvā kuryyānmāsānumāsikam asaṃskṛtau na saṃskāryau pūrvvau pautraprapautrakaiḥ pitaraṃ tatra saṃskarryāditi kātyāyano'bravīt pāpiṣṭhamapi śuddhena śuddhaṃ pāpakatāpi vā pitāmahena pitaraṃ saṃskuryyāditi niścayaḥ madhye mṛtaḥ tatrāpi pautreṇa pitṛsāpiṇḍyaṅkṛtvā paścātpitāmahasya kuryātpūrvoktanyāyasya tulyatvāt ayaṃ viśeṣaḥ | pitāmahadaśāhādimadhye eva pitṛmaraṇe prathame'hani yo dadyātsa daśāhaṃ samāpayet iti vacanāddaśāhakṛtyavighne'pi pitrorūrddhadaihikānantaraṃ punaḥ saṃskāraṅkṛtvā sarvvamāvarttayet | vyatīte daśāhādike aśaktyādivaśātpitrā'nujñātena pitāmahaśrāddhe pautreṇopakrānte pitrāśaucaṃ vahanneva svakāle'pi pitāmahaśrāddhaṃ kuryyātprakrāntatvāt ### [10.p5.16](https://indike.org/pramana/in.niti.dharma.nibandha.mahanibandha.madanaparijata.10.p5.16) karttustātkālikī śuddhiriti vacanācca yativiṣaye viśeṣaḥ śātātapenoktaḥ ekoddiṣṭaṃ jalaṃ piṇḍamāśaucaṃ pretasatkriyām na kuryyātpārvvaṇādanyadbrahmībhūtāya bhikṣave brahmībhūto yatiḥ uśanā ekoddiṣṭaṃ na kurvīta yatīnāñcaiva sarvvadā ahanyekādaśe prāpte pārvvaṇantu vidhīyate sapiṇḍīkaraṇaṃ teṣāṃ na karttavyaṃ sutādibhiḥ tridaṇḍagrahaṇādeva pretatvaṃ naiva jāyate etatsapiṇḍīkaraṇamāhitāgninā kartrā dvādaśāhe karttavyam tathāca laghuhārītaḥ yajamāno'gnimānrājan pretaścānagnimān bhavet dvādaśāhe bhavetkāryaṃ sapiṇḍīkaraṇaṃ sutaiḥ tacca śrāddhāni ṣoḍaśaṃ dattvā na tu kuryyātsapiṇḍanam yasya saṃvatsarādarvāk sapiṇḍīkaraṇaṃ bhavet māsikaṃ codakaṃ kumbhaṃ deyaṃ tasyāpi vatsaram || iti yā tu pūrvvamamāvāsyā mṛtāhāddaśamādbhavet sapiṇḍīkaraṇaṃ tasyāṃ kuryyādeva suto'gnimān āhitāgninā kṣatriyeṇa vaiśyena vā kartrāśaucānantaradarśe sapiṇḍīkaraṇaṃ karttavyam yadāha jābāliḥ sapiṇḍīkaraṇaṃ pūrvvaṃ pūrvvadarśe'gnimān sutaḥ parato daśarātrasya pūrṇe'bde tu tathāparaḥ asyārthaḥ sapiṇḍīkaraṇaṃ kuryyāt pūrvvadarśe ityanena daśadinādarvvāk yadā kadācidapi prāptasya darśasya sapiṇḍīkaraṇakālatve prāpte sa kāla utkṛṣṭo daśarātrātpara iti | paratvañca daśarātrasannihitānantarakāle āśaucānantarakāle'pyaviruddhamiti jāteṣṭinyāyenāśaucānantarakālīnadarśe karttavyam | tathāca daśarātraśabdo'pyāśaucānantarakālopalakṣakaḥ | brāhmaṇādīnāṃ sarveṣāmāhitāgnīnāṃ kattṝṇāmāśaucāntaprathamadarśayormadhye yaḥ kālaḥ so'pi sapiṇḍīkaraṇakālaḥ tathāca kātyāyanaḥ ekādaśāhaṃ nirvvartya pūrvvadarśādyathāvidhi ### [10.p5.17](https://indike.org/pramana/in.niti.dharma.nibandha.mahanibandha.madanaparijata.10.p5.17) prakurvītāgnimānvipro mātāpitroḥ sapiṇḍanam āśaucānantaraṃ yodarśaḥ tanmadhye ekasmindine sapiṇḍīkaraṇaṃ kuryyāditi āhitāgneḥ piṇḍapitṛyajñādhikāriṇo darśapiṇḍapitṛyajñārthatayamupadeśaḥ | ataeva prajāpatiḥ nāsapiṇḍāgnimānputraḥ pitṛyajñaṃ samācaret sapārvvaṇaṃ nābhyudayaṃ kurvvanna labhate phalam evañca pūrvoktarītyā dvādaśāhakālo darśatmakakālo'śaucāntaḥ prathamadarśayormadhyakālaśceti trayaḥ kālāḥ uktā bhavanti | dvādaśāhastathāśaucāntaprathamadivasayormadhye kimapyāha | tathāśaucānantaraṃ prathamo darśa iti | anenaivābhiprāyeṇa kalpatarāvapi dvādaśāho daśāhātparakālīnāyā amāvāsyāyāḥ pūrvvaṃ kimapyāha | daśāhātparāmāvāsyāvyatīte yadā karttā nāhitāgniḥ pretaścāhitāgniḥ tadā pretaścedāhitāgniḥ syātkarttānagniryyadā bhavet sapiṇḍīkaraṇaṃ tasya kuryyātpakṣe tṛtīyeke yadā karttā pretaścāhitāgnistadā pitṛpakṣa eva | tasya dāhādaikādaśāhrādikasya karttavyatvāt | sāgnikasya pūrvvoktakālalope kathamityākāṅkṣāyām dvādaśāhādikāleṣu pramādādananuṣṭhitam sapiṇḍīkaraṇaṃ kuryyātkāleṣūttarabhāviṣu anāhitāgnestu dvādaśāhādayaḥ saptapakṣāḥ bhavanti sapiṇḍīkaraṇaṃ kuryyādyajamānastvanagnimān anāhitāgneḥ pretasya pūrṇe'bde bharatarṣabha dvādaśe'hani ṣaṣṭhe vā tripakṣe vā trimāsi vā ekādaśe'pi vā māsi maṅgalaṃ syādupasthitam ṣaṣṭhe vā māsītyanvayaḥ| yadā maṅgalaṃ vṛddhādyupasthitaṃ syāttataḥ pūrvvamapi kāla ityarthaḥ vyāsaḥ ānantyātkuladharmmāṇāṃ strīpuṃsāṃ cāyuṣaḥ kṣayāt asthitestu śarīrasya dvādaśāhaḥ praśasyate śūdraviṣaye sapiṇḍīkaraṇaṃ karttavyamityanuvṛttau viṣṇuḥ ### [10.p5.18](https://indike.org/pramana/in.niti.dharma.nibandha.mahanibandha.madanaparijata.10.p5.18) mantravarjjaṃ hi śūdrāṇāṃ dvādaśe'hni prakīrttitam | iti amāvāsyāśrāddhakāriśūdraviṣayametadityaparārke kalpatarau ca vacanabalādāśaucamadhye eva karttavyam athābhyudayikaśrāddham tatra matsyapurāṇe utsavānandasantānayajñodvāhādimaṅgale mātaraḥ prathamaṃ pūjyāḥ pitarastadanantaram tato mātāmahānāñca viśvedevāstathaiva ca atra kālaniyamamāha gārgyaḥ mātuḥ śrāddhantu pūrvvedyuḥ karmmā'hani ca paitṛkam mātāmahaṃ cottaredyuḥ vṛddhau śrāddhatrayaṃ smṛtam dinatrayakaraṇāsambhave vṛddhaśātātapaḥ pṛthagdine tvaśaktaścedekasmin pūrvvavāsare śrāddhatrayaṃ prakurvvīta vaiśvadevantu tāntrikam śātātapaḥ pūrvāhne daivikaṅkāryyamaparāhne tu paitṛkam ekoddiṣṭantu madhyāhne prātarvṛddhinimittakam ābhyudayike yugmā brāhmaṇā amūladarbhāḥ prāṅmukhebhya udaṅmukho dadyāt | udaṅmukhebhyo vā prāṅmukho dvau darbhau pavitra iti ābhyudayike dakṣiṇamupacāraḥ pitṛmantravarjaṃ japan ṛjavo darbhā yavāstilārthe sampannamiti tṛptipraśno dadhivadarākṣatamiśrāḥ piṇḍā nāndīmukhān pitṝn āvāhayiṣye iti pṛcchati ca nāndīmukhāḥ prīyantāmakṣayyasthāne nāndīmukhān pitṝnvācayiṣye iti pṛcchati† ca nāndīmukhāḥ pitaraḥ pitāmahāḥ prapitāmadyāśca prīyantāmiti na svadhāṃ prayuñjīta yugmānāśyediti pitā pitāmahaścaiva tathaiva prapitāmahaḥ trayo hyaśrumukhā hyete pitaraḥ parikīrttitāḥ tebhyaḥ pūrvvatarā ye ca prajāvantaḥ sukhaidhitāḥ te tu nāndīmukhā nāndī samṛddhiriti kathyate || iti nyāyasāmyāt | evañca yatkaiściduktam | pitrādiṣu vidyamāneṣu ### [10.p5.19](https://indike.org/pramana/in.niti.dharma.nibandha.mahanibandha.madanaparijata.10.p5.19) pitṛvarganāndīśrāddhamevaṃ mātṛśrāddhādiṣvapīti tadbrahmapurāṇāparijñānanibandhanamityupekṣaṇīyam viśvedevā idaṃ vo arghyaṃ nāndīmukhāḥ pitara idaṃ vo arghyamiti yathāliṅgamarghyadānaṃ pāṇau homo agnaye kavyavāhanāya svāhā, somāya pitṛmate svāhā iti madhuvātā ṛtāyata iti ṛcaḥ sthāne upāsmai gāyateti pañcamadhumatīḥ śrāvayedakṣannamīmadanteti ca ṣaṣṭhīṃ†mācānteṣu bhuktāśayān gomayenopalipya teṣu prācīnāgrān darbhān saṃstīrya teṣu pṛṣadājyamiśreṇa bhuktaśeṣeṇaikaikasya dvau dvau piṇḍau dadyāditi pradadyātprāṅmukhaḥ piṇḍān vṛddhau nāmnā sabāhyataḥ miśrīkṛtya tu catvāri piṇḍān śrīphalasannibhān ekaṃ nāmnā paraṃ tūṣṇīṃ dadyātpiṇḍān pṛthak pṛthak gotranāmabhirāmantrya pitṛbhyo'rghyaṃ nivedayet nātrāpasavyakaraṇaṃ na pitryatīrthamiṣyate pātrāṇāṃ pūraṇādīni daivenaiva hi kārayet jyeṣṭhottarakarān yugmān karāgrāyapavitrakān kṛtvā'rghyaṃ sampradātavyaṃ naikasyātra pradīyate svapitṛbhyaḥ pitā dadyātsutasaṃskārakarmmasu piṇḍānodvahanātteṣāṃ tasyābhāve'pi tatkramāt svaputrajātakarmmādiṣu vā nāndīmukhaśrāddhakarttā tadāpi pitṛmātṛbhyaḥ pitṛpitṛbhyaḥ pitṛmātāmahebhya eva dadyāt karmmādiṣu ca sarvveṣu mātaraḥ sagaṇādhipāḥ pūjanīyāḥ prayatnena pūjitāḥ pūjayanti tāḥ api cākṣatapuñjeṣu naivedyaiśca pṛthagvidhaiḥ kuḍyalagnāṃ vasorddhārāṃ saptadhārāghṛtena tu kārayetpañcadhārāṃ vā nātinīcāṃ na cocchritām āyuṣyāṇi ca śāntyarthaṃ japtvā tatra samāhitaḥ gaurī padmā śacī medhā sāvitrī vijayā jayā devasenā svadhā svāhā mātaro lokamātaraḥ dhṛtiḥ puṣṭistathā tuṣṭirātmadevatayā saha ### [10.p5.20](https://indike.org/pramana/in.niti.dharma.nibandha.mahanibandha.madanaparijata.10.p5.20) ābhyogandhañca puṣpañca dhūpaṃ dīpaṃ nivedayet śrāddha ābhyudayike' prāpte devatāsthāpanaṃ smṛtam jātakarmakulaśreṇīlokānāṃ vṛddhikārakam tisraḥ pūjyāḥ pituḥ pakṣe tisro mātāmahe tathā ityetā mātaraḥ proktāḥ pitṛmātṛsvasāṣṭamī brahmāṇyādyāstathā sapta durgākṣetragaṇādhipān gaṇaśaḥ kriyamāṇeṣu pitṛbhyaḥ‡ pūjanaṃ sadā sakṛdeva bhavecchrāddhamādau na pṛthagādiṣu karmmāṇi māṅgalyāni kriyante sa karmmagaṇastatra sakṛttantreṇa kuryyāt | pṛthagādiṣu svasvakāle pṛthak kriyamāṇeṣu na tantreṇa kiñcā vṛttyeti atha jīvatśrāddham tatra brahmapurāṇam deśakāladhanaśraddhāvyavasāyasamucchrite jīvate sati jīvāya dadyācchrāddhe dvayaṃ naraḥ kṛtopavāsaḥ susnātastrayodaśyāṃ samāhitaḥ karttāramatha bhoktāraṃ viṣṇuṃ sarvveśvaraṃ yajet sthale jale care mūrttau kalaśe puṣkare ravau candrāgniguruvipreṣu pitṛmātṛṣu sarvvagam sadakṣiṇāśca satilāstisrastu jaladhenavaḥ nivedayet pitṛbhyaśca tadagre tu samāhitaḥ somāya pitṛmate svadhānama iti smaran | agnaye kavyavāhanāya nama iti smaran āvāhanādinā pūrvvaṃ viśvedevān prapūjya ca ahaṃ vasubhyastvā vipra rudrebhyastvāmahaṃ tataḥ sūryyebhyastvāmahaṃ vipra bhojanīye tilānvadet āvāhanādikaṃ śeṣaṃ kuryyācca pitṛkarmmavat somāṃ dhenuṃ tato dadyādvāsavāya dvijāya tu āgneyyāṃ vātha raudrāya yāmyāṃ sūryyadvijātayaḥ viśvebhyaścātha devebhyastilapātraṃ nivedayet svastyudakamathākṣayyaṃ jalaṃ datvā ca tāndvijān visarjjayetsmaran viṣṇuṃ devamaṣṭākṣaraṃ vibhum tataḥ kāmakuleśasrc="an"naṃ niśi nārāyaṇaṃ smaret caturddaśyāṃ tato gacchedvyathā prāptāṃ saridvarām ### [10.p5.21](https://indike.org/pramana/in.niti.dharma.nibandha.mahanibandha.madanaparijata.10.p5.21) pūrvveṇa vipraḥ saumyena rājā vaiśyo'pareṇa ca dakṣiṇena tathā śūdromārgeṇa vikiredyavān vastrāṇi lohakhaṇḍāni nipatanta iti smaran dakṣiṇābhimukho vahniṃ jvālayettatra ca svayam pañcāgnibhiḥ kuśairbrāhmīṅkṛtvā pratikṛtiṃ dahet kṛtvā śmāśānikaṃ homaṃ pūrṇāhutyantameva hi niragnimathavā bhūmiṃ yamaṃ rudrañca saṃsmaret hutvā prādhānika sthāni paścāddāhāpayecca tām na tu dāhayet śrapayeccāparairagnaumudgamiśraṃ caruṃ śubham tilataṇḍulamiśrañca dvitīyaṃ sapavitrakam pūrayetkarṣukañcātra madhukṣīraghṛtodakaiḥ tadupānte tato mudgaiḥ pātrāṇi trīṇi pūrayet oṃ pṛthivyai namastubhyamiti caikaṃ nivedayet oṃ yamāya namaśceti dvitīyaṃ tadanantaram oṃ namaścātha rudrāya śmaśānapataye tathā tato dīptasamiddhāgniṃ bhūmau prakṛtikadāhakam nirvvapaṇaprakāramevāha oṃ kravyādavahnitaptāyai bhūmyai nama iti smaran kṣīrāktaṃ jalakumbhañca vikirettatpraśāntaye nābhimātraṃ tatastoyaṃ praviśya yamadiṅmukhaḥ saptabhyo yamasaṃjñebhyo dadyātsapta jalāñjalīn yamāya dharmmarājāya mṛtyave cāntakāya ca vaivasvatāya kālāya sarvvapraharaṇāya ca svadhākāro namaskāraḥ praṇavaiḥ saha saptadhā oṃ namaścātha rudrāya śmaśānapataye namaḥ lājodakābhyāṃ pūrṇantu kumbhañca vikiredbhuvi tataśca yāmyonmukheṣu darbheṣu pradadyādavanejanam svadheti śukravāhrāya rudraṃ nama iti smaran amukāmukagotraitattubhyamastu tilodakam pradadyāddaśapiṇḍāṃstu arghyapuṣpasamanvitān dhūpo dīpo balirgandhaḥ sarvveṣāmastu cākṣayaḥ daśapiṇḍāṃstato dattvā viṣṇoḥ saumyaṃ sukhaṃ smaran nirukṣāṇañca tattoyaṃ nābhimātraṃ praviśya tu ### [10.p5.22](https://indike.org/pramana/in.niti.dharma.nibandha.mahanibandha.madanaparijata.10.p5.22) prakṣipetpūrṇakumbhe ca jalamadhye pṛthak pṛthak pradadyātsvapañcāśatkumbhenātha jalāñjalīn dvāropānte gṛhe vātha kṣīraṃ toyañca nikṣipet jīvātra snāhi dugdhañca pibedañcāpyanusmaran yāmyodmukheṣu darbheṣu svapetpaśyādudaṅmukhaḥ amāvāsyāyāṃ kuryyāttu jīvacchāddhamataḥ param ghṛtānnamāṃsadadhibhiḥ pūrayetkarttumātrakam kuryyācca māsikaṃ māsi sapiṇḍīkaraṇaṃ tataḥ aśaucānte tataḥ sarvvamātmano vā parasya tu kuryyādasthiratāṃ jñātvā śaktyārogyadhanāyuṣām tatrāpyamāvāsyāyāṃ praśastataratvenāmāvāsyāpūrvvadinaevāśaucamityamāvāsyaivāśaucānte atastatraiva śrāddhaṃ kuryyāt iha madanapārijāte madanakṣitipāladānajalarūr̤he stabakaḥ saptama āsīdāmodākṛṣṭapaṇḍitabhramaraḥ matiryeṣāṃ śāstre prakṛtiramaṇīyā vyavahṛtiḥ parā śīlaṃ ślāghyaṃ jagati ṛjavaste katipaye varaṃ citte teṣāṃ mukuratalabhūte sthitimiyāt dvayaṃ vyāsāraṇyapravaramuniśiṣyasya bhaṇitiḥ iti paṇḍitapārijātakabhaṭṭāramalletyādi virudarājīvirājamānasya śrīmadanapālasya nibandhe madanapārijātābhidheye saptamaḥ stabakaḥ athāṣṭamaḥ stavakaḥ vibhaktānāmeva pṛthak pṛthak śrāddhādhikārācchrāddhastavakāntaraṃ dāyavibhāgo nirūpyate tatra nāradaḥ vibhāgo'rthasya pitryasya putrairyatra nirūpyate† dāyabhāga iti proktastadvivādapadambudhaiḥ pitryasyeti pitāmahādyupalakṣaṇam | taditi vidheyaviśeṣaṇam catvāraḥ kālā vibhāgasya jīvatyeva pitari pituryadā vibhāgaicchā sa tāvadekaḥ‡| nivṛttarajaskāyāṃ mātari strīmukhānabhilāṣiṇi dravyanispṛhe ca pitari pitranicchāyāmapi yadā putrecchā so'nyaḥ | sarajaskāyāmapi mātari anicchatyapi ### [10.p5.23](https://indike.org/pramana/in.niti.dharma.nibandha.mahanibandha.madanaparijata.10.p5.23) pitari tasmin vṛddhe adharmmavarttini acikitsitarogagraste sati yadi putrecchā so'nyataraḥ | pitṛmaraṇānantaramapara iti tatra prathamapakṣamaha yājñavalkyaḥ vibhāgañcetpitā kuryyādicchayā vibhajetsutān jyeṣṭhaṃ vā śreṣṭhabhāgena sarvve vā syuḥ samāṃśinaḥ jyeṣṭhādivibhāgaśca manunā darśitaḥ jyeṣṭhasya viṃśa uddhāraḥ sarvvadravyācca yadvaram tato'rddhaṃ madhyamasya syātturoyantu yavīyasaḥ syārthaḥ| vibhajye dravye viṃśatitamo vibhāgaḥ yacca vibhajyadravye śreṣṭhaṃ tajjeṣṭhāya dātavyam| madhyamasya catvāriṃśattamo bhāgo madhyamadravyañca madhyamāya| aśītitamo bhāgo hīnañca dravyaṃ kaniṣṭhāya dātavyam| tato'vaśiṣṭaṃ dravyaṃ samaṃ vibhajya gṛhlīyāditi| evamanyānyapi viṣamavibhāgapratipādakāni gautamādivacanāni bahūni santi tāni granthavistarabhayā†nneha pradarśitāni| evaṃ viṣamavibhāgasya śāstrasiddhatve'pi lokaviruddhatvādasvargyaṃ lokavidviṣṭaṃ dharmmamapyāharenna tu‡ iti vacanāccāyaṃ vibhāgakramo nānuṣṭheyaḥ smaryyate yathā niyogadharmmiṇyo§ nānubandhāvadho'pi vā¶ tathoddhāravibhāgo hi naivaṃ samprati varttate yadi daivātpitā karoti viṣamavibhāgastadā na nivarttate ityāha yājñavalkyaḥ nyūnādhikavibhaktānāṃ dharmmyaḥ pitṛkṛtaḥ smṛtaḥ dharmmyo yadi dharmmādanapetastarhi na nivarttanīya ityarthaḥ| adharmmyaścennivarttyate ityuktaṃ bhavati tathāca nāradaḥ anyathāśāstrakārī ca na vibhāge pitā prabhuḥ | iti yatra ca viṣamavibhāge lokavidveṣābhāvastatra viṣamavibhāgo bhavatyeva yadāha nāradaḥ dvāvaṃśau pratipadyeta vibhajannātmanaḥ piteti etacca svatantropārjjakaparam ### [10.p5.24](https://indike.org/pramana/in.niti.dharma.nibandha.mahanibandha.madanaparijata.10.p5.24) yadāha vaśiṣṭhaḥ yena caiṣāṃ svayamupārjjitaṃ syāt sa dvaṃśameva labheta iti eṣāṃ dāyārhapitṛbhrātrādīnām dvitīyaṃ pakṣamāha vibhajeyurdhanaṃ samamityanuvṛttau nāradaḥ māturnivṛtte rajasi prattāsu bhaginīṣu ca nivṛtte cāpi ramaṇātpitaryyuparataspṛhe prattāsu vivāhitāsu, ramaṇaṃ strīsambhogaḥ | tadicchānivṛttau satyāmityarthaḥ | spṛhā dravyaviṣayā tṛtīyapakṣamāha śaṅkhaḥ akāme pitari rikthavibhāgo vṛddhe viparītacetasi rogiṇi ceti akāma iti | viparītacetasi adharmmavarttini caturthapakṣamāha yājñavalkyaḥ vibhajeran sutāḥ pitrorūrddhaṃ rikthamṛṇaṃ samam sa eva asaṃskṛtāstu saṃskāryyā bhrātṛbhiḥ pūrvvasaṃskṛtaiḥ bhaginyaśca nijādaṃśāddattvāṃśantu turīyakam bahutve kanyābahutve cohanīyam | yadyekaḥ putraḥ dve ca kanye tadā pitṛdhanaṃ tredhā vibhajya tatraikamaṃśaṃ caturddhā kṛtvā ekamekaṃ caturthāṃśaṃ dvābhyāṃ kanyābhyāṃ dattvāvaśiṣṭamakhilaṃ putra eva gṛhṇāti | evameva samānajātīyeṣu bhrātṛṣu bhaginīṣu saṃkhyāvaiṣamye yojanīyam | yadā jātivaiṣamyaṃ saṃkhyāsāmyaṃ vaiṣamyaṃ vā tadaivaṃ draṣṭavyam | tadyathā brāhmaṇasya brāhmaṇyādibhāryā tatra brāhmaṇīputraḥ kanyā ca tathā kṣatriyāsutaḥ† kanyā ca | tathā vaiśyāyāḥ śūdrāyāścaivamaṣṭāvapatyāni tatra catvāryapatyāni striyaścatvāraḥ pumāṃsaścatustridvekabhāgāḥ syurityekavacanena ### [10.p5.25](https://indike.org/pramana/in.niti.dharma.nibandha.mahanibandha.madanaparijata.10.p5.25) brāhmaṇyapatyayoraṣṭāvaṃśāḥ kṣatriyāpatyayoḥ ṣaṭ vaiśyāpatyayoścatvāraḥ śūdrāpatyayoḥ dvau evaṃ viṃśatibhāgān kṛtvā brāhmaṇīkanyāyai svajātiputravihitāṃśacatuṣṭayarūpānnijāṅgāgāccaturthamaṃśaṃ dadyāt | kṣatriyakanyāyai svajātiputravihitāṃśatrayarūpānnijāṅgāgāccaturthamaṃśaṃ dadyāt | vaiśyakanyāyai svajātiputravihitāṃśadvayarūpānnijāṅgāgāccaturthamaṃśaṃ dadyāt | śūdrakanyakāyai svajātiputravihitāt ekāṃśarūpādeva nijāṅgāgāccaturthamaṃśaṃ dattvā tattadbhāgādavaśiṣṭaṃ dravyamekīkṛtya brāhmaṇyādiputrāśca kramāccatustridvekabhāgān gṛhṇīyuḥ bhrātṝṇāṃ bhaginīnāntu vaiṣamye yāvatyovyaktayobhrātrādīnāṃ tāvata aṃśān tattajjātyanusārāccatustridvekabhāgādikrameṇa kalpayitvā kanyakānāṃ svasvajātivihitādbhāgāccaturthamaṃśaṃ dattvāvaśiṣṭaṃ tattadbhāgadravyaṃ sarvvaiḥ punaścaturvyādikrameṇa vibhajya gṛhṇīyuurityevaṃ yojanīyam | kecana evaṃ manyante | pūrvoktarītyā caturthamaṃśaṃ kanyakāyai dattvā tenaiva vivāhaḥ karttavyaḥ na tu samuditadravyeṇa vivāhaṅkṛtvā punarapi caturthāṃśadānamiti tanmedhātithimitākṣarākārādīnāmanabhimatatvādupekṣaṇīyaṃ athavā deśācārato vyavasthā | dāyavibhāgakālastatprasaṅgādāgataścetyetadubhayaṃ nirūpitaṃ sāmprataṃ dāyagrahaṇasya vyavasthāṃ darśayituṃ mukhyagauṇaputrāḥ pradarśyante tatra yājñavalkyaḥ piṇḍado'ṃśaharaścaiṣāṃ pūrvvābhāve paraḥ paraḥ svajātīyeṣvayamproktastanayeṣu yathāvidhi tathāca manuḥ pitṛveśmani kanyā tu yaṃ putraṃ janayedrahaḥ kānīnaṃ taṃ vadennāmnā voḍhuḥ kanyā samudbhavam mātā pitā vā dadyātāṃ yamadbhiḥ putramāpadi ### [10.p5.26](https://indike.org/pramana/in.niti.dharma.nibandha.mahanibandha.madanaparijata.10.p5.26) sadṛśaṃ prītisaṃyuktaṃ sa jñeyo dattrimaḥ sutaḥ natvevaikaṃ putraṃ dadyātpratigṛhṇīyādveti putraṃ pratigrahīṣyan bandhūnāhūya rājani cāvedya niveśanasya madhye vyāhṛtibhirhutvādūrabāndhavaṃ bandhusannikṛṣṭameva pratigṛhṇīyāditi sa krītastu sutastasya sadṛśo'sadṛśo'thavā | iti kānīnagūḍhotpannasahoḍhapaunarbhavānāṃ savarṇatvaṃ janakadvāreṇa na svarūpataḥ teṣāṃ kuṇḍagolakatvena svatovarṇajātyantarbhāvābhāvāt putrikākaraṇānantaramaurasaputrotpattau viśeṣamāha manuḥ putrikāyāṃ kṛtāyāntu yadi putro'nujāyate samastatra vibhāgaḥ syājjyeṣṭhatā nāsti hi striyāḥ kātyāyanaḥ utpanne caurase putre caturthāṃśaharāḥ sutāḥ savarṇā asavarṇoste grāsācchādanabhājanāḥ savarṇāḥ kṣetrajadattakakrītakṛtrimasvayaṃdattāpaviddhā asavarṇāḥ kānīnagūḍhotpannasahoḍhapaunarbhavāḥ yatta viṣṇuvacanam apraśastāstu kānīnagūḍhotpannasahoḍhajāḥ paunarbhavastu naiveti pitūr† rikthāṃśabhāginaḥ || iti tadaurase sati caturthāṃśaniṣedhaparaṃ aurasādyabhāve tu kānīnādīnāmapi sakalapitryadhanagrahaṇamastyeva pūrbbābhāve paraḥ paraḥ iti vacanāditi vijñāneśvaramatam | yathācāyameva kramastathāsmābhirupapāditaḥ vijñāneśvaraṭīkāyāṃ subodhinyāṃ dāyabhāgaprakaraṇe | yastvaṃśādhikārī sannapi lobhādyabhāvāt svato'rjanaśaktisadbhāvādvāṃśaṃ na jighṛkṣati taṃ pratyāha yājñavalkyaḥ śaktasyānīhamānasya kiñciddattvā pṛthakkriyā aputreṇa parakṣetre niyògotpāditaḥ sutaḥ ubhayorapyasau rikthī piṇḍadātā ca dharmmataḥ manuḥ ūrddhaṃ vibhāgājjātastu pitryameva hareḍanam putraiḥ saha vibhaktena pitrā yatsvayamarjjitam ### [10.p5.27](https://indike.org/pramana/in.niti.dharma.nibandha.mahanibandha.madanaparijata.10.p5.27) vibhaktajasya tatsarvvamanīśāḥ pūrvvajāḥ smṛtāḥ saṃsṛṣṭāstena vā ye syurvibhajeta sa taiḥ saha stu tasmādeva garbhādvibhāgānantarasamutpannasya putrasya kathaṃ bhāgakalpanetyākāṅkṣāyām yājñavalkyaḥ dṛśyādvā tadvibhāgaḥ syādāyavyayaviśodhitāt yadāha vaśiṣṭhaḥ atha bhrātṝṇāṃ dāyavibhāgo yāścānapatyāḥ striyastāsāmāputralābhāditi pitrā vā vibhaktāya putrāyā laṅkaraṇādike dīyamāne vibhāgāntaramutpannena niṣedhaḥ kāryyaḥ tathāca yogīśvaraḥ pitṛbhyāṃ yasya yaddattaṃ tattasyaiva dhanaṃ bhavet vibhāgātprāk pitrā mātrā vā yasmai yaddattaṃ tattasyaiva samānanyāyatvāt | ataeva ekasmai dīyamāne'nyena niṣedho'pi na kāryyaḥ ## Linked texts (31) - [Garuḍapurāṇa](https://indike.org/pramana/in.purana.garuda.2.5.71) — Vyāsa, Sanskrit - [Yājñavalkyasmṛti](https://indike.org/pramana/in.niti.dharma.yajnavalkya.1.237) — Yājñavalkya, Sanskrit - [Paiṭhīnasidharmasūtra (fragments)](https://indike.org/pramana/in.vedanga.kalpa.dharma.paithinasi*fragments.6.9) — Sanskrit - [Agnipurāṇa](https://indike.org/pramana/in.purana.agni.163.16) — Vyāsa, Sanskrit - [Nāradapurāṇa](https://indike.org/pramana/in.purana.narada.1.51.128) — Vyāsa, Sanskrit - [Kāmikāgama](https://indike.org/pramana/in.sampradaya.saiva.agama.siva.kamika.2.29.201-2) — Sanskrit - [Kūrmapurāṇa](https://indike.org/pramana/in.purana.kurma.2.22.53) — Vyāsa, Sanskrit - [Mānava Dharmaśāstra](https://indike.org/pramana/in.niti.dharma.manu.9.134) — Manu & Bhṛgu, Sanskrit - [Baudhāyanadharmasūtra](https://indike.org/pramana/in.vedanga.kalpa.dharma.baudhayana.2.2.3.16-2ab) — Baudhāyana, Sanskrit - [Nāradasmṛti](https://indike.org/pramana/in.niti.dharma.narada.v13.1) — Nārada, Sanskrit - [Hārītadharmasūtra (fragments)](https://indike.org/pramana/in.vedanga.kalpa.dharma.harita*fragments.8.15) — Sanskrit - [Śaṅkhalikhitadharmasūtra (fragments)](https://indike.org/pramana/in.vedanga.kalpa.dharma.sankhalikhita*fragments.6.1) — Sanskrit - [Pracetassmṛti (fragments)](https://indike.org/pramana/in.niti.dharma.uddhrta.pracetassmrti*fragments.1.17) — Sanskrit - [Sumantudharmasūtra (fragments)](https://indike.org/pramana/in.vedanga.kalpa.dharma.sumantudharmasutra*fragments.1.5) — Sanskrit - [Jātūkarṇyasmṛti (fragments)](https://indike.org/pramana/in.niti.dharma.uddhrta.jatukarnya*fragments.1.1) — Sanskrit - [Kārṣṇājinismṛti (fragments)](https://indike.org/pramana/in.niti.dharma.uddhrta.karsnajinismrti*fragments.1.3) — Sanskrit - [Laugākṣismṛti (fragments)](https://indike.org/pramana/in.niti.dharma.uddhrta.laugaksismrti*fragments.1.7) — Sanskrit - [Bhagavantabhāskara](https://indike.org/pramana/in.niti.dharma.nibandha.mahanibandha.bhagavantabhaskara.45.p94) — Nīlakaṇṭha Dīkṣita 1625, Sanskrit - [Śrāddhakaumudī](https://indike.org/pramana/in.niti.dharma.sraddha.mithila_bengal.sraddhakaumudi.5.p69) — Govindānanda 1500, Sanskrit - [Gūḍhārthadīpikā](https://indike.org/pramana/in.niti.dharma.nibandha.nirnaya.gudharthadipika.2.p785) — Vāmadeva, Sanskrit - [Dāyabhāga](https://indike.org/pramana/in.niti.dharma.nibandha.dayabhaga.1.2) — Jīmūtavāhana, Sanskrit - [Bārhaspatyasaṃhitā (Aṅgiras)](https://indike.org/pramana/in.astro.samhita.rsi.barhaspatyasamhita.31.126) — Aṅgiras, Sanskrit - [Smṛtiratnākara (Vivādaratnākara, Kṛtyaratnākara…)](https://indike.org/pramana/in.niti.dharma.nibandha.mahanibandha.smrtiratnakara.19.p11) — Caṇḍeśvara Ṭhakkura, Sanskrit - [Vyavahāramayūkha](https://indike.org/pramana/in.niti.dharma.nibandha.vyavaharamayukha.3.p159) — Nīlakaṇṭhabhaṭṭa 1610, Sanskrit - [Rājadharmakaustubha](https://indike.org/pramana/in.niti.dharma.rajadharma.rajadharmakaustubha.84.16) — Anantadeva 1645, Sanskrit - [Vyavahāraprakāśa (Mitramiśra)](https://indike.org/pramana/in.niti.dharma.vyavahara.vyavaharaprakasa.8.p948) — Mitramiśra, Sanskrit - [Vivādaratnākara](https://indike.org/pramana/in.niti.dharma.vyavahara.vivada.vivadaratnakara.20.p14) — Caṇḍeśvara, Sanskrit - [Madanaratna](https://indike.org/pramana/in.niti.dharma.nibandha.mahanibandha.madanaratna.4.p4) — Madanasiṃha, Sanskrit - [Śūdrakamalākara](https://indike.org/pramana/in.niti.dharma.jati.sudrakamalakara.39.1-51) — Kamalākarabhaṭṭa, Sanskrit - [Śrāddhadīpa](https://indike.org/pramana/in.niti.dharma.sraddha.sraddhadipa.8.558) — Divyasiṃha Mahāpātra 1640, Sanskrit - [Śūdrācāraśiromaṇi](https://indike.org/pramana/in.niti.dharma.acara.sudradharma.sudracarasiromani.6.p34) — Kṛṣṇaśeṣa 1520, Sanskrit --- Source: [https://indike.org/pramana/in.niti.dharma.nibandha.mahanibandha.madanaparijata.10.p5](https://indike.org/pramana/in.niti.dharma.nibandha.mahanibandha.madanaparijata.10.p5) · Pramāṇa