[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Legal Digests](https://indike.org/pramana/in.niti.dharma.nibandha) › [Great comprehensive digests](https://indike.org/pramana/in.niti.dharma.nibandha.mahanibandha) › [Nrisimhaprasada](https://indike.org/pramana/in.niti.dharma.nibandha.mahanibandha.nrsimhaprasada) › p139 # Nrisimhaprasada p139 Nṛsiṃhaprasāda p139 - **Language:** Sanskrit ### [p139](https://indike.org/pramana/in.niti.dharma.nibandha.mahanibandha.nrsimhaprasada.p139) tatra śrāddhaṃ dvividhaṃ pārvaṇamekoddiṣṭaṃ ca | tatra pārvvaṇaṃ nāma yatra puruṣatrayamuddiśya kriyā tatpārvvaṇam , ekapuruṣoddeśena kriyamāṇamekoddiṣṭam | etad dvividhamapi trividhaṃ, nityaṃ naimittikaṃ kāmyaṃ ca| tatra jīvanopādhitayā vihitaṃ nityaṃ yathā darśe vihitamamāvāsyāśrāddham iti | aniyatanimittakaṃ naimittikaṃ yathā candroparāgādau vihitam | kāmanānimittatayā vihitaṃ kāmyaṃ yathā tithinakṣatrādiṣu | punardvādaśadhā nityanaimittikakāmyavṛddhiśrāddhasapiṇḍapārvvaṇagoṣṭhīśuddhyarthakarmāṅgadaivikayāñnāpuṣṭyarthāni | tathoktaṃ viśvāmitreṇa— “nityaṃ naimittikaṃ kāmyaṃ vṛddhiśrāddhaṃ sapiṇḍanam | pārvvaṇaṃ ceti vijñeyaṃ goṣṭhyāṃ śuddhyarthamaṣṭamam || karmāṅgaṃ navamaṃ proktaṃ daivikaṃ daśamaṃ smṛtam | yātrāsvekādaśaṃ proktaṃ puṣṭyarthaṃ dvādaśaṃ smṛtam” - [Previous: p138](https://indike.org/pramana/in.niti.dharma.nibandha.mahanibandha.nrsimhaprasada.p138) - [Next: p140](https://indike.org/pramana/in.niti.dharma.nibandha.mahanibandha.nrsimhaprasada.p140) ## Linked texts (2) - [Gūḍhārthadīpikā](https://indike.org/pramana/in.niti.dharma.nibandha.nirnaya.gudharthadipika.2.p648) — Vāmadeva, Sanskrit - [Śrāddhacandrikā (Divākarabhaṭṭa)](https://indike.org/pramana/in.niti.dharma.sraddha.sraddhacandrika.1.p10) — Divākarabhaṭṭa 1655, Sanskrit --- Source: [https://indike.org/pramana/in.niti.dharma.nibandha.mahanibandha.nrsimhaprasada.p139](https://indike.org/pramana/in.niti.dharma.nibandha.mahanibandha.nrsimhaprasada.p139) · Pramāṇa