[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Legal Digests](https://indike.org/pramana/in.niti.dharma.nibandha) › [Great comprehensive digests](https://indike.org/pramana/in.niti.dharma.nibandha.mahanibandha) › [Nrisimhaprasada](https://indike.org/pramana/in.niti.dharma.nibandha.mahanibandha.nrsimhaprasada) › p151 # Nrisimhaprasada p151 Nṛsiṃhaprasāda p151 - **Language:** Sanskrit ### [p151](https://indike.org/pramana/in.niti.dharma.nibandha.mahanibandha.nrsimhaprasada.p151) śarīropacaye iti tadupacayārtharasāyanādyupacaye vā jāte rasāyanauṣadhādeḥ siddhau jātāyāṃ vā | arthāgame vā jāta iti | arthopacaye mahālābhe nidhirūpyādilābha iti yāvat | tatra viṣṇudharmottare— “dakṣiṇapravaṇe deśe tīrthādau vā gṛhe'pi vā | bhūsaṃskārādisaṃyukte śrāddhaṃ kuryāt prayatnataḥ” iti | devarṣisiddhatāpasādisevitamudakaṃ tīrthamityabhidhīyate | gomayādinopalepo bhūsaṃskāraḥ | ādiśabdenāśucidravyāpasāraṇam | taduktaṃ manunā'pi— “śucideśe vivikte tu gomayenopalipya ca | dakṣiṇapravaṇe caiva prayatnainopapādayet || kṛmikīṭādyupahataṃ deśaṃ śrāddhe vivarjayet” | tathā mārkaṇḍeyaḥ— “varjyā jantumayī rūkṣā kṣitirduṣṭā tathā'gninā | aniṣṭaduṣṭaśabdāogrā durgandhā śrāddhakarmaṇī”ti | tadāha dakṣaḥ— “ṛkṣakūmihataṃ klinnaṃ saṃkīrṇāniṣṭagandhakam | deśaṃ tvaniṣṭaśabdaṃ ca varjayecchrāddhakarmaṇī”ti || klinnaṃ sampṛktaṃ saṅkīrṇamanyaiḥ saṅkīrṇam | tathā śaṅkhaḥ— “gogavāśvādipṛṣṭheṣu kṛtrimāyāṃ tathā bhuvi | na kuryācchrāddhameteṣu parakyāsu ca bhūmiṣu” iti | kṛtrimāyāṃ vedikādau, pārakyāsu paraparigṛhītāsu | tāśca gṛhagoṣṭhārāmādayaḥ na punastorthādisthānāni - [Previous: p150](https://indike.org/pramana/in.niti.dharma.nibandha.mahanibandha.nrsimhaprasada.p150) - [Next: p152](https://indike.org/pramana/in.niti.dharma.nibandha.mahanibandha.nrsimhaprasada.p152) --- Source: [https://indike.org/pramana/in.niti.dharma.nibandha.mahanibandha.nrsimhaprasada.p151](https://indike.org/pramana/in.niti.dharma.nibandha.mahanibandha.nrsimhaprasada.p151) · Pramāṇa