[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Legal Digests](https://indike.org/pramana/in.niti.dharma.nibandha) › [Great comprehensive digests](https://indike.org/pramana/in.niti.dharma.nibandha.mahanibandha) › [Nrisimhaprasada](https://indike.org/pramana/in.niti.dharma.nibandha.mahanibandha.nrsimhaprasada) › p174 # Nrisimhaprasada p174 Nṛsiṃhaprasāda p174 - **Language:** Sanskrit ### [p174](https://indike.org/pramana/in.niti.dharma.nibandha.mahanibandha.nrsimhaprasada.p174) viṣṇuḥ— “candanakarpūrakuṅkumanāgarapadmakānyanulepanāya” iti | dadyāditi śeṣaḥ | tatra marīciḥ— “karpūrakuṅkumopetaṃ sugandhaṃ sitacandanam | daivike tvathavā pitrye gandhadāne praśasyate” mārkaṇḍeyaḥ— “candanāgurukarpūrakuṅkumāni pradāpayet | aśvamedhamavāpnoti pitṝṇāmanulepanāt” | tasmātsurabhi candanaṃ deyam | tathā ca smṛtyantaram— “nāgandhaṃ na durgandhaṃ na kṛṣṇaṃ nātyalpaṃ ca dadyādi”ti viṣṇuḥ | brahmapurāṇe— “śvetacandanakarpūracandanāni śubhāni ca | vilepanārthaṃ dadyāttu yaccānyat pitṛvallabham” iti | bhṛguḥ— “sapavitreṇa hastena dadyādgandhānulepanam | ekavāsāśca yo dadyāt nirāśāḥ pitaro gatāḥ” iti | brāhmaṇānāmapi kaścinniyamaḥ— “lalāṭe puṇḍrakaṃ dṛṣṭvā skandhe mālāṃ tathaiva ca | nirāśāḥ pitaro yānti dṛṣṭvā ca vṛṣalīpatim” iti | puṇḍraniṣedhastu tiryak puṇḍraviṣayaḥ, nordhvapuṇḍraviṣaya tā tasya kalpayituṃ śakyā, tasya sarvadā vihitatvāt | prati pāditametannityaprakaraṇe samyaktayā | tathā śrāddhadeśe śvamārjārakukkuṭaśūdrapatitavyaṅgonmattācārahīna kṛṣṇāvikakṛṣṇāyasaraktavāsāṃsi dūrato niḥsārayediti - [Previous: p173](https://indike.org/pramana/in.niti.dharma.nibandha.mahanibandha.nrsimhaprasada.p173) - [Next: p175](https://indike.org/pramana/in.niti.dharma.nibandha.mahanibandha.nrsimhaprasada.p175) --- Source: [https://indike.org/pramana/in.niti.dharma.nibandha.mahanibandha.nrsimhaprasada.p174](https://indike.org/pramana/in.niti.dharma.nibandha.mahanibandha.nrsimhaprasada.p174) · Pramāṇa