[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Legal Digests](https://indike.org/pramana/in.niti.dharma.nibandha) › [Great comprehensive digests](https://indike.org/pramana/in.niti.dharma.nibandha.mahanibandha) › [Nrisimhaprasada](https://indike.org/pramana/in.niti.dharma.nibandha.mahanibandha.nrsimhaprasada) › p175 # Nrisimhaprasada p175 Nṛsiṃhaprasāda p175 - **Language:** Sanskrit ### [p175](https://indike.org/pramana/in.niti.dharma.nibandha.mahanibandha.nrsimhaprasada.p175) atha puṣpāṇi | atra padmotpalāni śukletarāṇyapi deyāni | atra viṣṇuḥ— “jalajāni raktānyapi dadyāt” | taduktaṃ brahmāṇḍapurāṇe— “śuklāḥ sumanasaḥ śreṣṭhāstathā padmotpalāni ca | gandhavarṇopapannāni yāni cānyāni kṛtsnaśaḥ” iti | mārkaṇḍeyaḥ"jātau ca sarvadā deyā mallikā śvetayūthikā | jalodbhavāni sarvāṇi kusumāni ca campakam" | evaṃ tulasīviṣaye"pitṛpiṇḍārcanaṃ śrāddhe yaiḥ kṛtaṃ tulasīdalaiḥ | prīṇītāḥ pitarastena yāvaccandrārkamedini" || atra jātīkusumaṃ na deyam | "na jātīkusumāni dadyānna kadalīpatram"ti aṅgirasā niṣedhā bhidhānāt | tathā kraturapi niṣedhati"asurāṇāṃ kule jātā jātī pūrvaparigrahe | tasyā darśanamātreṇa nirāśāḥ pitaro gatā" iti | atra jātīkusumaniṣedho vaikalpika iti jñeyam, kratuṣu niṣedho mārkaṇḍeye vidhiḥ | ato vihitapratiṣiddhatvādvikalpa eva nyāyyaḥ | tāni puṣpāṇi karavīravyatiriktāni, karavīrāṇāṃ niṣedhāt | tathā ca smaranti śiṣṭāḥ"tulasīṃ bhṛṅgarājaṃ śamīpatraṃ kuśapatraṃ puṣpādīni ca dadyāt karavīrāṇi na dadyāt" iti | tatra varjyānoha viṣṇuḥ"ugragandhīnyagandhīni caityavṛkṣodbhavāni ca | puṣpāṇi varjanīyāno raktavarṇāni yāni ca" | caityavṛkṣodbhavāni śmaśānadeśavṛkṣodbhavāni | atra raktavarṇaniṣedho jalajavyatiriktaviṣayaḥ | “jalodbhavāni deyāni raktānyapi viśeṣataḥ” iti vacanāt | “varjayeddurgandhāni kaṇṭakajātāni raktāni puṣpāṇi ca sitāni sugandhīni kaṇṭakajātānyapi dadyādi”ti viṣṇusmaraṇācca | tathā matsyapurāṇe'pi— “padmabilvārkadhattūrapāribhadrāṭarūṣakāḥ | na deyāḥ pitṛkāryeṣu payaścājāvikaṃ tathā” | pāribhadro mandāraḥ | āṭarūṣa āḍharūṣaḥ | “mayūrakāṇḍadhvanikā rājamāṣakusumbhikā | padmabilvārkadhattūre”ti | kāṇḍadhvaniketi vallīviśeṣaḥ | atha dhūpaḥ | viṣṇudharmottare— “dhūpo guggulujo deyastathā candanasārajaḥ | aguruśca sakarpūrasturuṣkaśca tathaiva ca” | turuṣketi sugandhidhūpasyābhidhānam | turuṣkaḥ imalidṛkṣa iti vā | “candanāguruṇī cobhe tamālośīrapatrakam | dhūpe ca gugguluḥ śreṣṭhaḥ turuṣkaratvak tathaiva ca” | tamālo vṛkṣaviśeṣaḥ | uktamanyat | mārkaṇḍeyaḥ — “saghṛtaṃ gugguluṃ dhūpaṃ pitṝṇāṃ yaḥ prayacchati | aśvamedhaphalaṃ tasya dīpadasya tathaiva ca” - [Previous: p174](https://indike.org/pramana/in.niti.dharma.nibandha.mahanibandha.nrsimhaprasada.p174) - [Next: p176](https://indike.org/pramana/in.niti.dharma.nibandha.mahanibandha.nrsimhaprasada.p176) ## Linked texts (3) - [Skandamahāpurāṇa (vulgate)](https://indike.org/pramana/in.purana.skanda*vulgate.16.206.47) — Sanskrit - [Smṛticandrikā](https://indike.org/pramana/in.niti.dharma.nibandha.mahanibandha.smrticandrika.14.p40) — Devaṇṇabhaṭṭa, Sanskrit - [Śrāddhacandrikā (Divākarabhaṭṭa)](https://indike.org/pramana/in.niti.dharma.sraddha.sraddhacandrika.2.p26) — Divākarabhaṭṭa 1655, Sanskrit --- Source: [https://indike.org/pramana/in.niti.dharma.nibandha.mahanibandha.nrsimhaprasada.p175](https://indike.org/pramana/in.niti.dharma.nibandha.mahanibandha.nrsimhaprasada.p175) · Pramāṇa