[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Legal Digests](https://indike.org/pramana/in.niti.dharma.nibandha) › [Great comprehensive digests](https://indike.org/pramana/in.niti.dharma.nibandha.mahanibandha) › [Nrisimhaprasada](https://indike.org/pramana/in.niti.dharma.nibandha.mahanibandha.nrsimhaprasada) › p184.2 # Nrisimhaprasada p184.2 Nṛsiṃhaprasāda p184.2 - **Language:** Sanskrit ### [p184.2](https://indike.org/pramana/in.niti.dharma.nibandha.mahanibandha.nrsimhaprasada.p184.2) upaspṛśyodakānsamyak viprāṃstānupaveśayet” iti | tathā sumanturapi— “darbhapāṇirdvirācamya laghuvāsā jitendriyaḥ | pariśrite śucau deśe gomayenopalepite || dakṣiṇāpravaṇe samyak ācāntānprayatānśucīn | āsaneṣu vivikteṣu sadabhaiṣūpaveśayet” iti | tatsam̐khyā prāguktaiva, tadāha yogī— “dvau daive prāk trayaḥ pitrya udagekaikameva vā | mātāmahānāmapyevaṃ tantraṃ vā vaiśvadevikam” iti | evaṃ mātāmahānāmapīti atideśo diṅniyamasaṃkhyāviṣayaḥ | vaiśvadevikaṃ karma śrāddhārthamāvṛttyā'nuṣṭheyaṃ tantreṇa vetyabhiprāyeṇa tantraṃ vā vaiśvadevikamityuktam | “tathā mātāmahaśrāddhaṃ vaiśvadevasamanvitam | kurvīta bhaktisampannastantraṃ vā vaiśvadevikam” iti marīci smaraṇāt | tatrāsanaṃ saṃspṛśan savyena pāṇinā dakṣiṇena brāhmaṇamupasaṅgṛhya samādhvamiti cokta upaviśet iti | “jānvālbhya tato devānupaveśya tataḥ pitṝn | samastābhirvyāhṛtibhirāsaneṣūpaveśayet ” iti dharmasmaraṇāt | ete niyamairyuktāstiṣṭheyuḥ— “pavitrapāṇayassarve te ca maunavratānvitāḥ | ucchiṣṭocchiṣṭasaṃspṛṣṭaṃ varjayantaḥ parasparam” iti vaśiṣṭhasmaraṇāt | maunitā ca brahmodyakathāvyatiriktaviṣayā | “brahmodyāśca kathāḥ kuryuḥ pitṝṇāmetadīpsitam” iti vacanāt | brāhmaṇeṣūpaviṣṭeṣu yatibrahmacāriṇau yadyāgacchetāṃ tadā tāvapyupaveśanīyau | “brāhmaṇaṃ bhikṣukaṃ cāpi bhojanārthamupasthitam | brāhmaṇairabhyanujñātaḥ śaktitaḥ pratipūjayet” iti manusmaraṇāt | tathā yamo'pi— “bhikṣuko brahmacārī vā bhojanārthamupasthitaḥ | upaviṣṭeṣvanuprāptaḥ kāmaṃ tamapi bhojayediti | - [Previous: p184.1](https://indike.org/pramana/in.niti.dharma.nibandha.mahanibandha.nrsimhaprasada.p184.1) - [Next: p184.3](https://indike.org/pramana/in.niti.dharma.nibandha.mahanibandha.nrsimhaprasada.p184.3) - [Up: p184](https://indike.org/pramana/in.niti.dharma.nibandha.mahanibandha.nrsimhaprasada.p184) ## Linked texts (7) - [Padmapurāṇa](https://indike.org/pramana/in.purana.padma.2.12.75) — Vyāsa, Sanskrit - [Kūrmapurāṇa](https://indike.org/pramana/in.purana.kurma.2.22.31) — Vyāsa, Sanskrit - [Yājñavalkyasmṛti](https://indike.org/pramana/in.niti.dharma.yajnavalkya.1.228) — Yājñavalkya, Sanskrit - [Smṛticandrikā](https://indike.org/pramana/in.niti.dharma.nibandha.mahanibandha.smrticandrika.14.p63) — Devaṇṇabhaṭṭa, Sanskrit - [Bhagavantabhāskara](https://indike.org/pramana/in.niti.dharma.nibandha.mahanibandha.bhagavantabhaskara.45.p48) — Nīlakaṇṭha Dīkṣita 1625, Sanskrit - [Kālasāra](https://indike.org/pramana/in.astro.muhurta.kala.kalasara.18.p84) — Nārāyaṇa Jyotirvit, Sanskrit - [Kālasāra](https://indike.org/pramana/in.niti.dharma.kala.kalasara.18.p84) — Gadādhara (Pāraskara commentator), Sanskrit --- Source: [https://indike.org/pramana/in.niti.dharma.nibandha.mahanibandha.nrsimhaprasada.p184.2](https://indike.org/pramana/in.niti.dharma.nibandha.mahanibandha.nrsimhaprasada.p184.2) · Pramāṇa