[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Legal Digests](https://indike.org/pramana/in.niti.dharma.nibandha) › [Great comprehensive digests](https://indike.org/pramana/in.niti.dharma.nibandha.mahanibandha) › [Nrisimhaprasada](https://indike.org/pramana/in.niti.dharma.nibandha.mahanibandha.nrsimhaprasada) › p184.3 # Nrisimhaprasada p184.3 Nṛsiṃhaprasāda p184.3 - **Language:** Sanskrit ### [p184.3](https://indike.org/pramana/in.niti.dharma.nibandha.mahanibandha.nrsimhaprasada.p184.3) tathā chāgaleyaḥ– “pūjayecchrāddhakāle'pi yatiṃ sabrahmacāriṇam | vimānuddharate pāpāt pitṛmātṛgaṇānapī''ti || brāhmaṇopaveśanānantaraṃ triḥprāṇānāyamya tithyādi smṛtvā pūrvoktaguṇaviśiṣṭatithau prakrāntaṃ śrāddhakarma kariṣye iti saṅkalpya ṛtusmṛtyā'nutiṣṭhet | apavitraḥ pavitro vā iti japitvā— ‘‘śrāddhabhūmau gayāṃ dhyātvā dhyātvā devaṃ gadādharam | vasvādiṃśca pitṝndhyātvā tataḥ śrāddhaṃ pravarttate’’ iti bhūmau hastaṃ nikṣipya japet | ‘‘tābhyāṃ caiva namaskṛtya tataḥ śrāddhaṃ pravarttayediti ca paṭhet| atra dvitīyārthe tṛtīyā | tatastilodakena pākādiprokṣaṇaṃ kāryam | ‘‘śuddhavatībhiḥ kūṣmāṇḍībhiḥ pāvamānībhiḥ pākādi prokṣayedi’’ti smaraṇāt | atraivaṃ vyavasthā vyākhyeyā | vedatrayāśayena sūktatrayaṃ, tatra śuddhavatyaḥ chandogaviṣayiṇyaḥ | etaṃ nvindraṃ stavāmeti śuddhavatyaḥ | kūṣmāṇḍyo'dhvaryuviṣayāḥ | yaddevā devaheḍanamiti kūṣmāṇḍyaḥ | pāvamānyaḥ suvarjana iti pāvamānyaḥ | tata etairmantraistilodakaṃ vidhāyeti | ‘‘ubhau hastau samau kṛtvā jānubhyāmuparisthitau || sa praśrayaṃ copaviṣṭān sarvānpṛṣṭed dvijottamān ” iti | tataḥ–‘‘devatābhyaḥ pitṛbhyaśca mahāyogibhya eva ca | namaḥ svāhāyai svadhāyai nityameva namo namaḥ’’ iti mantraṃ triḥ paṭhet | ‘‘ādye'vasāne śrāddhasya trirāvṛttaṃ japetsade’’ti vacanāt | ‘‘piṇḍanirvapaṇe caiva japedetatsamāhitaḥ | pitaraḥ kṣipramāyānti rākṣasāḥ pradravanti ca” || tataḥ kecit-śrāddhabhūmau siddhārthakāḥ gaurasarṣapā nikṣepaṇīyā ityāhuḥ | “siddhārthakān kṣipeda bhūmau rakṣasāmapavṛttaye” iti vacanāt | tatastilān sarvadikṣu vikiret | - [Previous: p184.2](https://indike.org/pramana/in.niti.dharma.nibandha.mahanibandha.nrsimhaprasada.p184.2) - [Next: p184.4](https://indike.org/pramana/in.niti.dharma.nibandha.mahanibandha.nrsimhaprasada.p184.4) - [Up: p184](https://indike.org/pramana/in.niti.dharma.nibandha.mahanibandha.nrsimhaprasada.p184) ## Linked texts (4) - [Skandamahāpurāṇa (vulgate)](https://indike.org/pramana/in.purana.skanda*vulgate.16.206.116) — Sanskrit - [Brahmāṇḍapurāṇa](https://indike.org/pramana/in.purana.brahmanda.2.11.18) — Vyāsa, Sanskrit - [Vāyupurāṇa](https://indike.org/pramana/in.purana.vayu.2.12.17) — Vyāsa, Sanskrit - [Smṛticandrikā](https://indike.org/pramana/in.niti.dharma.nibandha.mahanibandha.smrticandrika.14.p74) — Devaṇṇabhaṭṭa, Sanskrit --- Source: [https://indike.org/pramana/in.niti.dharma.nibandha.mahanibandha.nrsimhaprasada.p184.3](https://indike.org/pramana/in.niti.dharma.nibandha.mahanibandha.nrsimhaprasada.p184.3) · Pramāṇa