[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Legal Digests](https://indike.org/pramana/in.niti.dharma.nibandha) › [Great comprehensive digests](https://indike.org/pramana/in.niti.dharma.nibandha.mahanibandha) › [Nrisimhaprasada](https://indike.org/pramana/in.niti.dharma.nibandha.mahanibandha.nrsimhaprasada) › p184.4 # Nrisimhaprasada p184.4 Nṛsiṃhaprasāda p184.4 - **Language:** Sanskrit ### [p184.4](https://indike.org/pramana/in.niti.dharma.nibandha.mahanibandha.nrsimhaprasada.p184.4) tatra mantraḥ“nihanmi sarvaṃ yadamedhyamatra hatāśca sarve suradānavā mayā | rakṣāṃsi yakṣāḥ sapiśācaguhyakā hatā mayā yātudhānāśca sarve” iti | taduktaṃ nigame-“apahatā iti tilān vikiredi”ti | mantrastuapahatā̍ asu̱rā rakṣā̍m̐si vediṣadaḥ iti | smṛtyantare viśeṣa uktaḥ“agniṣvāttāḥ pitṛgaṇāḥ prācīṃ rakṣantu me diśam | tathā barhiṣadaḥ pāntu yāmyāṃ ye pitaraḥ sthitāḥ || pratīcīmājyapāstadvadudīcīmapi somapāḥ | rakṣobhūtapiśācebhya stathaivāsuradoṣataḥ || sarvataścādhipasteṣāṃ yamo rakṣāṃ karotu me” iti | athāsanam | āsanaṃ ca brāhmaṇahaste udakadānapūrvakaṃ kartavyam| “pāṇiprakṣālanaṃ kṛtvā viṣṭarārthān kuśānapi” iti yogismaraṇāt | tathā“kuruṣveti sa tairūkto dadyādarbhāsanaṃ tathā” iti purāṇeṣu smaraṇāt | āsanaṃ cāsane deyam | taduktam“āsane cāsanaṃ dadyādvāme vā dakṣiṇe'pi vā” iti | vāśabdo vyavasthitavikalpārthaḥ—vyavasthā caivaṃ daive dakṣiṇataḥ pitrye vāme iti | “pitṛkarmaṇi vāme vai daive karmaṇi dakṣiṇe”iti smaraṇāt | kāṭhake viśeṣaḥ— “pradadyādāsane darbhānnatu pāṇau kadācana | devānāṃmathavā darbhāḥ pitṝṇāṃ ca yavaiḥ saha” iti | āsanamudaṅmukho devānāṃ pitṝṇāṃ dakṣiṇāmukho dadyāt | “udaṅmukhastu devānāṃ pitṝṇāṃ dakṣiṇāmukhaḥ | āsanārghyādikaṃ dadyātsarvameva yathāvidhi” iti kratusmaraṇāt | āsanārghyādau niyamavidhānaṃ pādaprakṣālanādau pratyaṅmukhatāmāha | śaṅkhasmṛtau tu—śrāddhabhedena viśvedevādi saṃjñā bhedo dṛśyate | “iṣṭiśrāddhe kraturdakṣaḥ saṃkīrtyau vaiśvadevikau | nāndīmukhe satyavasū kāmyeṣu dhūrilocanau | purūravārdravau caiva pārvaṇe samudāhṛtau | - [Previous: p184.3](https://indike.org/pramana/in.niti.dharma.nibandha.mahanibandha.nrsimhaprasada.p184.3) - [Next: p184.5](https://indike.org/pramana/in.niti.dharma.nibandha.mahanibandha.nrsimhaprasada.p184.5) - [Up: p184](https://indike.org/pramana/in.niti.dharma.nibandha.mahanibandha.nrsimhaprasada.p184) ## Linked texts (3) - [Brahmāṇḍapurāṇa](https://indike.org/pramana/in.purana.brahmanda.2.11.81) — Vyāsa, Sanskrit - [Vāyupurāṇa](https://indike.org/pramana/in.purana.vayu.2.13.46) — Vyāsa, Sanskrit - [Bhagavantabhāskara](https://indike.org/pramana/in.niti.dharma.nibandha.mahanibandha.bhagavantabhaskara.45.p89) — Nīlakaṇṭha Dīkṣita 1625, Sanskrit --- Source: [https://indike.org/pramana/in.niti.dharma.nibandha.mahanibandha.nrsimhaprasada.p184.4](https://indike.org/pramana/in.niti.dharma.nibandha.mahanibandha.nrsimhaprasada.p184.4) · Pramāṇa